Monday, 22 June 2020

വ്യാജവാര്‍ത്തകളില്‍ ജനാധിപത്യം മുങ്ങിച്ചാവാതിരിക്കാന്‍.....


വ്യാജവാര്‍ത്തകളില്‍ ജനാധിപത്യം മുങ്ങിച്ചാവാതിരിക്കാന്‍.....


എന്‍.പി രാജേന്ദ്രന്‍
മനുഷ്യന്റെ ആയുസ് കൂടുകയാണ്. വൈദ്യശാസ്ത്രം വളര്‍ന്നാല്‍ രോഗങ്ങളും മരണവും ഇല്ലാതാവും. ആയുസ് കൂടൂം. അതെത്ര കൂടാം എന്നതിനെക്കുറിച്ച് ചില പ്രവചനങ്ങള്‍ വൈദ്യശാസ്ത്രലേഖനങ്ങളില്‍ വായിച്ചിട്ടുണ്ട്. ശരാശരി മനുഷ്യായുസ് വെറും 25 ആയിരുന്ന കാലം അതിവിദൂരഭൂതകാലത്തൊന്നുമല്ല. 1960-ല്‍ ജനിച്ചവരുടെ ആയുസ് ശരാശരി 52.5 ആയിരുന്നു. 2019-ല്‍ ജനിച്ചവരുടേത് 85 വരെ ഉയരും. അതിനും ശേഷം, രോഗം പിടിപെട്ട് ആരും മരിക്കാത്ത അവസ്ഥ കൈവരിക്കുമെന്നും മനുഷ്യായുസ് നൂറിനുമേല്‍ കടക്കുമെന്നും വിദഗ്ദ്ധരുടെ പ്രവചനങ്ങള്‍ ഉണ്ടായി. കൊറോണയുടെ വരവിനു ശേഷം ഈ പ്രവചനങ്ങള്‍ നിലനില്‍ക്കുമോ എന്നാര്‍ക്കും പറയാനാവില്ല. എല്ലാം കീഴ്‌മേല്‍ മറിഞ്ഞിരിക്കുന്നു.

മനുഷ്യന്റെ ഓവര്‍സ്പീഡിലുള്ള പാച്ചിലിനു കൊറോണ പോലുള്ള സഡണ്‍ ബ്രേക്കുകള്‍ വരുമ്പോള്‍ നമ്മുടെ സംസ്‌കാരത്തിന്റെ ഒരു മേഖലയുടെയും ഭാവിയെക്കുറിച്ച്്് ഒന്നും പ്രവചിക്കാനാവില്ല എന്നു വരുന്നു. സങ്കല്പങ്ങളും പ്രതീക്ഷകളും പ്രവചനങ്ങളും നിരര്‍ത്ഥകമാകും. സോപ്പുവെള്ളം തട്ടിയാല്‍ ചത്തുപോകുന്ന ഒരു സൂക്ഷ്മജീവി മനുഷ്യവംശത്തിനുതന്നെ ഭീഷണിയായി വരുമെന്ന് ആരൂം കരുതിയിരുന്നില്ല. ഈ മഹാമാരി പിടിച്ചുകുലുക്കാതെ പോകുന്ന ഒരു മേഖലയുമില്ല. ഒരു മേഖലയും കൊറോണയ്ക്കു ശേഷം-അങ്ങനെയൊരു നാളുണ്ടാവട്ടെ-ഇന്നത്തെപ്പോലെയാവില്ല എന്നുറപ്പിക്കാം. സംസ്‌കാരത്തിന്റെ

വര്‍ക്ക് ഫ്രം ഹോം രോഗം
കൊറോണ രണ്ടു മാസം പിന്നിടുംമുന്‍പുതന്നെ, പല മേഖലകളിലും നേരത്തെ സങ്കല്‍പ്പിച്ചിട്ടേ ഇല്ലാത്ത മാറ്റങ്ങള്‍ സംഭവിച്ചുകഴിഞ്ഞിരിക്കുന്നു. നാല്പതോളം പേര്‍ ജോലിചെയ്യുന്ന ഒരു ഓണ്‍ലൈന്‍ മാധ്യമസ്ഥാപനത്തിലെ പത്രപ്രവര്‍ത്തകനുമായി സംസാരിച്ചപ്പോള്‍ അദ്ദേഹം പറഞ്ഞത് ഇപ്പോഴവിടെ നാലഞ്ചുപേര്‍ മാത്രമേ ഓഫീസില്‍ ഹാജരായി ജോലി ചെയ്യുന്നുള്ളു എന്നാണ്. ബാക്കിയെല്ലാവരും വീട്ടിലിരുന്നാണ് പ്രവര്‍ത്തിക്കുന്നത്. എന്തു സുഖം എന്നാവും ആരുടെയും ആദ്യപ്രതികരണം. ഓഫീസിലിരുന്നു ചെയ്തതിനേക്കാള്‍ കൂടുതല്‍ ജോലി ഇപ്പോള്‍ വീട്ടിലിരുന്നു ചെയ്യേണ്ടിവരുന്ന നിരാശയിലാണത്രെ അവരിപ്പോള്‍. ഓഫീസിലായിരുന്നപ്പോള്‍ ജോലി തുടങ്ങാനും അവസാനിപ്പിക്കാനും നിശ്ചിതസമയം ഉണ്ടായിരുന്നു. ഇപ്പോഴതൊന്നും ബാധകമല്ല. ഏതു സമയത്തും പുതിയ ചുമതലകള്‍ ചുമലില്‍ വന്നുവീഴാം. വീട്ടിലിരുന്നു പണിയെടുക്കാന്‍ പറഞ്ഞാല്‍ ആളുകള്‍ ഉഴപ്പുകയേ ഉള്ളൂ എന്നാണ് അടുത്തകാലം വരെ ഉണ്ടായിരുന്നു ധാരണ. ഐ.ടി രംഗത്ത് അതു എന്നേ മാറി. മാധ്യമരംഗത്തും മാറിയിരിക്കുന്നു. എത്ര മണിക്ക് ജോലി തുടങ്ങിയെന്നും എന്തെല്ലാം ചെയ്തു എന്നും എത്ര തവണ സീറ്റില്‍നിന്നു എഴുനേറ്റുപോയി എന്നും ഇപ്പോള്‍ റെക്കോഡ് ചെയ്യാന്‍ കഴിയുമല്ലോ. ആളുകളെ വീടുകളില്‍ത്തന്നെ ഇരുത്തുന്നത് ഗുണമോ ദോഷമോ? പറയാറായില്ല.

കൊറോണ മാറിയാലും വര്‍ക്ക് ഫ്രം ഹോം എന്ന 'രോഗം' മാറാന്‍ പോകുന്നില്ല. സ്ഥാപനനടത്തിപ്പുകാര്‍ക്ക് ഈ പരിഷ്‌കാരം ലാഭമുണ്ടാക്കും. ഓഫീസ് സ്ഥലം ചുരുക്കിയാല്‍ കെട്ടിടംപണി ഇനത്തില്‍ ചെലവു വെട്ടിച്ചുരുക്കാം. ഒഴിവുവരുന്ന ഇടം വാടകയ്ക്കു കൊടുക്കാം. നഗരത്തില്‍ സ്‌ക്വയര്‍ ഫൂട്ടിന് എന്താ വില! . ഓഫീസില്‍ വരാനുള്ള യാത്രച്ചെലവ്, പെട്രോള്‍, ഫര്‍ണിച്ചര്‍, വൈദ്യുതി, പാര്‍ക്കിങ്, യാത്രാബത്ത.....കൊറോണ കൊണ്ട് ഇങ്ങനെ ചില ലാഭങ്ങളുമുണ്ട്്!

വര്‍ക് ഫ്രം ഹോം പലതരം മനോഭാവപ്രശ്‌നങ്ങള്‍ സൃഷ്ടിച്ചേക്കാം. തൊഴിലാളികളെല്ലാം കണ്‍മുന്നില്‍ ഉണ്ടായിരിക്കുക, നിരന്തര നിരീക്ഷണത്തിലൂടെയും ആജ്ഞകളിലൂടെയും അവരെ എപ്പോഴും ഭരിക്കുക തുടങ്ങിയ പഴയകാല മനോഭാവങ്ങള്‍ മാറുകയാണ്. തൊഴിലാളികള്‍ മാനേജ്‌മെന്റുകളുടെ കണ്‍വട്ടത്തുനിന്നു മാറുന്നതോടെ അവരുടെ തൊഴിലാളിയെന്ന ബോധത്തിനുതന്നെ ഊനംതട്ടുകയായി. അവകാശങ്ങള്‍ ചോദിക്കുകയോ കൂട്ടായി വിലപേശുകയോ കമ്പനിനടത്തിപ്പില്‍ വ്യക്തികളെന്ന നിലയില്‍ പങ്കാളികളാവുകയോ ചെയ്യുന്നതിനുള്ള ശേഷി നഷ്ടപ്പെടുന്ന ഒരു തൊഴിലാളിവര്‍ഗം ഉടമസ്ഥവര്‍ഗത്തിനു സന്തോഷവും തൃപ്തിയും നല്‍കും. പക്ഷേ, ജേണലിസ്റ്റുകളാകട്ടെ, ഓഫീസ് ജീവനക്കാരാകട്ടെ അവര്‍ തമ്മില്‍ തൊഴില്‍പരമായ ഒന്നിപ്പും വ്യക്തിപരമായ സൗഹാര്‍ദ്ദവും മുന്‍പത്തെപ്പോലെ ഉണ്ടായേക്കില്ല. അവര്‍ ഒരു സംഘമല്ല, വ്യക്തിയാണ് എന്നു വരുന്നു. അല്ലെങ്കില്‍ത്തന്നെ, സംഘടിതശക്തിയോ കൂട്ടായ വിലപേശലോ ഇല്ലാതായിക്കഴിഞ്ഞ മാധ്യമം പോലുള്ള വ്യവസായങ്ങളില്‍ ഇത് ആര്‍ക്കാണ് ഹാനികരമാവുക, ആര്‍ക്കാണ് ഗുണംചെയ്യുക എന്നൊന്നും വിശദീകരിക്കേണ്ടതില്ല. 

അച്ചടിയുടെ ഭാവി
കൊറോണ ലോകത്തെങ്ങും മാധ്യമങ്ങളെ തകര്‍ക്കുന്നുണ്ട.് അച്ചടിമാധ്യമങ്ങള്‍ക്കാണ് നഷ്ടമേറെ. വില്പന-പരസ്യ വരുമാനത്തില്‍ വലിയ ഇടിവാണ് ഉണ്ടാകുന്നത്. കൊറോണയ്്ക്കു മുമ്പും പത്രങ്ങളുടെ പ്രചാരം കുറയുകയായിരുന്നു. കഴിഞ്ഞ രണ്ടു ദശകമായി പാശ്ചാത്യലോകത്ത് എണ്ണമറ്റ പത്രസ്ഥാപനങ്ങളാണ് അടച്ചുപൂട്ടിയത്. അടച്ചുപൂട്ടലിനു ഇപ്പോള്‍ ഊക്കുകൂടിയിരിക്കുന്നു. ഏഷ്യയിലെ പത്രമേഖലയിലുള്ളവര്‍ മുമ്പ് പറഞ്ഞിരുന്നത് സൂര്യന്‍ കിഴക്കുദിക്കുകയും പടിഞ്ഞാറ് അസ്തമിക്കുകയും ചെയ്യുന്നതു പോലെ പത്രങ്ങളും കിഴക്ക് ഉയര്‍ന്നുപൊങ്ങുകയാണ് എന്നായിരുന്നു. പക്ഷേ, ഇപ്പോള്‍ കിഴക്കും പത്രങ്ങളുടെ അസ്തമയമാണ് കാണുന്നത്. ഉദയസൂര്യന്റെ നാടായ ജപ്പാനില്‍ത്തന്നെ പത്രങ്ങളുടെ പ്രചാരം ഒരു കോടിയിലേറെ കുറഞ്ഞു എന്നു കഴിഞ്ഞ വര്‍ഷം റിപ്പോര്‍ട്ട് ചെയ്യപ്പെട്ടു. ഇന്ത്യയിലും സ്ഥിതി മോശമാണ് എന്ന് സ്ഥാപനങ്ങള്‍ക്കറിയാം. അവര്‍ സമ്മതിക്കില്ല എന്നുമാത്രം. കൊറോണ ഏല്‍പിച്ച ആഘാതം ക്രമേണ ദുര്‍ബലമാകാമെങ്കിലും അച്ചടിമാധ്യമം ഇനിയൊരിക്കലും നല്ല കാലത്തേക്കു തിരിച്ചുപോകില്ല എന്നുറപ്പായിട്ടുണ്ട്. ഒരു ദശകത്തിനിടയില്‍ അച്ചടിയില്‍നിന്നു ഓണ്‍ലൈന്‍ ഓണ്‍ലി ആയി മാറിയതിലേറെ പ്രസിദ്ധീകരണങ്ങള്‍ ഈ കൊറോണകാലത്ത് ഓണ്‍ലൈന്‍ മാത്രമായി മാറിയിട്ടുണ്ട് എന്നാണ് ചില കണക്കുകള്‍ കാണിക്കുന്നത്. പക്ഷേ, ഇപ്പോഴും ഓണ്‍ലൈന്‍ ലാഭകരമായി നടത്തുന്ന സ്ഥാപനങ്ങള്‍ അപൂര്‍വമാണ്.

പ്രതിസന്ധി ഏതാനും മാസങ്ങള്‍ കഴിഞ്ഞാല്‍ തീരുമെന്നോ കൊറോണയ്ക്കു ശേഷം സ്ഥിതി ഭേദപ്പെടുമെന്നോ ഉള്ള പ്രതീക്ഷ പത്രനടത്തിപ്പുകാരിലില്ല ഒരിടത്തും. ടൈംസ് ഓഫ് ഇന്ത്യ പോലുള്ള വന്‍കിടക്കാര്‍പോലും ജീവനക്കാരെ-സീനിയര്‍ ജേണലിസ്റ്റുകളെ വരെ- പിരിച്ചയക്കുന്നു. പതിനായിരത്തിലേറെ ജീവനക്കാരുള്ള, 45 ദിനപത്രങ്ങള്‍ പ്രസിദ്ധീകരിക്കുന്ന, പല വര്‍ഷങ്ങളിലും അഞ്ഞൂറു കോടി രൂപയിലേറെ ലാഭം പ്രഖ്യാപിച്ചിട്ടുള്ള, ഇരുപതിനായിരം കോടിയോളം രൂപയുടെ ആസ്തിയുള്ള വന്‍കമ്പനിയാണ് ഈ വിധം ചെയ്യുന്നത്. മുന്നില്‍നില്‍ക്കുന്ന ആള്‍ പിറകെ വരുന്നവര്‍ക്കു നല്‍കുന്ന ആപത്‌സൂചനയാണ് ഇത്. ഒരുപാട് പത്രങ്ങള്‍ ബ്യൂറോകളും യൂണിറ്റുകളും അടയ്ക്കുകയും എഡിഷനുകളും നിര്‍ത്തുകയും ജേണലിസ്റ്റുകളെ പിരിച്ചുവിടുകയും ചെയ്തുകൊണ്ടിരിക്കുയാണ്. ഇരുപതും മുപ്പതും ശതമാനം ശമ്പളം വെട്ടിക്കുറക്കുന്നു. കുറക്കാത്തവര്‍ ്അതിവിരളം. കൊറോണ വരുന്നതിനു ഇടത്തരം ഇംഗ്ലീഷ് പത്രങ്ങള്‍ കേരളത്തിലെ യൂണിറ്റുകള്‍ അടച്ചിരുന്നു. കൊറോണ രോഗത്തിന് വാക്‌സിന്‍ കണ്ടെത്തിയാല്‍പ്പോലൂം തീരുന്നതല്ല മാധ്യമപ്രതിസന്ധി.

പ്രതിസന്ധി പരിഹരിക്കാന്‍ സഹായിക്കണമെന്ന ആവശ്യവുമായി പത്രംഉടമകള്‍ കേന്ദ്രഗവണ്മെന്റിനെ സമീപിച്ചിട്ടുണ്ട്. പേജുകള്‍ കുറക്കുകയും സപ്ലിമെന്റുകള്‍ ഉപേക്ഷിക്കുകയും വില കുറയ്ക്കാതിരിക്കുകയും ചെയ്തിട്ടും നില പ്രതിസന്ധി സൃഷ്ടിക്കുകയാണ് എന്നു ഇന്ത്യന്‍ ന്യൂസ്‌പേപ്പര്‍ സൊസൈറ്റി കേന്ദ്രസര്‍ക്കാറിനെ അറിയിച്ചു. പത്രവ്യവസായം പ്രതിസന്ധിയിലാണെന്നു അറിഞ്ഞിട്ടും പത്രക്കടലാസ്സിന്മേല്‍ അഞ്ചുശതമാനം ഇറക്കുമതി നികുതി ചുമത്തിയ കേന്ദ്രത്തോട് ആ വര്‍ദ്ധന പിന്‍വലിക്കണമെന്നാണ് ഇപ്പോള്‍ ആവശ്യപ്പെട്ടിരിക്കുന്നത്.   പരസ്യനിരക്കുകള്‍ വര്‍ദ്ധിപ്പിക്കണമെന്നും ആവശ്യപ്പെട്ടിട്ടുണ്ട്. ഭരണകൂടം കൈയയച്ച് സഹായിച്ചാലേ ഫോര്‍ത്ത് എസ്റ്റേറ്റ് നിലനില്‍ക്കൂ എന്ന രോദനമാണ് ഇതില്‍ പ്രകടമായിട്ടുള്ളത്. പക്ഷേ, ഇരുപതുലക്ഷം കോടി രൂപയുടെ പാക്കേജില്‍ മാധ്യമവ്യവസായത്തെക്കുറിച്ച് പരാമര്‍ശം പോലും കണ്ടില്ല.

മാധ്യമങ്ങള്‍ സഹായം തേടുന്നതും അവരുടെ ആപല്‍രക്ഷകനായി ഭരണകൂടം രംഗപ്രവേശനം ചെയ്യുന്നതും ഇപ്പോള്‍ പല രാജ്യങ്ങളിലും കണ്ടുവരുന്നുണ്ട്. അമേരിക്കയിലെ ചില സംസ്ഥാനങ്ങള്‍ വായ്പകളും മറ്റു സഹായങ്ങളും നല്‍കാന്‍ പ്രതിസന്ധിയിലായ മാധ്യമസ്ഥാപനങ്ങളില്‍നിന്നും അപേക്ഷകള്‍ ക്ഷണിച്ചിരുന്നു. ഈ പ്രശ്‌നം എങ്ങനെ പത്രസ്വാതന്ത്ര്യത്തിന് തടസ്സമാകുമെന്നു കൊളമ്പിയ ജേണലിസം റവ്യു വിലയിരുത്തുന്നുണ്ട്-https://www.cjr.org/the_media_today/ppp_loans_government_funding_media.php. അമേരിക്കന്‍ കോണ്‍ഗ്രസ്സിന്റെ പരിഗണനയിലുള്ള, ചെറുകിട വ്യവസായങ്ങള്‍ക്ക് സഹായം നല്‍കുന്നതിനുള്ള പദ്ധതിയില്‍ മാധ്യമസ്ഥാപനങ്ങളെ ഉള്‍പ്പെടുത്തിയിട്ടില്ല. മാധ്യമങ്ങളെയും ഉള്‍പ്പെടുത്തണമെന്ന്്് രണ്ടു മുഖ്യ പാര്‍ട്ടികളും-റിപ്പബ്ലിക്കന്‍സ്, ഡമോക്രാറ്റ്‌സ്- ആവശ്യപ്പെട്ടിട്ടുണ്ട്. അതു സ്വീകരിക്കപ്പെടാനാണ് സാധ്യത. ഇത്തരം നിര്‍ദ്ദേശങ്ങള്‍ പല രാജ്യങ്ങളിലും അടിസ്ഥാന മാധ്യമതത്ത്വങ്ങളെക്കുറിച്ചുള്ള ചര്‍ച്ചയിലേക്കു നയിച്ചിട്ടുണ്ട്. ഇപ്പോള്‍ത്തന്നെ പരസ്യവരുമാനം വഴി സ്വകാര്യക്കമ്പനികളും ഒരു പരിധിവരെ ഗവണ്മെന്റും സബ്‌സിഡൈസ് ചെയ്തു നിലനിര്‍ത്തുകയാണ് മാധ്യമങ്ങളെ. സര്‍ക്കാര്‍ സഹായം കൊണ്ടേ മുന്നോട്ടുപോകാനാവൂ എന്നു വരുന്നത് മാധ്യമങ്ങളുടെ വിശ്വാസ്യത നിശ്ശേഷം ഇല്ലാതാക്കില്ലേ? 

സാമൂഹ്യമാധ്യമവിപത്ത് 
പത്രം തൊട്ടാല്‍ കൊറോണ പകരുമെന്ന പ്രചാരണം കേരളത്തില്‍ കാര്യമായൊന്നും വിലപ്പോയില്ല എന്നു നമുക്കറിയാം. പക്ഷേ, സമ്പൂര്‍ണ സാക്ഷരതയും വലിയ ശാസ്ത്രബോധവും ഉള്ളവര്‍ എന്നു നാം ധരിച്ചിട്ടുള്ള യു.എസ്.എ.യില്‍ പുത്തന്‍ അന്ധവിശ്വാസങ്ങള്‍ പെരുകുകയാണ് എന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. അമേരിക്കയുടെ പല പ്രവിശ്യകളിലും പത്രങ്ങള്‍ക്കെതിരെ ഈ പ്രചാരണം സാമൂഹ്യമാധ്യമങ്ങളിലൂട കൊണ്ടുപിടിച്ചു നടക്കുകയാണ്. അതു വിശ്വസിക്കുന്നവര്‍ ധാരാളം. തുപ്പല്‍ കൂട്ടി എണ്ണുന്ന കറന്‍സി നോട്ടുകള്‍ മടിയില്ലാതെ വാങ്ങി പോക്കറ്റിലിടുന്നവരും ഇത്തരം പ്രചാരണങ്ങള്‍ക്കു ചെവി കൊടുക്കുന്നു. പണ്ട് എന്തു കാര്യം അച്ചടിച്ചുകണ്ടാലും സത്യമാണ് എന്ന വിശ്വാസം ഉണ്ടായിരുന്നു. എന്തു മണ്ടത്തരം ഇന്റര്‍നെറ്റില്‍ കണ്ടാലും വിശ്വസിക്കുന്നവരാണ് നല്ലൊരു പങ്ക്.

രോഗപ്രതിരോധ കുത്തിവെപ്പുകള്‍ക്കെതിരായ പ്രചാരണം കേരളത്തിലെ ചില ജില്ലകളില്‍ ആരോഗ്യപ്രവര്‍ത്തകര്‍ക്കു തലവേദന ഉണ്ടാക്കിയിരുന്നു. ആരോഗ്യപ്രവര്‍ത്തകരും പൊതുതാല്പര്യ സംഘടനകളും മറ്റും  കൂട്ടായി നടത്തിയ പ്രചാരണത്തിലൂടെ ആണ് അതിനെ ഒരു പരിധിവരെ മറികടന്നിത്. പുത്തന്‍ അന്ധവിശ്വാസങ്ങളും അബദ്ധങ്ങളും വലിയ സിദ്ധാന്തങ്ങളായി നമ്മുടെ നാട്ടിലും കുറെ വിദ്യാസമ്പന്നര്‍ അവതരിപ്പിക്കുന്നുണ്ട്. വ്യാജശാസ്ത്ര സിദ്ധാന്തങ്ങളുടെ ബലത്തില്‍ ഇവര്‍ രോഗപ്രതിരോധകുത്തിവെപ്പുകളെ ചെറുക്കാനും ശ്രമിക്കുന്നുണ്ട്. ഇതേ പ്രതിഭാസം പതിന്മടങ്ങ് വീര്യത്തോടെ സര്‍ക്കാറുകളുടെ കൊറോണ വിരുദ്ധ പ്രവര്‍ത്തനങ്ങളെ തടസ്സപ്പെടുത്തുന്നുണ്ട് പല വികസിതരാജ്യങ്ങളിലും. പലതരം ഗൂഢാലോചനകളെക്കുറിച്ചുള്ള കഥകളാണ് കൊറോണയുടെ ആവിര്‍ഭാവത്തിനു കാരണമായി പ്രചരിപ്പിക്കപ്പെട്ടത്. പല വികസിതരാജ്യങ്ങളിലും ലോക്ഡൗണിന് എതിരെ കടുത്ത ചെറുത്തുനില്‍പ്പ് ഉണ്ട്. മാസ്‌ക് ധരിപ്പിക്കുന്നത് ഏതോ കമ്പനിക്കു കച്ചവടം കൂട്ടാനാണെന്ന പ്രചാരണം വിശ്വസിച്ചവര്‍ ധാരാളമാണ്. സാമൂഹ്യമാധ്യമങ്ങളിലാണ് ഈ കഥകളെല്ലാം ജനിച്ചതും പ്രചരിച്ചതും. രാഷ്ട്രത്തലവന്‍തന്നെ തികഞ്ഞ നിരക്ഷരനെപ്പോലെ, വൈറസ്സിനെ കൊല്ലാന്‍ അണുനാശിനി കുടിച്ചാല്‍ പോരേ  എന്നു ചോദിക്കുന്നതും അമേരിക്ക കേട്ടു.

ലക്ഷത്തിലേറെ ആളുകള്‍ പങ്കാളികളായ വാട്‌സ്ആപ്പ് ഗ്രൂപ്പുകളിലൂടെയാണ്പുത്തന്‍ അന്ധവിശ്വാസങ്ങള്‍ പ്രചരിപ്പിക്കപ്പെട്ടത്. കൊറോണക്കെതിരെ ആരോഗ്യവകുപ്പും ആരോഗ്യപ്രവ#്
ത്തകരും നടത്തിയ ബോധവല്‍ക്കരണ ശ്രമങ്ങളെ ഇതു ദോഷകരമായി ബാധിച്ചു. അഭിപ്രായവോട്ടെടുപ്പുകളും പ്രചാരങ്ങളും നടത്തി, ഗവണ്മെന്റിനെതിരെ നടക്കുന്നത് വലിയ ജനകീയമുന്നേറ്റമാണെന്ന ധാരണ ഇക്കൂട്ടര്‍ സൃഷ്ടിച്ചു. കൊറോണയുടെ വരവോടെ ഇന്റര്‍നെറ്റിലും സാമൂഹ്യമാധ്യമങ്ങളിലും ഇതിനെക്കുറിച്ചുള്ള വിവരങ്ങളുടെ പ്രളയമായിരുന്നു. ആധികാരികമായ അറിവ് എവിടെനിന്നു ലഭിക്കും എന്നറിയാതെ  ജനങ്ങള്‍ വ്യാജവാര്‍ത്തകളിലും ഗൂഢസിദ്ധാന്തങ്ങളിലും അഭയംതേടി. ഇവ സമൃദ്ധമായി പ്രദാനം ചെയ്തത് സാമൂഹ്യമാധ്യമങ്ങളാണ്. ഓരോ മിനിട്ടിലും നമ്മളിലെത്തുന്ന വിവരം മുഴുവന്‍ വായിച്ചെടുക്കാന്‍തന്നെ അനേകദിവസങ്ങള്‍ വേണ്ടിവരും. വിവേചനബുദ്ധിയോടെ വായിച്ച് നെല്ലും പതിരും വേര്‍തിരിക്കുക മനുഷ്യസാധ്യമല്ല-സ്റ്റാന്‍ഫോഡ് ഇന്റര്‍നെറ്റ് ഒബ്‌സര്‍വേറ്ററി ടെക്‌നിക്കല്‍ റിസര്‍ച്ച് മാനേജരായ റിനീ ഡൈ റസ്റ്റ എന്ന ഗവേഷക,  ദ്അറ്റ്‌ലാന്റിക്.കോം പ്രസിദ്ധീകരണത്തിലെഴുതിയ ലേഖനത്തില്‍ ചൂണ്ടിക്കാട്ടി.(Virus Experts Aren't Getting the Message Out/ If the authorities can't satisfy the public's desire to know more, others will fill the void with misinformation.) പുതിയ മഹാമാരികള്‍ക്കൊപ്പം സാമൂഹ്യമാധ്യമ വ്യാജശാസ്ത്രം കൂടി ചേരുമ്പോള്‍ ദുരന്തം എത്ര മാരകമാവുന്നു എന്നു ലേഖനം ചൂണ്ടിക്കാട്ടുന്നു.. 

ശാസ്ത്രത്തെ തള്ളുന്ന അല്‍ഗൊരിതം
സാമൂഹ്യമാധ്യമവും പരമ്പരാഗത മാധ്യമവും തമ്മിലുള്ള മുഖ്യവ്യത്യാസം നല്ല വായനക്കാര്‍ക്കു പോലും ഇപ്പോഴും ബോധ്യമായിട്ടില്ല. ഒരു ശാസ്ത്രീയടിസ്ഥാനവും ഇല്ലാത്ത കപടശാസ്ത്രലേഖനങ്ങളും ദുരുദ്ദേശത്തോടെ സൃഷ്ടിച്ചെടുക്കുന്ന വ്യാജവാര്‍ത്തകളും അവയുടെ പെരുപ്പംകൊണ്ടുതന്നെ ആര്‍ക്കെങ്കിലും തിരുത്താനോ ചോദ്യം ചെയ്യാനോ കഴിയാത്ത നില
 സൃഷ്ടിച്ചിരിക്കുകയാണ്. ഒരു പത്രത്തിലോ മാഗസീനിലോ വ്യാജ ശാസ്ത്രസിദ്ധാന്തം ലേഖനരൂപത്തില്‍ പ്രത്യക്ഷപ്പെടില്ല. അവിടെ ശാസ്ത്രം അത്യാവശ്യമെങ്കിലും അറിയുന്ന എഡിറ്റര്‍ എന്ന ഗെയ്റ്റ് കീപ്പര്‍ ഉണ്ട്. അഭിപ്രായസ്വാതന്ത്ര്യത്തിന്റെ സ്വര്‍ഗഭൂമിയായ സോഷ്യല്‍മീഡിയയില്‍ ഗെയ്റ്റ്കീപ്പര്‍ ഇല്ലേയില്ല. ചോദിക്കാനും പറയാനും ആരുമില്ല. ആരും എന്തു രാഷ്ട്രീയവും എഴുതിക്കോട്ടെ, എന്ത് അഭിപ്രായവും പറഞ്ഞോട്ടെ. ആരെയും എങ്ങനെയും വിമര്‍ശിക്കട്ടെ. അതു അഭിപ്രായസ്വാതന്ത്ര്യത്തിന്റെ ഭാഗംതന്നെയാണ് എന്നാല്‍, അനേകവര്‍ഷങ്ങള്‍ നീളുന്ന പഠനഗവേഷണങ്ങളിലൂടെ വിദഗ്ദ്ധന്മാര്‍ എത്തിച്ചേരുന്ന നിഗമനങ്ങളെ പ്രാഥമികവിദ്യാഭ്യാസം പോലും ഇല്ലാത്തവര്‍ക്കും ചോദ്യം ചെയ്യാമെന്നും സോഷ്യല്‍ മീഡിയയില്‍ കൂടുതല്‍ ലൈക് കിട്ടുന്നതാണ്  അവസാനവാക്ക് എന്നും കരുതാന്‍ തുടങ്ങിയാല്‍ സമൂഹം നൂറ്റാണ്ടുകള്‍ക്കു പിറകിലേക്കാണ് പറിച്ചുനടപ്പെടുക എന്നാണ്  ഇപ്പോള്‍ പല നാടുകളുടെയും അനുഭവം തെളിയിക്കുന്നത്. 

ശാസ്ത്രഗവേഷകന്റെ ഗൗരവം നിറഞ്ഞ കണ്ടെത്തലുകളുള്ള പ്രബന്ധവും അര്‍ദ്ധജ്ഞാനികളായ അന്ധവിശ്വാസപ്രചാരകര്‍ തട്ടിക്കൂട്ടുന്ന സാഹിത്യവും തമ്മില്‍ സാമൂഹ്യമാധ്യമത്തിലെ അല്‍ഗൊരിതം വ്യത്യാസം കാണുന്നില്ല. കൂടുതല്‍ പേര്‍ വായിച്ചു ലൈക് ചെയ്താല്‍ അധിക്ഷേപ സാഹിത്യം മുന്നിലും ശാസ്ത്രജ്ഞന്റെ ലേഖനം ആയിരം ലേഖനങ്ങള്‍ക്കു പിന്നിലുമായാണ് വായിക്കപ്പെടുക. പരമ്പരാഗത മാധ്യമത്തില്‍  ഇതൊരിക്കലും സംഭവിക്കില്ല. രണ്ടുംതമ്മില്‍ വേര്‍തിരിച്ചറിയാന്‍ കഴിയുന്നവരാണ് ആ മേഖലയിലെ വായനക്കാരും. ശാസ്ത്രജ്ഞന്മാരും പണ്ഡിതന്മാരുമെല്ലാം അവര്‍ ഭാഗഭാക്കുകളായ സോഷ്യല്‍ മീഡിയ ഗ്രൂപ്പുകളില്‍ ഗഹനവിഷയങ്ങള്‍ ഗൗരവപൂര്‍വം ചര്‍ച്ച ചെയ്യുന്നുണ്ടാവാം. ആള്‍ക്കൂട്ടങ്ങളുടെ വ്യാജശാസ്ത്രസിദ്ധാന്തങ്ങളെക്കുറിച്ച് അവര്‍ അറിയുകയേ ഇല്ല. എല്ലാവരെയും ബാധിക്കുന്ന മഹാമാരികളെക്കുറിച്ചുള്ള യഥാര്‍ത്ഥഅറിവ് അവരിലെത്തിക്കാന്‍ ശാസ്ത്രജ്ഞര്‍ക്കും കഴിയില്ല. അവരെ ആ ആള്‍ക്കൂട്ടത്തിന് അറിയുകതന്നെയില്ല. വായിക്കാന്‍ പത്രങ്ങളോ കാര്യമറിയാന്‍ ഗൗരവമുള്ള ദൃശ്യമാധ്യമങ്ങളോ ഇല്ലാത്ത പ്രദേശങ്ങളില്‍ ജനങ്ങള്‍ സാമൂഹ്യമാധ്യമ അധോലോകത്തിന്റെ പിടിയിലാവുന്നു. പത്രങ്ങളോ പൊതുപ്രശ്‌നങ്ങള്‍ പൊതുതാല്പര്യത്തോടെ കൈകാര്യം ചെയ്യുന്ന മാധ്യമങ്ങളോ ഇല്ലാത്ത 'വാര്‍ത്താമരുഭൂമികള്‍' യു.എസ്സില്‍ ആയിരക്കണക്കിന് പട്ടണങ്ങളില്‍ ഉണ്ടായിക്കഴിഞ്ഞതായി മാധ്യമനിരീക്ഷകര്‍ ചൂണ്ടിക്കാട്ടിയിട്ടുണ്ട്.-https://www.poynter.org/business-work/2018/about-1300-u-s-communities-have-totally-lost-news-coverage-unc-news-desert-study-finds/  അച്ചടിമാധ്യമങ്ങള്‍ ഇല്ലാതാവുകയും സാമൂഹ്യമാധ്യമങ്ങളിലൂടെ മാത്രം വാര്‍ത്തകള്‍ ജനങ്ങളിലെത്തുകയും ചെയ്യുമ്പോള്‍ ഇത് സംഗതി അപകടാവസ്ഥയില്‍ എത്തും. 

ഗൂഢാലോചനാ സിദ്ധാന്തങ്ങള്‍

നാട്ടില്‍നടക്കുന്ന നല്ലതും ചീത്തയുമായ എന്തിനു പിന്നിലും ഗൂഢാലോചന കണ്ടെത്തുക എന്നത് ഒരു ആഗോളവിനോദമായി മാറിയിട്ടുണ്ട്. അവയുടെയും മികച്ച വിളനിലം സാമൂഹ്യമാധ്യമങ്ങളാണ്. കൊറോണ കാലത്ത് ഇതിന്റെ പാരമ്യം അമേരിക്ക കണ്ടു. കൊറോണയും ഗൂഢാലോചനയിലൂടെ ഉണ്ടായതാണ് എന്നു വ്യാപകമായി പ്രചരിപ്പിക്കപ്പെട്ടു. ഓരോ ഗുഢാലോചനാസിദ്ധാന്തത്തിലും പ്രതികള്‍ വ്യത്യസ്തരായിരുന്നു എന്നുമാത്രം. ചൈന പ്രസിഡന്റ് മാത്രമല്ല യു.എസ് പ്രസിഡന്റും പ്രതിയാണ്. ലോകജനസംഖ്യ ഗണ്യമായി വെട്ടിക്കുറക്കുന്നതിനുള്ള ഗൂഢാലോചനയില്‍ പങ്കാളികളായവരില്‍ ബില്‍ ഗേറ്റ്‌സ്, അതിസമ്പന്ന മനുഷ്യസ്‌നേഹി ജോര്‍ജ് സോറോസ്, ബില്‍ ക്ലിന്റണ്‍, തുടങ്ങിയവര്‍ ഉള്‍പ്പെട്ടു! സാമൂഹ്യമാധ്യമങ്ങളില്‍ അതിപ്രചാരം നേടിയ ഇവ പലതും ന്യൂസ് ചാനലുകളിലേക്കു കൂടി കടന്നുവന്നു. 

പല രാജ്യങ്ങളിലും രോഗപ്രതിരോധ സംരംഭങ്ങള്‍ക്കെതിരെ ഉയര്‍ന്നുവന്ന സമൂഹ്യമാധ്യമ പ്രസ്ഥാനങ്ങളെ ഒടുവില്‍ നേരിട്ടത് ആ ആയുധം ഉപയോഗിച്ചുതന്നെ തിരിച്ചടിച്ചുകൊണ്ടാണ്. ശാസ്ത്രജ്ഞാനവും പൊതുജനാരോഗ്യതാല്പര്യവും ഉള്ളവര്‍ രംഗത്തിറങ്ങി സാമൂഹ്യമാധ്യമം വഴിതന്നെ ജനങ്ങളെ ബോധവല്‍ക്കരിക്കുകയായിരുന്നു. വാര്‍ത്താശേഖരണത്തിലും വിതരണത്തിലും വസ്തുനിഷ്ഠതയ്ക്കും സാമൂഹ്യപ്രതിബദ്ധതയ്ക്കും പ്രാധാന്യം നല്‍കുന്ന മാധ്യമങ്ങള്‍ക്ക് ഇക്കാര്യത്തില്‍ പ്രധാനപങ്കു വഹിക്കാന്‍ കഴിയും. കൊറോണക്കെതിരായ മുന്നൊരുക്കങ്ങളെ അമേരിക്കയില്‍പ്പോലും അന്ധവിശ്വാസപ്രചാരണങ്ങള്‍ ബാധിച്ചതായി വ്യക്തമാണ്. 

വ്യവസായം എന്ന നിലയിലും അനിവാര്യമായ ഒരു ജനാധിപത്യസ്ഥാപനം എന്ന നിലയിലുമുള്ള മാധ്യമത്തിന്റെ നിലനില്‍പ്പു ചോദ്യം ചെയ്യുന്നതാണ് കൊറോണകാല അനുഭവം. സ്വതവേ ദുര്‍ബലമായ അച്ചടി മാധ്യമങ്ങളെ കൊറോണ തകര്‍ത്തുകളയുകയാണ് ചെയ്തത്. പത്രസ്വാതന്ത്ര്യം പോലെതന്നെ പ്രധാനമാണ് സാമൂഹ്യമാധ്യമസ്വാതന്ത്ര്യവും. അതില്ലാതാക്കണമെന്ന് ആരും ആവശ്യപ്പെടുകയില്ല. പക്ഷേ, അതിന്റെ അപകടങ്ങള്‍ തിരിച്ചറിഞ്ഞേ അതിലിടപെടാന്‍ പാടൂള്ളൂ എന്നതാണ് പ്രധാനം. സമൂഹമാധ്യമത്തിന്റെ ശരിയായ അവസ്ഥ എന്ത് എന്ന് വായനക്കാരെ ബോധ്യപ്പെടുത്തുക എന്ന ചുമതല കൂടി, നിലനില്‍ക്കുന്ന കാലത്തോളമെങ്കിലും പരമ്പരാഗത മാധ്യമങ്ങള്‍ക്കുണ്ട്്.

അപൂര്‍വം മാതൃകകള്‍
അച്ചടി അസ്തമിച്ചാലും പരമ്പരാഗത മാധ്യമങ്ങള്‍ക്കും ഓണ്‍ലൈനിലൂടെ ജനങ്ങളിലെത്താനാവും. അച്ചടിദിനപത്രങ്ങളും ആനുകാലികങ്ങളും നേരത്തെ ഒരു അലങ്കാരം മാത്രമായാണ് ഓണ്‍ലൈന്‍ എഡിഷനുകള്‍ പ്രസിദ്ധീകരിച്ചിരുന്നത്. ഇപ്പോള്‍ അതാണ് അതിജീവനത്തിനുള്ള ഏകമാര്‍ഗം എന്ന നില എത്തിയിട്ടുണ്ട്. പുതിയ ഓണ്‍ലൈന്‍ ഓണ്‍ലി ദിനപത്രങ്ങളും  ലോകത്തെങ്ങും പെരുകുകയാണ്. പക്ഷേ, ഇപ്പോഴും അതൊരു ലാഭമുള്ള ബദലായി മാറിയിട്ടില്ല. ബ്രിട്ടനിലെ ദ്  ഗാര്‍ഡിയന്‍ പത്രം പോലെ അപൂര്‍വം അപവാദങ്ങള്‍ മാത്രമേ മാതൃകകളായി ഉയര്‍ന്നുവന്നിട്ടുള്ളൂ. മൂലധനത്തേക്കാള്‍, സാങ്കേതികവിദ്യയേക്കാള്‍ വിശ്വാസ്യതയ്ക്കാണ് ഭാവി എന്ന സന്ദേശം ആണ് ദ് ഗാര്‍ഡിയന്‍ നല്‍കുന്നത്. 1821-ല്‍ മാഞ്ചസ്റ്റര്‍ ഗാര്‍ഡിയനായി തുടങ്ങി പിന്നീട് പേരുമാറ്റി ട്രസ്റ്റ് ആയി രൂപംമാറിയ സ്ഥാപനമാണ് അത്. അതു നിലനില്‍ക്കുന്നത് വായനക്കാരുടെ സംഭാവനകള്‍ സ്വീകരിച്ചുകൂടിയാണ്. 145 രാജ്യങ്ങളില്‍നിന്ന് അവര്‍ക്ക് സഹായം എത്തുന്നു. ട്രസ്റ്റ് ആയതുകൊണ്ട് മൂലധനതാല്പര്യങ്ങള്‍ ചീത്തപ്പേരുണ്ടാക്കാതെ പ്രവര്‍ത്തിക്കാനും കഴിയുന്നു. ലാഭം സ്ഥാപനത്തിലേക്കുതന്നെ മൂലധനത്തോടൊപ്പം ചേരുന്നു. ദ് ഗാര്‍ഡിയന്‍,  ഡിജിറ്റല്‍ പത്രം ഇപ്പോഴും സൗജന്യമായാണ് വായനക്കാര്‍ക്ക് ലഭ്യമാക്കുന്നത്. വളരെ വര്‍ഷങ്ങള്‍ക്കു ശേഷം 2019-ല്‍ സ്ഥാപനം ലാഭകരമായി പ്രവര്‍ത്തിച്ചു. സംഭാവന കൊണ്ടു നിലനില്‍ക്കാന്‍ മാത്രമുള്ള ശേഷി ആര്‍ജിക്കണമെങ്കില്‍ അത്രയും വിശ്വാസ്യത നേടിയേ തീരൂ.

പ്രതീക്ഷ അര്‍പ്പിക്കാവുന്ന സ്ഥാപനങ്ങള്‍ ഇന്ത്യയിലും ക്രമേണ ഉയര്‍ന്നുവരുന്നുണ്ട്. പുതിയ പ്രതിസന്ധി അവര്‍ക്കും ഭീഷണിയാണ്. അമിത ആത്മവിശ്വാസമൊന്നും ആര്‍ക്കുമില്ല. ഇവരെല്ലാം പരാജയപ്പെട്ടാല്‍ വ്യാജവാര്‍ത്തകളുടെ വെള്ളപ്പൊക്കത്തില്‍ ജനാധിപത്യം മുങ്ങിത്താഴും. സാമൂഹ്യമാധ്യമത്തിലെ വ്യാജവിജ്ഞാനത്തിന്റെയും ഡീപ് ഫെയക് വീഡിയോകളുടെയും വിദ്വേഷപ്രചാരണത്തിന്റെയും ലഹരിയില്‍ പെട്ടിരിക്കുന്ന വലിയൊരു വിഭാഗമാളുകളിലേക്കു വെളിച്ചമെത്തിക്കാന്‍ ആരുമില്ലെന്ന അപകടനില ഉണ്ടാകും. ഇത് ജനാധിപത്യത്തെത്തന്നെ അപകടകരമായ ഒരു രാഷ്ട്രീയസംവിധാനമാക്കി മാറ്റും. ഇതു സത്യാനന്തരകാലമാണ് എന്നു പറയുന്നത് സത്യം മരിച്ചതു കൊണ്ടല്ല. സത്യം മരിക്കില്ല. സത്യമേത് എന്നു തിരിച്ചറിയാന്‍ മനുഷ്യര്‍ക്കു പറ്റാത്ത കാലമാവുമ്പോഴാണ് അതു സത്യാനന്തരകാലമാവുന്നത് എന്നു ചിന്തകന്മാര്‍ പറഞ്ഞിട്ടുണ്ട്്. കൊറോണ മാധ്യമങ്ങളെ തകര്‍ക്കുന്നതോടെ ആ കാലം യാഥാര്‍ത്ഥ്യമാവുകയായി. കൊറോണ വരുംകാലത്ത് ലോകത്തിനു മുന്നില്‍ ഉയര്‍ത്തുന്ന  ഏറ്റവും വലിയ ഭീഷണി അതാവും.

Wednesday, 17 June 2020

വര്‍ദ്ധിച്ച പി.എഫ് പെന്‍ഷന്‍ നാലു മാസത്തിനകം നല്‍കണം.: ഹൈക്കോടതി

വര്‍ദ്ധിച്ച പി.എഫ് പെന്‍ഷന്‍
നാലു മാസത്തിനകം നല്‍കണം.:
 ഹൈക്കോടതി

സേവനകാലത്തെ അവസാനമാസം വാങ്ങിയ ശമ്പളത്തിന് ആനുപാതികമായി പി.എഫ് പെന്‍ഷന്‍ നല്‍കണമെന്ന ഹൈക്കോടതി വിധി അനുസരിച്ചുള്ള പുതുക്കിയ പെന്‍ഷന്‍ നാലു മാസത്തിനകം നല്‍കണമെന്ന് ഹൈക്കോടതി വിധിച്ചു. 

മാതൃഭൂമിയില്‍നിന്നു വിരമിച്ച ജീവനക്കാര്‍ സമര്‍പ്പിച്ച നാലു കേസ്സുകളിലാണ് ഈ വിധി. 2018 ഒക്‌റ്റോബര്‍ 12 ന് ഇതു സംബന്ധിച്ചുണ്ടായ ഹൈക്കോടതി വിധി ഇതിനെതിരെ ഇ.പി.എഫ് സ്ഥാപനം സമര്‍പ്പിച്ച പ്രത്യേകാനുമതി ഹര്‍ജിയില്‍ സുപ്രിം കോടതി ശരിവെച്ചിരുന്നു. ഈ വിധി ഇനിയും നടപ്പാക്കിയില്ലെന്ന് കാണിച്ച് എന്‍.പി രാജേന്ദ്രന്‍ തുടങ്ങി 94 മുന്‍ ജീവനക്കാര്‍ സമര്‍പ്പിച്ച റിട്ട് ഹരജിയിലാണ് 2020 ജൂണ്‍ 5-ന് ജസ്റ്റിസ് എ മുഹമ്മദ് മുസ്തഖ്  വിധി പറഞ്ഞത്. തുടര്‍ന്ന് ഇതേ സ്വഭാവമുള്ള മൂന്നു കേസ്സുകളിലും ഇതേ വിധിയുണ്ടായി. 

ഇ.പി.എഫ്.ഒ സമര്‍പ്പിച്ച റവ്യൂ പെറ്റീഷനും കേന്ദ്ര സര്‍ക്കാര്‍ നല്‍കിയ പ്രത്യേകാനുമതി ഹരജിയും ഇപ്പോഴും സുപ്രിം കോടതിയുടെ പരിഗണനയിലാണെന്ന ഇ.പി.എഫ് തടസ്സവാദം ഹൈക്കോടതി സ്വീകരിച്ചില്ല. 2018-ലെ കേരളഹൈക്കോടതിയുടെ വിധി നിലനില്‍ക്കുന്നുണ്ട് എന്നും ഇതു നടപ്പാക്കേണ്ടതാണ് എന്നും കോടതി വിധിച്ചു. 
അഡ്വ. വി.വി നന്ദഗോപാല്‍ നന്വ്യാര്‍ ആണ് ഈ കേസ്സുകളില്‍ ഹരജിക്കാര്‍ക്കു വേണ്ടി ഹാജരായത്.

JUDGEMENT in full

IN THE HIGH COURT OF KERALA AT ERNAKULAM PRESENT THE HONOURABLE MR. JUSTICE A.MUHAMED MUSTAQUE FRIDAY, THE 05TH DAY OF JUNE 2020 / 15TH JYAISHTA, 1942 WP(C).No.32886 OF 2019(I) PETITIONERS:

 

 1 N.P.RAJENDRAN, AGED 65 YEARS, S/O.NARAYANAN NAIR, RESIDING AT PRASANTHAM, KOTTAMPRAMBA, KOZHIKODE - 673 008. EPF A/C NO.KR/KKD/0000279/000/0000528 PPO NO:KR/KKD/00048804.

 2 V.N.JAYAGOPALAN, AGED 64 YEARS, S/O.GOPALANKUTTY MENON, RESIDING AT 1/3105, BHAVANA, WESTHILL, KOZHIKODE - 673 005. EPF A/C NO.KR/KKD/0000279/000/0000525 PPO NO.KR/KKD/00048932.

3 MOHANDAS M., AGED 67 YEARS, S/O.M.KUNHANDI, MUCHILOTE HOUSE, MAMPETAATA, MANASSERY P.O., MUKKAM, KOZHIKODE - 673 602, PPO NO.KR/KKD/41978 A/C NO.KR/279/169.

4 K.ANILAN, AGED 63 YEARS, S/O.KUTTAI, KEDARAM, KOLLIKKATTIL HOUSE, KOLATHARA P.O., CALICUT - 673 027 EPF A/C NO.KR/KKD/0000279/000/0000271, PPO NO.KR/KKD/00051544.

5 T.P.SREEDHARAN, AGED 68 YEARS, S/O.KELAPPAN NAMBIAR, THEKEPUTHUR HOUSE, TUNERI P.O., VIA VADAKARA, KOZHIKODE - 673 505, EPF A/C NO.KR/279/126, PPO NO.KR/KKD/37709.

 6 V.N.SREEVALSAN, AGED 64 YEARS S/O.GOVINDANKUTTY NAIR, ANJALI HOUSE, VENGERI, KOZHIKODE - 673 010, EPF A/C NO.KR/KKD/0000279/000/0000440, PPO NO.KR/KKD/00053084.

 7 P.M.GOPI, AGED 68 YEARS, S/O.ACHUTHAN NAIR, SIBITHA, THADAPARAMBATH, NELLIKKODE P.O., KOZHIKODE - 673 016, EPF A/C NO.KR/279/1443, PPO NO.KR/KKD/29354. WP(C).No.32886 OF 2019(I) -2-

8 C.SETHUMADHAVAN, AGED 61 YEARS S/O.NARAYANAN NAIR K., 23/11 SOPANAM, VADAKKE THOTI, KT THAZHAM, KOZHIKODE - 673 007, EPF A/C NO.KR/KKD/0000279/000/0000443, PPO NO.KR/KKD/00047451.

9 M.K.ARAVINDAKSHAN, AGED 70 YEARS S/O.MENON C.S., KOOVIL VEEDU, P.O.GOVINDAPURAM, CALICUT - 673 016, EPF A/C NO.KR/279/64, PPO NO.KR/KKD/34014.

10 M.SUVEDANGAN, AGED 61 YEARS, S/O.VELAYUDHAN M.P.,24/19114 DEVIKRIPA, EAST MANKAVE, K.P.KESAVA MENON ROAD, KOZHIKODE - 673 007, EPF A/C NO.KR/KKD/0000279/000/0000484, PPO NO.KR/KKD/00057579.

11 K.SAIDASAN, AGED 64 YEARS, S/O.NANU K., NANDANAM, O.K.ROAD, THIRUVANNUR P.O., KOZHIKODE - 673 029, EPF A/C NO.KR/KKD/0000279/000/0000441, PPO NO.KR/KKD/00050001.

 12 N.VENU NAIR, AGED 68 YEARS, S/O.GOPALAN NAIR, GEETHANJALI, KIZHAKKEDATH VEEDU, THADAMBATTU THAZHAM, KARAPARAMBA P.O., KOZHIKODE - 673 010, EPF A/C NO.KR/KKD/279/290, PPO NO.KR/KKD/40314.

 13 K.V.VIJAYAKRISHNAN, AGED 66 YEARS, S/O.SAMY K.V., DIVYASREE, MAYILAMBADI P.O., KUTHIRAVATTOM, CALICUT - 673 016, EPF A/C NO.KR/KKD/0000279/000/0000124, PPO NO.KR/KKD/00042879.

 14 K.BABY GIRIJA, AGED 66 YEARS, S/O.SANKARAN, RAGAM, MAYILAMBADI, KUTHIRAVATTOM P.O., KOZHIKODE - 673 016, EPF A/C NO.KR/KKD/0000279/000/0000171, PPO NO.KR/KKD/00046023. WP(C).No.32886 OF 2019(I) -3-

15 P.BHARATHAN, AGED 70 YEARS, S/O.CHEROOTY, MAMBEKKAT, NEAR KIRTADAS, CHEVAYUR P.O., CALICUT - 673 017, EPF A/C NO.KR/279/232, PPO NO.KR/KKD/33310.

16 M.V.RADHAKRISHNAN, AGED 71 YEARS, S/O.NARAYANA MENON C.P., SURABI, NEAR MILL BUS STOP, MANKAVU P.O., CALICUT - 673 007, EPF A/C NO.KR/279/2201, PPO NO.KR/KKD/31696.

17 LAKSHMANAN KONOTH, AGED 70 YEARS, S/O.ACHUTHAN, KONOTH HOUSE, NEAR KUTHIRAVATTOM P.O., KOZHIKODE - 673 005, EPF A/C NO.KR/279/1458, PPO NO.KR/KKD/32003.

18 P.SURENDRAN, AGED 65 YEARS, S/O.APPUTTY, MANDARAM, CHEVAYOOR P.O., KOZHIKODE - 673 017, EPF A/C NO.KR/KKD/0000279/000/0000142, PPO NO.KR/KKD/00048350.

19 P.P.BABU, AGED 69 YEARS, S/O.AYYAPPUTTY, ASSARIKANDI PARAMBA, NELLIKKODE P.O., KOZHIKODE - 673 016, EPF A/C NO.KR/279/1457, PPO NO.KR/KKD/37168.

 20 C.V.PRASANA KUMAR, AGED 64 YEARS, S/O.THAMPURANKUTTY ACHAN, SIVAKRIPA, MUNNORKODE P.O., THRIKADERI, OTTAPALAM - 679 502, EPF A/C NO.KR/KKD/0000279/000/0000767, PPO NO.KR/KKD/00049731.

21 N.K.DAMODARAN NAIR, AGED 66 YEARS, S/O.MADHAVAN NAIR,THALAKUZHI PARAMBA, CHEMMALATHOOR, KUTTIKKATTOOR P.O., KOZHIKODE - 673 008, EPF A/C NO.KR/279/509, PPO NO.KR/KKD/00040983.

22 P.T.RAVINDRAN, AGED 65 YEARS, S/O.DAMODARAN NAIR, RAGAM HOUSE, PUTHIYARA P.O., THIRUTHIYAD, KOZHIKODE - 673 004, EPF A/C NO.KR/KKD/0000279/000/0000183, PPO NO.KR/KKD/00048939. WP(C).No.32886 OF 2019(I) -4-

23 K.SREEKUMARAN, AGED 70 YEARS, S/O.LATE K.K.THAMPAN, SUDHALAYAM, PARASSERI P.O., KONGOD, PALAKKAD - 678 631, EPF A/C NO.KR/279/103, PPO NO.KR/KKD/32697.

 24 ASHOKAN C., AGED 69 YEARS, S/O.GOVINDAN, DREAMS, PADINILAM VAYAL, EAST HILL ROAD, CALICUT - 673 005, EPF A/C NO.KR/279/118, PPO NO.KR/KKD/33543.

25 T.RAVI, AGED 67 YEARS, S/O.RARUKUTTY, THAZHATHIDATHE VEEDU, PALAZHI, GURUVAYOORAPPAM COLLEGE P.O., KOZHIKODE - 673 014, EPF A/C NO.KR/KKD/279/459, PPO NO.KR/KKD/41957.

 26 K.LAKSHMANAN, AGED 71 YEARS, S/O.RAMAN, KUNNATH, 'KAILAS', THOVASSERI SUENDRAN ROAD, THIDIAMAL, VERIEATH PARAMBA, NELLIKODE KUTHIRAVATTOM, KOZHIKODE - 673 016, EPF A/C NO.KR/279/1425, PPO NO.KR/KKD/29774.

27 JAYARAJAN MELAZHIYATH, AGED 71 YEARS, S/O.PADHMANABHAN NAIR E., 'ARDRA', COTTON MILL ROAD, THIRUVANNUR, CALICUT - 673 029, EPF A/C NO.KR/279/85, PPO NO.KR/KKD/31101.

28 O.RAVEENDRAN, AGED 66 YEARS, S/O.NAYADI O., KOORTHATTIL HOUSE, MARRIKUNNU P.O., KOZHIKODE - 673 012, EPF A/C NO.KR/KKD/0000279/000/0000205, PPO NO.KR/KKD/00043033.

 29 P.K.PRABHAKARAN, AGED 70 YEARS, S/O.PARAMESWARAN PILLAI, 'PRABHAD', 22/711, PALAKUNI NILAM PARAMBA, THIRUVANNUR P.O., KOZHIKODE - 673 029, EPF A/C NO.KR/279/435, PPO NO.KR/KKD/32873.

30 P.BHUVANADAS, AGED 67 YEARS, S/O.RARU P., 'SUDARSHANAM', THUVASSERY PARAMBA, KOMMER P.O., KOZHIKODE - 673 007, EPF A/C NO.KR/279/152, PPO NO.KR/KKD/40476. WP(C).No.32886 OF 2019(I) -5-

31 P.HARIDAS, AGED 66 YEARS, S/O.KUNHI ANANDA KURUP, 'PRASANTHI', KARUVISSERY P.O., CALICUT - 673 010, EPF A/C NO.KR/KKD/0000279/000/0000188, PPO NO.KR/KKD/00042890.

32 P.K.SATHIDEVI, AGED 65 YEARS, D/O.GOPALAN NAIR C.K., 'AARATHI', PEOPLES ROAD, ERANHIPALAM P.O., KOZHIKODE - 673 006, EPF A/C NO.KR/KKD/0000279/000/0000146, PPO NO.KR/KKD/00048803.

33 A.K.JAYALAKSHMI, AGED 68 YEARS, D/O.MADHAVAN NAIR, 'POURNAMI', CHELANUR P.O., KOZHIKODE - 673 616, EPF A/C NO.KR/279/129, PPO NO.KR/KKD/40568.

34 M.K.HYMAVATHI, AGED 65 YEARS D/O.NARAYANAN, “MAHIMA” 1/3738 A, BILATHIKULAM ROAD, NADAKAVU P.O., KOZHIKODE - 673 011, EPF A/C NO.KR/279/218, PPO NO.KR/KKD/46047.

35 G.P.KRISHNADAS, AGED 63 YEARS S/O.PACHUNNI, 'ARGHYAM', PUNATHIL PARAMBA, GOVINDAPURM, KOZHIKODE - 673 016, EPF A/C NO.KR/KKD/0000279/000/0000431, PPO NO.KR/KKD/00053346.

 36 P.KARTHIKEYAN, AGED 65 YEARS S/O.SIVARAMAN, 'SIKA', PAYIMBRA P.O., KUNNAMANGALAM,KOZHIKODE - 673 571, EPF A/C NO.KR/KKD/279/000148, PPO NO.KR/KKD/00046084.

37 M.PRAKASAN, AGED 66 YEARS S/O.VELAYUDHAN M., 'CHAITHENYA', PALUNNITHARA PARAMBA, ARAKKINAR, KOZHIKODE - 673 028, EPF A/C NO.KR/KKD/279/150, PPO NO.KR/KKD/00045431.

38 U.REMADEVI, AGED 63 YEARS D/O.BALABHASKARAN NAIR, 'PRASADAM', MYLAMBADI, KUTHIRAVATTOM, KOZHIKODE - 673 016, EPF A/C NO.KR/KKD/000279/000/0000387, PPO NO.KR/KKD/000052957. WP(C).No.32886 OF 2019(I) -6-

39 C.RAVINDRAN,AGED 66 YEARS S/O.KUTTAPPU, KOLLARUKUZHI, POOLAKKADAVE, PARAMBIL BAZAR P.O.,KOZHIKODE - 673 012, EPF A/C NO.KR/KKD/0000279/000/0000077, PPO NO.KR/KKD/00042895.

40 T.SURESH BABU, AGED 64 YEARS S/O.RAMANKUTTY T., 'SRAVANAM', KUNDUPARAMB, KARUVISSERY P.O., KOZHIKODE - 673 010, EPF A/C NO.KR/KKD/0000279/000/0000288, PPO NO.KR/KKD/43563.

41 K.P.NARAYANAN, AGED 64 YEARS S/O.VIJAYA VARMA, 3-B, KRINGSWOOD, ARANGIL DAMODARAN ROAD, BILATHIKULAM, KOZHIKODE - 673 006, EPF A/C NO.KR/KKD/0000279/000/0001044, PPO NO.KR/KKD/00048800.

 42 K.PUSHPARAJAN, AGED 67 YEARS S/O.KUMARAN NAIR T., 'RAMYA', KODAVACHALIL, NELLIKODE P.O., KOZHIKODE - 673 016, EPF A/C NO.KR/279/106, PPO NO.KR/KKD/40895.

43 K.VALSALA, AGED 64 YEARS, D/O.NARAYANA MENONK K., 'HARIKRIPA', 20/528-B, KALLAI P.O., KOZHIKODE - 673 003, EPF A/C NO.KR/KKD/0000279/000/0000250, PPO NO.KR/KKD/00048801.

44 SURENDRAN PATTAYIL, AGED 67 YEARS, S/O.AYYAPPUTTY, ARANCHERI PARAMBA, KACHERI KUNNU, POKKUNNU P.O., CALICUT - 673 007, EPF A/C NO.KR/KKD/279/154, PPO NO.KR/KKD/41807.

 45 P.ASOKAN, AGED 68 YEARS S/O.BALAN P., 'BAL NIVAS', THACHARAMBATH, CHEVARAMBALAM P.O., CALICUT - 673 017, EPF A/C NO.KR/279/211, PPO NO.KR/KKD/37470.

46 K.SIVAPRASAD, AGED 62 YEARS S/O.KRISHNA PILLAI, SAROVARAM, PARAMMAL, RAMANATTUKARA, AZHINCHILAM P.O.,MALAPPURAM - 673 632, EPF A/C NO.KR/KKD/0000279/000/0000461, PPO NO.KR/KKD/00057964. WP(C).No.32886 OF 2019(I) -7-

 47 C.I.VARGHESE, AGED 68 YEARS, S/O.ITTYMANI C.C., CHRUVATHOOR HOUSE, PARAKKATTEE PARMBA, NELLIKODE P.O., KOZHIKODE - 673 016, EPF A/C NO.KR/279/139, PPO NO.KR/KKD/36255.

 48 N.SANKARANUNNI, AGED 68 YEARS, S/O.PADMANABHA MENON, 'HARISREE', POOZHICHIRA ROAD, THIRUVANNUR NADA P.O., KOZHIKODE - 673 029, EPF A/C NO.KR/279/112, PPO NO.KR/KKD/38484.

49 P.PEMANANDHAN, AGED 71 YEARS S/O.ANANDAN, ANANDH NIVAS, ATHANIKAL, WESTHILL P.O., KOZHIKODE - 673 005, EPF A/C NO.KR/279/1441, PPO NO.KR/KKD/34160.

 50 M.SURENDRAN, AGED 67 YEARS, S/O.MADHAVAN NAIR, MATTAYI PARAMBA, AMBLI HOUSE, KUTHIRAVATTOM P.O., CALICUT - 673 016, EPF A/C NO.KR/KKD/0000279/000/0000151, PPO NO.KR/KKD/00042916.

51 K.V.BALATHILAKAN, AGED 70 YEARS S/O.CHATHUKUTTY, KAYYADA VAZHIYIL HOUSE, BEYPORE NORTH P.O., KOZHIKODE - 673 015, EPF A/C NO.KR/KKD/279/1463, PPO NO.KR/KKD/31809.

52 P.M.BALAKRISHNAN, AGED 68 YEARS S/O.ACHUTHAN NAIR,CHETTYAN VEETTIL (H), KUTHIRAVATTOM P.O., KOZHIKODE - 673 016, EPF A/C NO.KR/KKD/279/447, PPO NO.KR/KKD/41806.

53 C.BABU, AGED 64 YEARS S/O.VELAYUDHAN C.,'RAJANI', MELEMUNDI PARAMBA, KUTHIRAVATTOM P.O.,KOZHIKODE - 673 016, EPF A/C NO.KR/KKD/0000279/000/0000765, PPO NO.KR/KKD/00049733.

54 K.PREMARAJAN, AGED 63 YEARS, S/O.GOPALANKUTTY NAIR, 'VYSHNAVAM', NELLIKKODE, KOZHIKODE - 673 016, EPF A/C NO.KR/KKD/0000279/000/0000424, PPO NO.KR/KKD/00056940. WP(C).No.32886 OF 2019(I) -8-

 55 N.ARAVINDHAN, AGED 65 YEARS S/O.KUNHIRAMAN, 'SREERAM', GOVINDAPURAM P.O., KOZHIKODE - 673 016, EPF A/C NO.KR/279/185, PPO NO.KR/KKD/52060.

 56 N.RAMACHANDRAN, AGED 69 YEARS S/O.APPUNNI, 'RECHANA', KURUKKAYIL THAZAM, EDAKKAD P.O., KOZHIKODE - 673 005, EPF A/C NO.KR/279/1444, PPO NO.KR/KKD/35285.

57 N.RAMAKRISHNAN, AGED 68 YEARS S/O.VASU,SUVA NIVAS,KODUVALLIVAYAL, WESTHILL, CALICUT - 673 005, EPF A/C NO.KR/279/51, PPO NO.KR/KKD/35292.

58 VENUGOPAL PAYYERI, AGED 72 YEARS S/O.RARU, 'NISANTHAM', 2,1774A, FLORICAL ROAD, CHEVAYO, ORCIVIL STATION P.O., KOZHKIODE - 673 017, EPF A/C NO.KR/KKD/279/384, PPO NO.KR/KKD/26714.

59 V.SURESHAN, AGED 68 YEARS, S/O.VELAYUDHAN, 'SURABHI', PINNANATH KAVU, BEYPORE NORTH P.O., CALICUT - 673 015, EPF A/C NO.KR/KKD/0000279/000/000172, PPO NO.KR/KKD/38485.

 60 C.SIVASANKARAN, AGED 64 YEARS S/O.APPUNNI NAIR C.,'SOPANAM',CHELANATTIL, FEROKE,KOZHIKODE - 673 631, EPF A/C NO.KR/KKD/0000279/000/0000429, PPO NO.KR/KKD/00052123.

61 C.SAIDALAVI, AGED 71 YEARS S/O.MUHAMMED KUTTY, 'RIZILI', PANTHEERANKAVE, KOZHIKODE - 673 019, EPF A/C NO.KR/279/115, PPO NO.KR/KKD/29808.

62 C.KRISHNANDASAN, AGED 63 YEARS S/O.GOVINDAN NAIR A., 'SINDOORAM', KUTHIRAVATTOM P.O., KOZHIKODE - 673 016, EPF A/C NO.KR/KKD/0000279/000/0000186, PPO NO.KR/KKD/00052751. WP(C).No.32886 OF 2019(I) -9-

 63 JOHNEY C.M., AGED 64 YEARS S/O.MANI C.M.,CHITETT HOUSE, GOLF LINK ROAD, CHEVAYUR P.O., KOZHIKODE - 673 017, EPF A/C NO.KR/KKD/0000279/000/0000526, PPO NO.KR/KKD/00051543.

 64 KUNHIKRISHNAN K.P., AGED 72 YEARS, S/O.APPUKUTTY NAIR, 'DEEPAM', POONADATHTHAZHAM, ERANGIPALAM, CALICUT - 673 006, EPF A/C NO.KR/279/835/56, PPO NO.KR/KKD/26312/2005.

 65 NETTOOLI VISHWANATHAN, AGED 70 YEARS, S/O.KARUNAKARAN NAIR P.K., 'MUKUNDALAYAM', KOMMERI P.O., KOZHIKODE - 673 007, EPF A/C NO.KR/279/688, PPO NO.KR/KKD/32517.

66 V.RAJU, AGED 72 YEARS S/O.KARAPPAN, 'NIRMALA NIVAS', VELIYATH, POOLAADIKUNATH, ERANHIKKAL P.O., KOZHIKODE - 673 303, EPF A/C NO.KR/279/749, PPO NO.KR/KKD/26795.

 67 K.T.INDRAN, AGED 67 YEARS S/O.BALAKRISHNAN, PULPARAMBIL HOUSE, MEDICAL COLLEGE P.O., CALICUT - 673 008, EPF A/C NO.KR/279/328, PPO NO.KR/KKD/42435.

 68 V.P.RAVINDRAN, AGED 69 YEARS, S/O.PADMANABHAN NAIR P.K., AYYAPPAN NAGAR, CHEVAYOOR P.O., KOZHIKODE - 673 017, EPF A/C NO.KR/KKD/279/75, PPO NO.KR/KKD/35923.

69 V.P.SASEENDRAN, AGED 63 YEARS S/O.PADMANABHAN NAIR P.K., 'SREEPADAM', CHITTADI PARAMBA, CHEVAYOOR P.O., KOZHIKODE - 673 017, EPF A/C NO.KR/KKD/0000279/000/0000436, PPO NO.KR/KKD/00055125.

 70 P.SUNDARAN, AGED 66 YEARS, S/O.KRISHNAN P., PUTHIYOTTIL HOUSE, 28/49, KUDILTHODE, CHEVARAMBALAM P.O., CALICUT - 673 017, EPF A/C NO.KR/KKD/0000279/000/0000156, PPO NO.KR/KKD/00049111. WP(C).No.32886 OF 2019(I) -10-

71 A.KARTHIKEYAN, AGED 73 YEARS, S/O.SEKHARAN A, 'SREEKALA', BEYPORE P.O., KOZHIKODE - 673 015, EPF A/C NO.KR/279/141, PPO NO.KR/KKD/27224.

72 E.SUDHAKARAN, AGED 64 YEARS S/O.ACHUTHAN NAIR, 'NIRMALYA',MELURE P.O., KOYILANDI, KOZHIKODE - 673 306, EPF A/C NO.KR/KKD/0000279/000/0000575, PPO NO.KR/KKD/00048931.

 73 N.K.SURESH, AGED 69 YEARS, S/O.GANGADHARAN N.K., CHANATTU PARAMBA HOUSE, WESTHILL, KOZHIKODE - 673 005, EPF A/C NO.KR/279/437, PPO NO.KR/KKD/37851.

 74 A.M.KRISHNAN, AGED 70 YEARS, S/O.IMBACHAN, AMBIDICHAM MEETTHAL, VELLIPRAMBA P.O., KOZHIKODE - 673 008, EPF A/C NO.KR/279/1421, PPO NO.KR/KKD/26675.

 75 P.K.VELAYUDHAN NAIR, AGED 71 YEARS S/O.KRISHNAN NAIR, 'KRISHNA KRIPA', PARANGODANKANDY, G.A.COLLEGE,KOZHIKODE - 673 014, EPF A/C NO.KR/179/10/71, PPO NO.29491.

76 UNNIKRISHNAN, AGED 64 YEARS S/O.CHANDRASEKHARAN NAIR C., GOKULAM, POOVATHIGAL HOUSE, KUTHIRAVATTOM P.O., KOZHIKODE - 673 016, EPF A/C NO.KR/KKD/0000279/000/0000184, PPO NO.KR/KKD/00050881.

 77 K.VIJAYAN NAIR, AGED 67 YEARS, RECORD ROOM ASSISTANT, MATHRUBHUMI, S/O.M.K.BHASKARAN NAIR, LAKSHMI NIVAS, KAYYATH LANE, PALARIVATTOM, KOCHI - 682 025, EPF A/C NO.KR/KKD/0000279/000/0000094, PPO NO.KR/KCH/00066093.

78 C.P.VIJAYAKRISHNAN, AGED 65 YEARS S/O.CHIDAMBARAM NAIR, 33/14B FLORICAN HILL, MALAPARAMBA P.O - 673 009, EPF A/C NO.KR/KKD/0000279/000/0000529, PPO NO.KR/KKD/00047945. WP(C).No.32886 OF 2019(I) -11-

79 E.RAMACHANDRAN, AGED 65 YEARS S/O.UKKARA KURUP, EDAVALATH (H), KUTTIKKATTUR P.O., KOZHIKODE - 673 008, EPF A/C NO.KR/KKD/0000279/000/0000533, PPO NO.KR/KKD/00047577.

80 K.UNNIMADHAVAN, AGED 69 YEARS S/O.ACHUTHAN, NAYARUKUZHI HOUSE, PANTHEERANKAVE P.O., KOZHIKODE - 673 019, EPF A/C NO.KR/KKD/279/206,PPO NO.KR/KKD/35992.

 81 C.S.UDAYKUMAR, AGED 63 YEARS, S/O.SREEDHARA MENON, 'SREELAKSHMI', CHEMBAKA COLONY, B.C.ROAD, BEYPORE, KOZHIKODE - 673 015, EPF A/C NO.KR/KKD/0000279/000/0000190, PPO NO.KR/KKD/00053347.

82 T.P.KRISHNAN, AGED 73 YEARS S/O.KANARAN, KALAKKANDI PARMBA, ODUMBRA, OLAVANNA P.O., KOZHIKODE - 673 019, EPF A/C NO.KR/279/1395, PPO NO.KR/KKD/22467.

83 K.SREENIVASAN, AGED 64 YEARS S/O.CHAPPUNNI NAIR, 'SURYAKIRAN', EDAKKAMANATHAZHAM,KURUVATTOOR P.O., KOZHIKODE - 673 611, EPF A/C NO.KR/KKD/0000279/000/0001769, PPO NO.KR/KKD/00045751.

84 RAVINDRAN AVILERI, AGED 72 YEARS, S/O.ACHUTHAN NAIR, ROHINI, AVILERI HOUSE, MAMBEKKAT, CHEVAYUR P.O., KOZHIKODE - 673 017, EPF A/C NO.KR/279/68, PPO NO.KR/KKD/26044.

85 K.S.SANKARA NARAYANAN,AGED 63 YEARS S/O.SREEDHARAN MOOSAD K.E., 11/21A, KIZHAKKINIYAKAM, MOKAVOOR, ERANHIKKAL P.O., CALICUT - 673 303, EPF A/C NO.KR/KKD/0000279/000/0000319, PPO NO.KR/KKD/0005344. WP(C).No.32886 OF 2019(I) -12-

 86 K.VELAYUDHAN, AGED 72 YEARS S/O.KUTTAPPAN NAIR, KRIYATHANKANDI HOUSE, VENGERI P.O., KOZHIKODE - 673 010, EPF A/C NO.KR/KKD/279/165, PPO NO.KR/KKD/31798.

87 P.K.BABU, AGED 63 YEARS S/O.PERACHUTTY P.K.,ASWATHI, COMMUNITY HALL, KUTHIRAVATTOM, KOZHIKODE - 673 016, EPF A/C NO.KR/KKD/0000279/000/0000168, PPO NO.KR/KKD/53587.

88 N.VISWANATHAN,AGED 66 YEARS S/O.BAPPU N., KRISHNA, NELLULI PARAMBA, KUTHIRAVATTOM P.O., KOZHIKODE - 673 016, EPF A/C NO.KR/KKD/0000279/000/0000195, PPO NO.KR/KKD/00042914.

89 M.BABU, AGED 66 YEARS, S/O.ACHUTHAN, MAMIYIL HOUSE, KAVILAPADI NILAM, OLAVANNA P.O., KOZHIKODE - 673 019, EPF A/C NO.KR/279/167, PPO NO.KR/KKD/38950.

 90 K.SATHEESAN, AGED 67 YEARS S/O.APPUNNI K., VYSHNAVAM, KUNDUKULAM, KIZHAKKEPARAMBA, CHEVAYOOR P.O., KOZHIKODE - 673 017, EPF A/C NO.KR/KKD/279/839, PPO NO.KR/KKD/40475.

91 E.N.JAYARAMAN, AGED 63 YEARS S/O.E.N.SIVADASAN, SHEKAINAH, 39/1096A, PUTHIYANGADI P.O., KOZHIKODE - 673 021, EPF A/C NO.KR/KKD/0000279/000/0000270, PPO NO.KR/KKD/00055152.

 92 M.P.RAJAMANI, AGED 68 YEARS S/O.GOVINDAN NAIR, PUTHIYATH VEEDU, VELIMUKKU, MALAPPURAM - 676 317, EPF A/C NO.KR/279/104, PPO NO.KR/KKD/39840.

93 P.SATHYAN, AGED 63 YEARS S/O.BALAKRISHNAN NAIR, POTTOL HOUSE, PERINGALAM P.O., KUNNAMANGALAM, KOZHIKODE - 673 571, EPF A/C NO.KR/KKD/0000279/000/0000265, PPO NO.KR/KKD/00052064. WP(C).No.32886 OF 2019(I) -13-

 94 P.BALAKRISHNAN, AGED 65 YEARS S/O.VELAYUDHAN, CHITRA, KAVATHIKALAM, KOTTAKKAL, MALAPPURAM - 676 503, EPF A/C NO.KR/KKD/0000279/000/0001252, PPO NO.KR/KKD/0059935. BY ADVS. SRI.V.V.NANDAGOPAL NAMBIAR SMT.SMITHA (EZHUPUNNA) SRI.DHEERAJ KRISHNAN PEROT SMT.CHITRA JOHNSON RESPONDENTS:

1 MATHRUBHUMI PRINTING AND PUBLISHERS CO. LTD., REGISTERED OFFICE AT KOZHIKODE - 673 001 REPRESENTED BY ITS MANAGING DIRECTOR.

2 THE ASSISTANT PROVIDENT FUND COMMISSIONER, EMPLOYEES PROVIDENT FUND ORGANIZATION, SUB REGIONAL OFFICE, KOZHIKODE - 673 006.

3 THE CENTRAL PROVIDENT FUND COMMISSIONER, EMPLOYEES PROVIDENT FUND ORGANIZATION, BHAVISHYANIDHI BHAVAN, NEW DELHI - 110 066.

 4 UNION OF INDIA (UOI), REPRESENTED BY THE SECRETARY TO THE GOVERNMENT OF INDIA, MINISTRY OF LABOUR AND EMPLOYMENT, SHRAM SAKTHI BHAVAN, RAFFI MARGH, NEW DELHI - 110 001. R2 BY DR.ABRAHAM P.MEACHINKARA, SC, EPF ORG. R4 BY SRI.P.VIJAYAKUMAR, ASG OF INDIA THIS WRIT PETITION (CIVIL) HAVING BEEN FINALLY HEARD ON 05.06.2020, THE COURT ON THE SAME DAY DELIVERED THE FOLLOWING: WP(C).No.32886 OF 2019(I) -14- JUDGMENT Dated this the 5th day of June 2020

 

JUDGEMENT

 The petitioners are retired employees of 1st respondent-Mathrubhumi Printing & Publishers Co. Ltd. They approached this Court claiming Provident Fund benefits based on the last drawn salary. This claim is essentially rest on Ext.P6 judgment dated 12.10.2018 of this Court and affirmed in Special Leave Petition (SLP) filed by the Employees Provident Fund Organisation (EPFO).

 2. The learned Standing Counsel for the 2nd respondent submitted that EPFO has filed a review petition before the Hon'ble Supreme Court which is still pending. It is also submitted that the Union of India has filed SLP No. 11023/2019 against Ext.P6 judgment of this Court which is also pending before the Hon'ble Supreme Court. WP(C).No.32886 OF 2019(I) -15-

 3. As of now, there is a concluded judgment. Necessarily, an action has to be initiated for re-determination of the pension based on the last drawn salary in the light of the directions given in Ext.P6 judgment. Needful shall be done within a period of four months. However, this will be subject to any pending proceedings as afore noted.

 The writ petition is disposed of as above.

 Sd/- A.MUHAMED MUSTAQUE JUDGE

 akv/ 5.6.2020 WP(C).No.32886 OF 2019(I) -16- APPENDIX PETITIONER'S/S EXHIBITS:

EXHIBIT P1 TRUE COPY OF THE CIRCULAR ISSUED BY THE 3RD RESPONDENT. EXHIBIT P2 TRUE COPY OF THE JUDGMENT DATED 4/11/2011 IN WP(C) NO.9929/2007.

EXHIBIT P3 TRUE COPY OF THE NOTIFICATIONS DATED 22/8/2014 AS PER WHICH THE PROVIDENT FUND SCHEME, THE PENSION SCHEME AND DEPOSIT LINKED INSURANCE SCHEME ARE AMENDED.

 EXHIBIT P4 A TRUE COPY OF THE NOTIFICATION DATED 23/3/2017.

EXHIBIT P5 TRUE COPY OF THE LETTER DATED 24/3/2015 FROM THE 2ND RESPONDENT.

EXHIBIT P6 TRUE COPY OF THE JUDGMENT DATED 12/10/2018 IN W.P.(C) NO.13120/2015. RESPONDENT'S/S EXHIBITS : NIL. //TRUE COPY// P.A. TO JUDGE



Sunday, 7 June 2020

എം.പി വീരേന്ദ്രകുമാര്‍ എന്തു കൊണ്ട് ചീഫ് എഡിറ്റര്‍ ആയില്ല?

എം.പി വീരേന്ദ്രകുമാര്‍ എന്തു കൊണ്ട് 

ചീഫ് എഡിറ്റര്‍ ആയില്ല?


ചിന്തകനും പണ്ഡിതനും എഴുത്തുകാരനുമായ എം.പി വീരേന്ദ്രകുമാര്‍ നാലു പതിറ്റാണ്ടോളം മാതൃഭൂമിയില്‍ ഉണ്ടായിട്ടും എന്തുകൊണ്ട് പത്രത്തിന്റെ ചീഫ് എഡിറ്റര്‍ ആയില്ല? പത്രവായനക്കാര്‍ ആരെങ്കിലും ഈ ചോദ്യം ചോദിച്ചതായി അറിയില്ല. ചീഫ് എഡിറ്ററും മാനേജിങ്ങ് ഡയറക്റ്ററും തമ്മില്‍ ചുമതലാപരമായ വ്യത്യാസം എന്ത് എന്ന് അറിയാത്തവരോ അറിയാന്‍ താല്പര്യമില്ലാത്തവരോ ആവും മിക്ക വായനക്കാരും. മാതൃഭൂമി പത്രത്തില്‍ മലയാള മനോരമ എഡിറ്റോറില്‍ ഡയറക്റ്ററും പ്രമുഖ പത്രാധിപരുമായ തോമസ് ജേക്കബ് എഴുതിയ അനുസ്മരണ ലേഖനത്തിന്റെ തലക്കെട്ട് ഇതായിരുന്നു-വീരേന്ദ്രകുമാര്‍ മാതൃഭൂമിക്കു കിട്ടാതെ പോയ ചീഫ് എഡിറ്റര്‍. ദീര്‍ഘമായ ലേഖനത്തിന്റെ അവസാന ഖണ്ഡികയില്‍ ആ പരാമര്‍ശം ആവര്‍ത്തിക്കപ്പെടുക മാത്രം ചെയ്തു.

പിന്നീട്, അനുശോചനയോഗങ്ങളില്‍ പല പത്രപ്രവര്‍ത്തകരും ഈ ചോദ്യം ആവര്‍ത്തിക്കുന്നതും കേട്ടു. എം.പി വീരേന്ദ്രകുമാര്‍ മാതൃഭൂമി മാനേജിങ്ങ് ഡയറക്റ്ററായി ചുമതലയേറ്റ് രണ്ട് വര്‍ഷത്തിനിടയില്‍ ആ സ്ഥാപനത്തില്‍ എഡിറ്റോറില്‍ ജോലിക്കു ചേര്‍ന്ന ഞാനോ മാതൃഭൂമിയിലെ മറ്റേതെങ്കിലും പത്രപ്രവര്‍ത്തകനോ ഇങ്ങനെയൊരു വിഷയം ചര്‍ച്ച ചെയ്യുന്നതേ  കേട്ടിട്ടില്ല. മാതൃഭൂമിയുടെ ഉടമസ്ഥനിരയിലെ ഏറ്റവും ശക്തനായി ഉയര്‍ന്നുകഴിഞ്ഞപ്പോള്‍പോലും എന്തു കൊണ്ട് എം.പി വീരേന്ദ്രകുമാറിന് താനിരിക്കേണ്ട കസേരയാണത് എന്നു തോന്നിയില്ല?  ആഗ്രഹിച്ചാല്‍ അദ്ദേഹത്തിനു നിഷ്പ്രയാസം കിട്ടുമായിരുന്നില്ലേ ആ പദവി? 

എം.പി വീരേന്ദ്രകുമാര്‍ ഒരിക്കലും അതാഗ്രഹിച്ചിട്ടില്ല എന്നതാണ് സത്യം. അതുകൊണ്ട് അതിനു ശ്രമിച്ചുമില്ല. അദ്ദേഹത്തെയും മാതൃഭൂമിയെയും അറിയുന്നവര്‍ക്ക് അതിലൊട്ടും അത്ഭുതവും തോന്നുകയില്ല. അദ്ദേഹം ചീഫ് എഡിറ്ററാകാതിരുന്നതിനു ഒരു കാരണമേ ഉളളൂ- ചീഫ് എഡിറ്ററാകാന്‍ അദ്ദേഹം സജീവ രാഷ്ട്രീയപ്രവര്‍ത്തനം ഉപേക്ഷിക്കേണ്ടിവരും. അദ്ദേഹത്തിന് അതു കഴിയില്ല. ഓരോ അണുവിലും അദ്ദേഹമൊരു പൊതുപ്രവര്‍ത്തകനാണ്. അന്ത്യശ്വാസംവരെ അങ്ങനെ തുടര്‍ന്നു. മാതൃഭൂമി മുഖ്യപത്രാധിപത്യവും സോഷ്യലിസ്റ്റ് പാര്‍ട്ടിയുടെ രാഷ്ട്രീയവും ഒപ്പം കൊണ്ടുനടക്കാനാവില്ല. ഒരേ സമയം രണ്ടിനോടും നീതിപുലര്‍ത്താനാവില്ല. വഹിച്ച പദവികളോടെല്ലാം നീതിപുലര്‍ത്തി എന്ന സംതൃപ്തിയോടെയാവണം അദ്ദേഹം കണ്ണടച്ചിട്ടുണ്ടാവുക.

പാര്‍ട്ടി നേതാവെന്ന് സ്ഥിരം അവസ്ഥ അദ്ദേഹത്തിന്റെ വ്യക്തിത്വത്തിനു പൊലിമ കൂട്ടിയോ എന്ന കാര്യത്തില്‍ സംശയമുണ്ട്്. അദ്ദേഹം അതിവേഗം കേരളത്തിലെ ഏറ്റവും ശ്രദ്ധിക്കപ്പെടുന്ന ബുദ്ധിജീവികളില്‍ ഒരാളായെങ്കിലും പൊതുസമൂഹം അദ്ദേഹത്തെ ഒരു കൊച്ചുപാര്‍ട്ടിയുടെ നേതാവായാണു പലപ്പോഴും കണ്ടത്. അദ്ദേഹത്തേക്കാള്‍ ചെറുതായിരുന്നു ആ പാര്‍ട്ടി. ഇടക്കിടെ മാറിക്കൊണ്ടിരുന്നതുകൊണ്ട് അതിന്റെ പേരു ഓര്‍ത്തു പറയുകതന്നെ പ്രയാസമായിരുന്നു. വലിയ ന്യായീകരണമൊന്നുമില്ലാതെ ആ പാര്‍ട്ടി ഒന്നിലേറെത്തവണ മുന്നണി മാറിയിട്ടുണ്ട്. എണ്ണമറ്റ തവണ പിളരുകയും ലയിക്കുകയും ചെയ്തിട്ടുണ്ട്. വീരേന്ദ്രകുമാര്‍തന്നെ പലപ്പോഴും സ്വയം പരിഹസിച്ച് പൊട്ടിച്ചിരിക്കുന്നത് കേട്ടിട്ടുണ്ട്. പക്ഷേ, അവസാനം വരെ അദ്ദേഹം പാര്‍ട്ടി നേതാവായി തുടര്‍ന്നു. അതുവഴിയുള്ള സ്ഥാനമാനങ്ങള്‍ നേടി. അവസാനനാളുകളില്‍ അദ്ദേഹം രാജ്യസഭയില്‍ ഒരു കക്ഷിരഹിതനായിരുന്നു എന്നതാണ് അതിന്റെ സങ്കടകരമായ പര്യവസാനം. ഇടുങ്ങിയ കക്ഷിരാഷ്ട്രീയത്തിന്റെ കൈവിലങ്ങുകള്‍ വലിച്ചെറിഞ്ഞ് നീതിയുടെയും സമത്വത്തിന്റെയും പരിസ്ഥിതിയുടെയും മനുഷ്യാവകാശത്തിന്റെയും പോരാളിയായിരുന്നെങ്കില്‍ ആ ജീവിതം ഇതിലേറെ മഹത്വമേറിയതാവുമായിരുന്നില്ലേ?

പാര്‍ട്ടി പത്രമല്ലാതായ മാതൃഭൂമി
1977-ല്‍ അടിയന്തരാവസ്ഥയ്ക്ക് ശേഷമാണ് വീരേന്ദ്രകുമാര്‍ മാതൃഭൂമിയില്‍ എത്തുന്നതും മാതുഭൂമി കക്ഷിരഹിത പ്രൊഫഷനല്‍ പത്രത്തിന്റെ വഴിയിലേക്കു മാറുന്നതും. അതുവരെ ഒരു കോണ്‍ഗ്രസ് അനുകൂല പത്രമായിരുന്ന മാതൃഭൂമിയെ ഒരു സോഷ്യലിസ്റ്റ് പാര്‍ട്ടി അനുകൂല പത്രമാക്കി മാറ്റാന്‍ പറ്റുകയില്ല. അതിന് അദ്ദേഹം ശ്രമിച്ചുമില്ല. വീരേന്ദ്രകുമാര്‍ മാതൃഭൂമിയുടെ കോണി കയറിവന്ന ഓരോ തവണയും ഞാനിതാ എന്റെ രാഷ്ട്രീയക്കുപ്പായം പുറത്ത്്്് അഴിച്ചവെച്ചിരിക്കുന്നു എന്നു പറയാതെ പറഞ്ഞിരിക്കാം. സജീവ രാഷ്ട്രീയപ്രവര്‍ത്തനത്തില്‍ പങ്കെടുക്കുകയോ പാര്‍ട്ടി ഭാരവാഹിത്വം വഹിക്കുകയോ ചെയ്യുകയില്ല എന്ന സമ്മതിപത്രത്തില്‍ ഒപ്പിട്ടുകൊടുത്താണ് ഞങ്ങളുടെ തലമുറയില്‍ പെട്ടവര്‍ മാതൃഭൂമിയില്‍ ജോലിക്കു ചേര്‍ന്നിരുന്നത്. അങ്ങനെയൊരു പത്രത്തില്‍ എങ്ങനെയാണ് രാഷ്ട്രീയനേതാവായ ഒരു മുഖ്യപത്രാധിപര്‍ ഉണ്ടാവുക!

തന്റെ വഴിയിലാണ് മാതൃഭൂമി എന്ന മാധ്യമസ്ഥാപനം പോകുക. പക്ഷേ, പത്രത്തിന്റെ ഉള്ളടക്കം തന്റെ രാഷ്ട്രീയവഴിയിലല്ല പോകേണ്ടത് എന്ന് അദ്ദേഹത്തിന് നല്ല ബോധ്യമുണ്ടായിരുന്നു. മറ്റു പത്രങ്ങളില്‍ പ്രവര്‍ത്തിക്കുന്ന ചിലര്‍ക്കെങ്കിലും ഇതിന്റെ യുക്തി മനസ്സിലായെന്നു വരില്ല. മാതൃഭൂമിയുടെ മുഖപ്രസംഗങ്ങളോ ലേഖനങ്ങളോ ഒന്നും അദ്ദേഹം വായിച്ചുനോക്കിയിട്ടല്ല പ്രസ്സിലേക്ക് അയച്ചിരുന്നത്. അപൂര്‍വമായ അപവാദങ്ങളുണ്ടാകാം. അദ്ദേഹം സ്വീകരിക്കുന്ന രാഷ്ട്രീയനയങ്ങളുമായി അതു മിക്കപ്പോഴും പൊരുത്തപ്പെടാറുമില്ല. എഡിറ്റോറിയല്‍ യോഗങ്ങളില്‍ അദ്ദേഹം ഒരു ക്ഷണിതാവ് ആകാറേയില്ല. അപൂര്‍വമായി അദ്ദേഹം ക്ഷണിക്കപ്പെടാതെ ആ യോഗങ്ങളില്‍ കടന്നുവരാറുമുണ്ട്. പത്രത്തെക്കുറിച്ചോ വാര്‍ത്തയെക്കുറിച്ചോ യാതൊന്നും പറയാതെ, ഒരു സുഹൃദ് സംഗമത്തിലെന്ന പോലെ രാഷ്ട്രീയവും തമാശയും തത്ത്വചിന്തയും അനുഭവങ്ങളും പറഞ്ഞ് യാത്രപറയുകയാണ് മിക്കപ്പോഴും പതിവ്. പത്രത്തിന്റെ പ്രവര്‍ത്തനവും അതിന്റെ വിശ്വാസ്യതയും സാമ്പത്തികനിലയും മെച്ചപ്പെടുത്തുന്നതിനുള്ള നിര്‍ദ്ദേശങ്ങള്‍ മുന്നോട്ടുവെക്കാറില്ല എന്നല്ല. ജീവനക്കാരെ വിരട്ടുന്ന ഒരു ബോസ് ആയി അദ്ദേഹത്തെ കണ്ടിട്ടില്ല. നിങ്ങള്‍ ആലോചിച്ചാല്‍ തരക്കേടില്ല എന്ന മുന്‍കരുതലോടെയേ അദ്ദേഹം പത്രത്തെക്കുറിച്ചുള്ള നിര്‍ദ്ദേശങ്ങള്‍ ഉന്നയിക്കാറുള്ളൂ.

എഡിറ്റോറിയല്‍ ഉള്ളടക്കത്തില്‍ കുറച്ചുമാത്രം ഇടപെടുന്ന എം.ഡി എന്നുള്ളതാവും അദ്ദേഹത്തെക്കുറിച്ച് മാതൃഭൂമിയില്‍ അദ്ദേഹം നിയോഗിച്ച പത്രാധിപന്മാരെല്ലാം പറയുക. പത്രാധിപരുടെ രീതികള്‍ക്കനുസരിച്ച് ഈ സ്വാതന്ത്ര്യം കൂടുകയും കുറയുകയും ചെയ്യുമല്ലോ. വഴങ്ങാന്‍ അവസരം കാത്തുനിന്നവര്‍ എളുപ്പം വഴങ്ങിക്കാണും. ഞാന്‍ മാതൃഭൂമിയില്‍ 22 വര്‍ഷം ഒരു രാഷ്ട്രീയ ആക്ഷേപഹാസ്യപംക്തി എഴുതിയിട്ടുണ്ട്. ആ പംക്തി 1995 മാര്‍ച്ചില്‍ തുടങ്ങിയപ്പോള്‍ എന്റെ സീറ്റിനടുത്ത് വന്ന് ' ധൈര്യമായി എഴുതിക്കോ...ഒന്നിലും ഞാന്‍ ഇടപെടില്ല' എന്ന് ഉറപ്പു നല്‍കുകയും അതു പാലിക്കുകയും ചെയ്ത പത്രംഉടമയാണ് അദ്ദേഹം. അദ്ദേഹത്തിനു വളരെ വേണ്ടപ്പെട്ട പലരെയും ഞാന്‍ നോവിച്ചിട്ടുണ്ട്. സുകുമാര്‍ അഴീക്കോട് അദ്ദേഹത്തെക്കുറിച്ച് പംക്തിയില്‍വന്ന പരാമര്‍ശങ്ങളെക്കുറിച്ച് വീരേന്ദ്രകുമാറിനെ വിളിച്ച് ദീര്‍ഘനേരം ആക്ഷേപം ചൊരിഞ്ഞ കാര്യം ആ സമയത്ത് അദ്ദേഹത്തോടൊപ്പം യാത്ര ചെയ്തിരുന്ന പത്രപ്രവര്‍ത്തകന്‍ എന്നോട് പറഞ്ഞിട്ടുണ്ട്. ചില സാമുദായിക സംഘടനാ നേതാക്കളും അത് ആവര്‍ത്തിച്ച് ചെയ്തിട്ടുണ്ട്. പക്ഷേ, അദ്ദേഹം അതിനെക്കുറിച്ചൊന്നും ഒരിക്കല്‍പ്പോലും എന്നോടൊന്നു സൂചിപ്പിക്കുക പോലും ചെയ്തിട്ടില്ല. ഒരുതവണ അദ്ദേഹത്തെ പരിഹസിച്ച് എഴുതിയപ്പോഴും അദ്ദേഹം അങ്ങനെയൊന്നു കണ്ടതേ ഇല്ല എന്നു നടിച്ച് മൗനം ദീക്ഷിച്ചു. അതെല്ലാം എഡിറ്റോറിയല്‍ സ്വാതന്ത്ര്യമാണ്, എം.ഡി ഇതിലൊന്നും ഇടപെടില്ല എന്നാണ് അദ്ദേഹം എല്ലാവരോടും പറയാറുള്ളത്. ചീഫ് എഡിറ്റര്‍ ആയിരുന്നെങ്കില്‍ അങ്ങനെ ഒഴിഞ്ഞുമാറാന്‍ പറ്റുമായിരുന്നില്ലല്ലോ. ഉള്ളടക്കത്തെക്കുറിച്ച് പൊതുവായും ചിലപ്പോഴെങ്കിലും പ്രത്യേകമായും എഡിറ്ററുമായി ആശയവിനിമയം നടത്താത്ത ഒരു പത്രഉടമയും ഉണ്ടാവില്ല. അതിനെച്ചൊല്ലി ഭിന്നതകളും സംഘര്‍ഷങ്ങളും ഏറ്റുമുട്ടലുകള്‍ തന്നെയും ഉണ്ടാവാറുമുണ്ട്്. എഡിറ്റര്‍ രാജിവെച്ചിറങ്ങിപ്പോയ സംഭവങ്ങളും ഉണ്ടായിട്ടുണ്ട്.

ഉറച്ച മതനിരപേക്ഷത
എം.പി വീരേന്ദ്രകുമാറില്‍ കാണുന്ന ഏറ്റവും വിലയേറിയ നന്മ എന്ത് എന്നു ചോദിച്ചാല്‍ മതനിരപേക്ഷതയിലുള്ള ഉറച്ച വിശ്വാസം എന്നാവും ആരും മടിക്കാതെ പറയുക. ഇന്ത്യയിലെ ഏറ്റവും ചെറിയ ന്യൂനപക്ഷമതമായ ജൈനമതത്തില്‍ ജനിച്ചുവളര്‍ന്ന അദ്ദേഹം സദാ വ്യാപരിച്ചിരുന്നത് ഹിന്ദുമതത്തില്‍ മഹാഗ്രന്ഥങ്ങളിലും തത്ത്വങ്ങളിലുമായിരുന്നു. ഏതൊരു സമുന്നത ഹിന്ദുത്വ തത്ത്വശാസ്ത്രക്കാരനെയും ഹിന്ദുമതം എന്ത് എന്നു പഠിപ്പിക്കാനുള്ള അറിവ് അദ്ദേഹത്തിന് ഹിന്ദുദര്‍ശനങ്ങളിലുണ്ടായിരുന്നു. ഇന്ത്യയുടെ കരുത്ത് മതനിരപേക്ഷതയാണ് എന്ന ഉറച്ച ബോധമാണ് അദ്ദേഹത്തെ നയിച്ചിരുന്നത്. വിഭജനത്തിന്റെ പ്രത്യാഘാതമായി, മുഖ്യധാരയില്‍നിന്നു പുറന്തള്ളപ്പെട്ട മുസ്ലിം ജനസാമാന്യത്തെ തിരികെ പൊതുധാരയില്‍ എത്തിക്കുന്നതിനെക്കുറിച്ച് അദ്ദേഹം പറയാറുണ്ട്. ശരിയേതു എന്നതിനെക്കുറിച്ച് ഉറച്ച ബോധ്യമാണ് അദ്ദേഹത്തെ നയിച്ചിരുന്നത്. വര്‍ഗീയത പ്രോത്സാഹിപ്പിക്കുന്ന യാതൊന്നും പ്രസിദ്ധീകരിക്കരുത് എന്ന് അദ്ദേഹം പത്രത്തിന്റെ എഡിറ്റോറിയല്‍ പേജിന്റെ ചുമതല വഹിച്ചിരുന്ന അസി.എഡിറ്റര്‍മാരോട് പറയാറുണ്ട്. സ്ഥാപനത്തിന്റെ പ്രഖ്യാപിത നയമാണ് അത്. ബാബ്‌റി മസ്ജിദ് പ്രശ്‌നത്തില്‍ സ്വീകരിച്ച നിലപാടിന്റെ പേരില്‍ അദ്ദേഹം തുടര്‍ച്ചയായി അധിക്ഷേപിക്കപ്പെട്ടിരുന്നു. അത് അദ്ദേഹം ഒട്ടും വകവെച്ചിരുന്നില്ല. 

വായന, അറിവ്
വിജ്ഞാനത്തിന്റെ ആകാശത്ത് ഉയരങ്ങള്‍ തേടിയിരുന്നു അദ്ദേഹം. തത്ത്വശാസ്ത്രവും രാഷ്ട്രമീമാംസയും ആണ് മുഖ്യവിഷയങ്ങളെങ്കിലും എന്തും അതിവേഗം വായിക്കാനും ഗ്രഹിക്കാനും വായിച്ചതെല്ലാം ഓര്‍ക്കാനുമുള്ള സവിശേഷമായ കഴിവ് അദ്ദേഹത്തിനുണ്ടായിരുന്നു. കട്ടിയുള്ള തത്ത്വശാസ്ത്ര കൃതികളില്‍നിന്നുള്ള ഭാഗങ്ങള്‍ ഉദ്ധരിച്ച് അദ്ദേഹം, അബദ്ധം പറഞ്ഞ പല പണ്ഡിതന്മാരെയും ഞെട്ടിച്ചതിന്റെ അനുഭവങ്ങള്‍ പലരും എഴുതിയിട്ടുണ്ട്. 

വീരേന്ദ്രകുമാര്‍ അമ്പത്തഞ്ചാം വയസ്സിലാണ് ആദ്യത്തെ കൃതി-പുസ്തകം- പ്രസിദ്ധീകരിക്കുന്നത്. ഗ്രന്ഥകാരനായത് അല്പം വൈകിയാണ് എന്നു പറയാം. 'സമന്യയത്തിന്റെ വസന്തം' ഒരു ലേഖനസമാഹാരമായിരുന്നു. മാതൃഭൂമിയല്ല, സാഹിത്യപ്രവര്‍ത്തകസംഘമാണ് അതു പ്രസിദ്ധീകരിച്ചത്. പിന്നീട് മാതൃഭൂമിയും അത് പ്രസിദ്ധപ്പെടുത്തി. 1992-ല്‍ത്തന്നെ 'ബുദ്ധന്റെ ചിരി' മാതൃഭൂമി പ്രസിദ്ധപ്പെടുത്തി. അദ്ദേഹത്തിന്റെ രാഷ്ട്രീയ ദര്‍ശനങ്ങളുടെ പ്രഖ്യാപനം കൂടിയായിരുന്നു അത്. പിന്നീട് ഇങ്ങോട്ട് ഇരുപതിലേറെ പുസ്തകങ്ങള്‍ ഇറങ്ങി. പലതും ഏറെ പ്രകീര്‍ത്തിക്കപ്പെട്ടു. . 

1977-ല്‍ രണ്ട് യൂണിറ്റുകള്‍ മാത്രമുള്ള ഒരു ചെറിയ പത്രം മാത്രമായിരുന്ന മാതൃഭൂമിയെ വന്‍കിട പത്രമാക്കി വളര്‍ത്തുന്നതില്‍ ഏറ്റവും വലിയ പങ്കു വഹിച്ച വീരേന്ദ്രകുമാറിനെ ഒരു വലിയ എഴുത്തുകാരനാക്കുന്നതില്‍ മാതൃഭൂമിയും വലിയ പങ്ക് വഹിച്ചിട്ടുണ്ട്. അദ്ദേഹത്തിന്റെ മിക്കവാറും  ഗ്രന്ഥങ്ങളും മാതൃഭൂമിയാണ് പ്രസിദ്ധപ്പെടുത്തിയത്. മാതൃഭൂമി പത്രവും ആഴ്ചപ്പതിപ്പും നല്‍കിയ പ്രസിദ്ധീകരണം ആ ഗ്രന്ഥങ്ങളുടെ വിജയത്തിന് ഏറെ സഹായകമായി. അതു ചോദിച്ചുവാങ്ങാന്‍ അദ്ദേഹം മടിക്കാറുമില്ല.

പുസ്തകമെഴുത്തിന്റെ രഹസ്യം
വീരേന്ദ്രകുമാറിനെക്കുറിച്ച് ചിലര്‍ പ്രചരിപ്പിക്കുന്ന ഒരു അപവാദമുണ്ട്: അദ്ദേഹമല്ല, മാതൃഭൂമിയിലാരോ ആണ് അദ്ദേഹത്തിനു വേണ്ടി പുസ്തകങ്ങളെല്ലാം എഴുതുന്നത്. ഒരു സത്യം അതിലുണ്ട് എന്നു സമ്മതിക്കാം. അദ്ദേഹം ഒന്നും സ്വന്തം കൈകൊണ്ട് എഴുതാറില്ല. പക്ഷേ, തന്റെ പേരില്‍ ഇറങ്ങുന്ന ഓരോ പുസ്തകവും ഓരോ ലേഖനവും ഓരോ വാചകവും അദ്ദേഹം സ്വയം രൂപപ്പെടുത്തുന്നതാണ്, ചിന്തിച്ചുറപ്പിക്കുന്നതാണ്. ഓരോന്നും വായിച്ച് പലവട്ടം മാറ്റിയും തിരുത്തിയും മൂര്‍ച്ച കൂട്ടുന്നതും വ്യക്തത വരുത്തുന്നതും അദ്ദേഹം തന്നെയായിരുന്നു. വിവരശേഖരണത്തിനും ഗവേഷണത്തിനും അദ്ദേഹം മാതൃഭൂമി പ്രവര്‍ത്തകരുടെ സേവനം തേടാറുണ്ട്. ഒരുപാട് ചുമതലകള്‍ക്കിടയില്‍ ഇത്രയും കനപ്പെട്ട പുസ്തകങ്ങള്‍ എഴുതാന്‍ കഴിഞ്ഞത് ഒരു പക്ഷേ ഇതുകൊണ്ടാവാം. 

തൊഴിലാളിദ്രോഹിയോ?
 അദ്ദേഹം തൊഴിലാളിദ്രോഹിയായ മുതലാളിയാണോ? 1979-ല്‍ അദ്ദേഹം മാനേജിങ്ങ് ഡയറക്റ്റര്‍ ആകുന്നത് സമരംമൂലം പൂട്ടിക്കിടന്ന സ്ഥാപനത്തിലാണ്. മാതൃഭൂമിയ്ക്കു പിന്നെ ജീവന്‍ വെക്കുന്നത് ഒത്തുതീര്‍പ്പിലൂടെയും തുടര്‍ന്നുള്ള  പുനരുജ്ജീവന പ്രവര്‍ത്തനങ്ങളിലൂടെയുമാണ്. തൊഴിലാളിസംഘടനകളെ അദ്ദേഹം വരച്ച വരയില്‍ നിര്‍ത്തിച്ചിട്ടുണ്ട്. പ്രീണനം വേണ്ടിടത്ത് പ്രീണനം, ഭീഷണി വേണ്ടിടത്ത് അത്.... -എല്ലാം മാറിമാറി പ്രയോഗിച്ച്  ജീവനക്കാരെ തന്റെ പക്ഷത്ത് അണി നിരത്താന്‍ അദ്ദേഹത്തിനു കഴിഞ്ഞു. ജേണലിസ്റ്റ് യൂണിയന്‍ സിക്രട്ടറി ആയിരുന്ന പത്രപ്രവര്‍ത്തകനെ പിരിച്ചുവിട്ടതിനെതിരെ പത്തുദിവസം നീണ്ട സത്യാഗ്രഹസമരം പ്രസ് ക്ലബ്ബിനു മുന്നില്‍ നടന്നപ്പോള്‍ ഒരു മാതൃഭൂമി പത്രപ്രവര്‍ത്തകന്‍ പോലും അതില്‍ പങ്കെടുത്തില്ല. സ്ഥാപനത്തിന്റെ നിലനില്‍പ്പിനു വേണ്ടിയാണ് താനിതല്ലൊം ചെയ്യുന്നതെന്ന് അദ്ദേഹം സ്വന്തം മനഃസാക്ഷിയെ ബോധ്യപ്പെടുത്തിയിരിക്കാം. എന്തായാലും, 1978-നു ശേഷം മാതൃഭൂമി സ്ഥാപനത്തില്‍ ഒരു ദിവസംപോലും പണിമുടക്കം ഉണ്ടായിട്ടില്ല.

ആനുകൂല്യങ്ങളെല്ലാം നിഷേധിക്കുന്ന ഒരു ഏകാധിപതിയായിരുന്നില്ല അദ്ദേഹം. മിക്ക ആവശ്യങ്ങളും വലിയ പരിധിയോളം അംഗീകരിക്കാറുണ്ട്. വേജ്‌ബോര്‍ഡ് ശുപാര്‍ശ നടപ്പാക്കുന്ന അവസാനത്തെ ഒരു ഘട്ടത്തിലൊഴികെ, ശമ്പളവര്‍ദ്ധന നടപ്പാക്കുന്ന ഇന്ത്യയിലെ ആദ്യസ്ഥാപനം മാതൃഭൂമിയാണ് എന്നു അഭിമാനപൂര്‍വം പറയാന്‍ അദ്ദേഹത്തിനു കഴിഞ്ഞിട്ടുണ്ട്. ഒരു വട്ടം വേജ്‌ബോര്‍ഡ് റിപ്പോര്‍ട്ട് ശുപാര്‍ശ ചെയ്തിലേറെ ശമ്പളം നല്‍കി അദ്ദേഹം ജീവനക്കാരെ അല്‍ഭുതപ്പെടുത്തിയിട്ടുമുണ്ട്. കാന്റീന്‍ ഭക്ഷണം പൂര്‍ണമായി സൗജന്യമാക്കിയിട്ടുണ്ട്.  വിരമിച്ച മിക്കവരുടെയും മക്കള്‍ക്ക് ജോലി കൊടുത്തിട്ടുണ്ട്. ആനുകൂല്യങ്ങളുടെ പട്ടിക നീണ്ടുപോകും. പക്ഷേ, ഒടുവിലത്തെ ശമ്പളപരിഷ്‌കരണമായപ്പോള്‍ എല്ലാം മാറിമറിഞ്ഞു. പാര്‍ലമെന്റ് പാസ്സാക്കിയ നിയമമനസരിച്ച് കേന്ദ്രസര്‍ക്കാര്‍ നിയോഗിച്ച വേജ്‌ബോര്‍ഡിന്റെ ശുപാര്‍ശകള്‍ നടപ്പാക്കണമെന്ന അതിസാധാരണമായ ആവശ്യമുന്നയിച്ച് മാതൃഭൂമി ഓഫീസിന്റെ ഒരു സൈഡില്‍ സത്യാഗ്രഹം നടത്തി എന്ന കുറ്റത്തിന് ഒരു ഡസനിലേറെ പത്രപ്രവര്‍ത്തകരെ വടക്കുകിഴക്കന്‍ സംസ്ഥാനങ്ങളിലേക്കും മറ്റും സ്ഥലംമാറ്റിയത് മാതൃഭൂമിയുടെ ചരിത്രത്തിലെ ഏറ്റവും കടുത്ത പ്രതികാര നടപടിയായിരുന്നു. അവരില്‍ പലരും ഇപ്പോഴും മടങ്ങിവന്നിട്ടില്ല, പലര്‍ക്കും ജോലി ഉപേക്ഷിക്കേണ്ടി വന്നു. 

ചരിത്രം വിധിക്കട്ടെ
മാതൃഭൂമിയില്‍നിന്ന്് ഒരു രൂപയും ഞങ്ങള്‍ ലാഭമായി വീട്ടിലേക്കു കൊണ്ടു പോകുന്നില്ല എന്ന് ധൈര്യമായി അദ്ദേഹത്തിനും ഓഹരിയുടമകള്‍ക്കും പറയാന്‍ കഴിഞ്ഞിരുന്ന കാലമുണ്ടായിരുന്നു. ഇപ്പോള്‍ ആ സ്ഥിതിയില്ല. ഒരു സാധാരണ ഷെയര്‍ഉടമസ്ഥ സ്ഥാപനമായി മാതൃഭൂമി 'വളര്‍ന്നു' കഴിഞ്ഞു. നല്ല ലാഭമുണ്ടാക്കുകയും അതില്‍ നല്ല പങ്ക് ഓഹരിയുടമകള്‍ പങ്കുവെച്ചെടുക്കുകയും ചെയ്യുന്നത് തെറ്റല്ല എന്നു തന്നെയല്ലേ രാജ്യത്തെ നിയമം പറയുന്നത്്? ആഗോളീകരണത്തിന്റെ കാലവും അതല്ലേ പറയുന്നത്!

ഏറെ കഴിവുകളും നന്മകളും വര്‍ണശബളിമയും അറിവും തത്ത്വദീക്ഷയും വൈവിദ്ധ്യങ്ങളും  ഉണ്ടായിരുന്ന അപൂര്‍വമായ ഒരു വ്യക്തിത്വമായിരുന്നു അത്. ഒപ്പം പ്രവര്‍ത്തിച്ച ചെറിയ മനുഷ്യര്‍ക്കിടയില്‍ അദ്ദേഹമൊരു മഹാപര്‍വതമായിരുന്നു. അദ്ദേഹത്തിന്റെ ശാസനയിലേറെ സ്‌നേഹവും പരിഗണനയും  അംഗീകാരവും അനുഭവിച്ചവരാണ് മാതൃഭൂമിയില്‍ ജോലി ചെയ്തിരുന്നവരില്‍ ഏതാണ്ട് എല്ലാവരും. അറിവുകൊണ്ടും വ്യക്തിത്വത്തിന്റെ തിളക്കം കൊണ്ടും മനുഷ്യസ്‌നേഹം കൊണ്ടും ആദര്‍ശധീരത കൊണ്ടും അതുല്യമായ കഴിവുകള്‍ കൊണ്ടും അത്യുന്നതിയിലാണ് അദ്ദേഹം നിന്നത്. ചരിത്രപുരുഷന്മാരെ വിലയിരുത്തുന്ന ചരിത്രംതന്നെ പറയട്ടെ അവസാനവിധി.


Sunday, 10 May 2020

മഹാമാരി കൊല്ലുന്നു പത്രങ്ങളെയും

ഡെഡ്എന്‍ഡ്
എന്‍.പി.രാജേന്ദ്രന്‍

വാര്‍ത്താമരുഭൂമി എന്ന ആശയത്തിന് അധികം പഴക്കമില്ല. വിശാലമായ ജനവാസകേന്ദ്രങ്ങളില്‍ വാര്‍ത്താമാധ്യമങ്ങള്‍ ഒന്നുമില്ലാത്ത അവസ്ഥയാണല്ലോ വാര്‍ത്താമരുഭൂമി. അതൊരു സങ്കല്പമല്ല, യാഥാര്‍ത്ഥ്യമാണ്. 2018-ല്‍ ആണ് വാര്‍ത്താമരുഭൂമി-ന്യൂസ് ഡസേര്‍ട്ട്്- എന്ന പ്രയോഗം ആദ്യം കേള്‍ക്കുന്നത്.

 ' മരുഭൂമിയില്‍ വെള്ളം ഇല്ലാത്തതു പോലെ ഈ മരുഭൂമിയില്‍ വാര്‍ത്തകള്‍ ഉണ്ടാകുന്നില്ല. അവിടെ എന്തു നടന്നാലും അതു വാര്‍ത്തയാകുന്നില്ല. അവിടെ പത്രങ്ങളില്ല, ലേഖകന്മാരില്ല, വാര്‍ത്താ ചാനലുകളുമില്ല. ഇത് ഏതെങ്കിലും ആഫ്രിക്കന്‍ വനപ്രദേശങ്ങളില്ല സംഭവിക്കുന്നത്. വികസനത്തിന്റെയും പുരോഗതിയുടെയും ശാസ്ത്രവളര്‍ച്ചയുടെയുമെല്ലാം അവസാനവാക്ക് എന്നു കരുതുന്ന അമേരിക്കയിലാണ് ഇതു സംഭവിക്കുന്നത്. അമേരിക്കയില്‍ 1300 പ്രദേശങ്ങള്‍ ഇത്തരം വാര്‍ത്താമരുഭൂമികളായി രൂപാന്തരപ്പെട്ടിരിക്കുന്നു'- യൂണിവേഴ്സിറ്റി ഓഫ് സൗത്ത് കരോളിനയുടെ സ്‌കൂള്‍ ഓഫ് മീഡിയ ആന്റ് ജേണലിസം നടത്തിയ പഠനത്തിലെ കണ്ടെത്തലുകളെക്കുറിച്ച് ലോകപ്രസിദ്ധമായ പോയ്ന്റര്‍ ഇന്‍സ്റ്റിറ്റ്യൂട്ട് വെബ് മാഗസിന്‍ പ്രസിദ്ധപ്പെടുത്തിയ ലേഖനത്തിലേതാണ്  ഈ വിവരണം. ലോകമെങ്ങും, പ്രത്യേകിച്ച് അമേരിക്കയില്‍ കൊവിഡ്്19 കാരണം വാര്‍ത്താമരുഭൂമികള്‍ പടരുകയാണ്.

കൊവിഡ്്19 നു മുമ്പുതന്നെ അമേരിക്കയിലും മറ്റു പല വികസിതരാജ്യങ്ങളിലും പത്രങ്ങള്‍ മരിച്ചുകൊണ്ടിരിക്കുന്നുണ്ടായിരുന്നു. വാര്‍ത്താമരുഭൂമിയുടെ സൃഷ്ടിക്കു കാരണവും അതുതന്നെ. 2018-ഒക്‌റ്റോബറില്‍ പ്രസിദ്ധപ്പെടുത്തിയ യൂണിവേഴ്സിറ്റി ഓഫ് സൗത്ത് കരോളിന റിപ്പോര്‍ട്ടില്‍ പറഞ്ഞിരുന്നത് 2004-നും 2018-നും ഇടയില്‍ അമേരിക്കയില്‍ 1800-ലധികം പ്രാദേശികപത്രങ്ങള്‍ ഇല്ലാതായി എന്നാണ്. മിക്കതും അടച്ചു, ചിലതെല്ലാം വലിയ പത്രങ്ങളില്‍ ലയിച്ചു. പേരിനുമാത്രം നിലനില്‍ക്കുന്നവയുണ്ട്്. ലേഖകന്മാരൊന്നും ഇല്ലാതെ പഴയ പത്രങ്ങളുടെ പ്രേതങ്ങളായി അവ അവിടവിടെ പ്രത്യക്ഷപ്പെടുന്നു. ലോകത്തെങ്ങും പ്രതികൂലാവസ്ഥ നേരിട്ടുകൊണ്ടിരുന്ന അച്ചടിമാധ്യമങ്ങള്‍ കൊവിഡ്്19 വ്യാപനത്തോടെ അന്ത്യത്തിലേക്ക് അടുക്കുകയാണ് എന്ന ആശങ്ക ഉയര്‍ത്തി. പാശ്ചാത്യ മാധ്യമനിരീക്ഷകരില്‍ പ്രമുഖനായ ഫ്രഡറിക് ഫില്ലൗക്‌സ് ഇതിനെ വിശേഷിപ്പിച്ചത് 'കൊറോണ വൈറസ്, അച്ചടിയുടെ അന്ത്യത്തിന് അവസാനതുടക്കം കുറിക്കുന്നു' എന്നാണ്. അമേരിക്കയില്‍ മാത്രം മുപ്പതിനായിരത്തിലേറെ പത്രപ്രവര്‍ത്തകര്‍ തൊഴില്‍രഹിതരായി.പത്രങ്ങളെ നിലനിര്‍ത്താന്‍ ഭരണകൂടവും പൊതുസമൂഹവും യത്‌നിക്കണമെന്ന ആശയത്തോട്് ഈ നിരീക്ഷകനു പുച്ഛമാണ്. 'ശവശരീരത്തില്‍ വെന്റിലേറ്റര്‍ ഘടിപ്പിച്ച് അതു ശ്വസിക്കുന്നുണ്ട് എന്നു തോന്നിപ്പിച്ചിട്ടെന്തുകാര്യം ' എന്നാണ് അദ്ദേഹം പരിഹസിച്ചത്.

പത്രങ്ങള്‍ പ്രസിദ്ധീകരണം അവസാനിപ്പിച്ചതിന്റെ വാര്‍ത്തകള്‍ നിറയുകയാണ് പാശ്ചാത്യപത്രങ്ങളില്‍. (പത്രമരണം അവിടെ വാര്‍ത്തയാണ്. ഇവിടെ ചരമപ്പേജിലും അതു കാണില്ല!). അതിജീവിക്കാനുള്ള മരണപ്പിടച്ചിലില്‍ ഒരുപാടു പത്രങ്ങള്‍ പത്രപ്രവര്‍ത്തകരെയും ജീവനക്കാരെയും പരമാവധി ഒഴിവാക്കി അസ്ഥികൂടം മാത്രം നിലനിര്‍ത്തുന്നു. ഇതൊരു ആഗോളപ്രതിഭാസമാണ് എന്നു എല്ലാ ദിവസവും രാവിലെ പത്രം നിവര്‍ത്തുമ്പോള്‍ നമുക്കും ബോധ്യപ്പെടുന്നു. പഴയ പത്രക്കടലാസ് ക്ഷാമകാലത്തെ ഓര്‍മിപ്പിക്കുംവിധം പത്രങ്ങളില്‍ എട്ടും പത്തും പേജുകള്‍ മാത്രമാണ് ഉള്ളത്. സപ്ലിമെന്റുകള്‍ ഇല്ല. പരസ്യങ്ങള്‍ അപൂര്‍വമായിരിക്കുന്നു. കടകള്‍ അടയുകയും ആള്‍ക്കൂട്ടം നിരോധിതമാവുകയും ചെയ്തതോടെ പത്രവില്പന കുത്തനെ കുറഞ്ഞിരിക്കുന്നു. പത്രനടത്തിപ്പുകാര്‍ പ്രതീക്ഷിക്കുന്നത് ഇതൊരു താല്ക്കാലിക പ്രതിസന്ധി മാത്രമാണ് എന്നാണ്. പ്രതിസന്ധി മാസങ്ങള്‍ നിലനില്‍ക്കും എന്ന കാര്യത്തില്‍ വിദഗ്ദ്ധന്മാര്‍ക്കു സംശയമില്ല. ഒരുപക്ഷേ, കാഠിന്യം കുറഞ്ഞേക്കും. അതു പോലും ഉറപ്പിക്കാന്‍ ആരും തയ്യാറില്ല. അച്ചടിമാധ്യമം ഇതിനെയെല്ലാം അതിജീവിക്കും എന്ന ആശിക്കാനേ നമുക്കു കഴിയൂ.
ഒന്നര മാസക്കാലത്തെ കൊവിഡ്്്19 വാഴ്ചക്കിടയില്‍ ഏതെല്ലാം രാജ്യങ്ങളില്‍ എതെല്ലാം മാധ്യമങ്ങള്‍ക്ക് അന്ത്യം സംഭവിച്ചു എന്നാരും കൃത്യമായി കണക്കുകൂട്ടിക്കാണില്ല. അതൊരു  തുടര്‍പ്രക്രിയ ആണല്ലോ. പലതും മരിച്ചുകൊണ്ടിരിക്കുന്നു. ഇപ്പോള്‍ അടഞ്ഞുകഴിഞ്ഞതിനേക്കാള്‍ കൂടുതല്‍ സ്ഥാപനങ്ങള്‍ വരുംനാളുകളില്‍ അടഞ്ഞേക്കാം. മഹാമാരി കഴിഞ്ഞാലെങ്കിലും മാധ്യമാരോഗ്യം വീണ്ടെടുക്കാം എന്ന പ്രതീക്ഷ പോലും നഷ്ടപ്പെടുകയാണ്.

ലോകമെങ്ങും, ദുര്‍ബല വ്യവസായങ്ങളെ സംരക്ഷിക്കണമെന്ന ആവശ്യം ഉയര്‍ന്നുവരുന്നുണ്ട്. തൊഴില്‍ സംരക്ഷിക്കുകയാണ് ഇതിന്റെ മുഖ്യമായ ഉദ്ദേശ്യം. ഗവണ്മെന്റുകള്‍ക്ക് എങ്ങനെ ഇത്രയേറെ വ്യവസായങ്ങളെ സംരക്ഷിക്കാനാവും എന്നു ആരും കൃത്യമായി നിര്‍ദ്ദേശിക്കുന്നില്ല. സമൂഹത്തിന്റെ നിലനില്‍പ്പിനു തന്നെ അനിവാര്യമായ ആരോഗ്യ-വിദ്യാഭ്യാസ മേഖലയെപ്പോലും വിപണിയുടെ കയ്യാങ്കളിക്ക് വിട്ടുകൊടുക്കുകയാണ് വികസിതരാജ്യങ്ങളെല്ലാം ചെയ്യുന്നത്. സംരംഭകര്‍ ആഗ്രഹിച്ചിരുന്നതും അതാണ്. പക്ഷേ, എല്ലാം മാറുകയാണ് കൊറാണ കൊടുങ്കാറ്റില്‍. എല്ലാ വ്യവസായങ്ങളും സംരക്ഷണം ആവശ്യപ്പെടുന്നു.

ഉല്പാദനച്ചെലവിനേക്കാള്‍ കുറഞ്ഞ വിലയ്ക്ക് വില്‍ക്കുന്ന അപൂര്‍വം ഉല്പന്നങ്ങളിലൊന്നാണല്ലോ പത്രം. പരസ്യവരുമാനം എന്ന സബ്‌സിഡിയാണതു സാധ്യമാക്കുന്നത്. അതാണ് ഇല്ലാതായ്‌ക്കൊണ്ടിരിക്കുന്നതും അച്ചടിമാധ്യമത്തിന്റെ നിലനില്‍പ്പിനെ അപകടത്തിലാക്കുന്നതും. പൊതുസമൂഹത്തിന്റെ നിലനില്‍പ്പിന് ആവശ്യമായ ഒരു വ്യവസായം എന്ന നിലയില്‍ മാധ്യമവ്യവസായത്തെ സംരക്ഷിക്കാന്‍ സമൂഹത്തിന് ബാധ്യതയുണ്ട് എന്നും ഭരണകൂടങ്ങള്‍ അതു നിറവേറ്റണമെന്നുമുള്ള ആവശ്യം ഉയര്‍ന്നിട്ടുണ്ട്. മാധ്യമങ്ങളില്‍ ഇതുസംബന്ധിച്ച ചര്‍ച്ചയും നടക്കുന്നുണ്ട്. മാധ്യമപ്രവര്‍ത്തനത്തെ മുന്‍പേ നിരീക്ഷിച്ചുകൊണ്ടിരുന്നവരേറെയും സര്‍ക്കാര്‍ ധനസഹായം കൊണ്ടു നിലനിര്‍ത്താവുന്ന ഒന്നല്ല മാധ്യമവ്യവസായം എന്ന അഭിപ്രായക്കാരാണ്. എന്തു സഹായം കിട്ടിയാലും നിലനില്‍ക്കാന്‍ കഴിവില്ലാത്ത, യോഗ്യതയില്ലാത്ത വിധം കാലഹരണപ്പെട്ടതാണ് അച്ചടി മാധ്യമം എന്ന അഭിപ്രായമുള്ളവരാണ് ഏറെ. ഗവണ്മെന്റ് ഏജന്‍സികളുടെ സഹായത്തോടെ നിലനില്‍ക്കുന്ന മാധ്യമങ്ങള്‍ക്ക് എങ്ങനെ സ്വതന്ത്ര ഉത്തരവാദിത്തം നിര്‍വഹിക്കാനാവും എന്ന ചോദ്യമാണ് അവര്‍ ഉയര്‍ത്തുന്നത്. പൂര്‍ണമായും പൊതു ഉടമസ്ഥതയുള്ള ബി.ബി.സിക്ക് ലോകത്തിലെതന്നെ ഏറ്റവും സ്വതന്ത്രമായ മാധ്യമസ്ഥാപനമായി നിലനില്‍ക്കാന്‍ കഴിയുന്നില്ലേ എന്ന മറുചോദ്യമാണ് അപ്പോള്‍ ഉയരുക. എന്തായാലും എല്ലാ രാജ്യങ്ങള്‍ക്കും ബാധകമായ, എല്ലാ കാലത്തേക്കും സാധ്യമായ ഒരു പരിഹാരം ഇക്കാര്യത്തില്‍ കണ്ടെത്തുക പ്രയാസമാണ്.

ലോകത്തു പലതരം മാധ്യമങ്ങളില്ലേ, അവയെല്ലാം നിലനില്‍ക്കുമെന്നിരിക്കേ എന്തിനാണ് അച്ചടിപ്പത്രത്തെക്കുറിച്ചു മാത്രം വല്ലാതെ വേവലാതിപ്പെടുന്നത് എന്ന ചോദ്യം ഉയരാം. സാമൂഹ്യമാധ്യമവും പത്രങ്ങളുടെ തന്നെ ഓണ്‍ലൈന്‍ വിഭാഗങ്ങളും എണ്ണമറ്റ ദൃശ്യമാധ്യമങ്ങളും കൊറോണകാലത്തെ അതിജീവിക്കും എന്ന സങ്കല്‍പ്പത്തില്‍നിന്നാണ് ഈ ചോദ്യം ഉണ്ടാകുന്നത്. കൊറോണ എത്ര കാലം നീണ്ടുനില്‍ക്കുമെന്ന് ആര്‍ക്കെങ്കിലും പ്രവചിക്കാനാവുമോ?  ലോക്ക്ഡൗണ്‍ കഴിഞ്ഞാല്‍ പ്രശ്‌നം തീരുമെന്ന വ്യാമോഹം ആര്‍ക്കുമില്ല. മാസങ്ങള്‍ നീണ്ടുനില്‍ക്കുമെന്ന് എല്ലാവരും ഭയപ്പെടുന്നുണ്ട്. യു.എസ് കോണ്‍ഗ്രസ്സിനു വേണ്ടി വിദഗ്ദ്ധര്‍ തയ്യാറാക്കിയ റിപ്പോര്‍ട്ടില്‍ പറയുന്നത് ഈ പ്രശ്‌നം ഒന്നര വര്‍ഷം അമേരിക്കയെ ഉലയ്ക്കുമെന്നാണ്. അച്ചടിയുടെ കാര്യം വിട്, അത്രയും കാലം നിലനില്‍ക്കാന്‍ നാട്ടില്‍ എത്ര മറ്റു വ്യവസായ സ്ഥാപനങ്ങള്‍ക്കു കഴിയും?

  അമേരിക്കന്‍ വാര്‍ത്താമരുഭൂമിയെക്കുറിച്ചുള്ള റിപ്പോര്‍ട്ടുകളില്‍ ആവര്‍ത്തിച്ചു ചൂണ്ടിക്കാട്ടപ്പെട്ട ഒരു കാര്യമുണ്ട്. പ്രാദേശികപത്രങ്ങളുടെ തിരോധാനത്തോടെ, പ്രാദേശിക ഭരണകൂടങ്ങള്‍ക്കു മേലുള്ള മാധ്യമങ്ങളുടെ കണ്ണ് അടയുന്നു എന്നതാണ് അത്. അമേരിക്കന്‍ കോണ്‍ഗ്രസ്സും വൈറ്റ് ഹൗസ്സും റിപ്പോര്‍ട്ട് ചെയ്യാന്‍ ലേഖകരുടെ  വന്‍പട ഇനിയും ഉണ്ടാകും. സംസ്ഥാന ഭരണം റിപ്പോര്‍ട്ട് ചെയ്യാനും ചാനലുകള്‍ മത്സരിച്ചേക്കും. പക്ഷേ, അതില്‍താഴെയുള്ള പ്രാദേശികഭരണം റിപ്പോര്‍ട്ട് ചെയ്യാന്‍ ആരെയും കാണില്ല.  അത്തരം ഭരണസമിതി യോഗങ്ങളില്‍ ഇപ്പോള്‍ത്തന്നെ മാധ്യമ റിപ്പോര്‍ട്ടര്‍മാര്‍ വരാറേ ഇല്ല. വാര്‍ത്തകളുമില്ല. പ്രാദേശികഭരണം എങ്ങും ചര്‍ച്ചാവിഷയമാകുന്നില്ല. ഇതൊന്നും പാശ്ചാത്യവികസിതരാജ്യങ്ങളില്‍ ഒതുങ്ങുന്ന പ്രതിഭാസങ്ങളാവില്ല. കോവിഡ്19 നമ്മുടെ ഭരണസ്ഥാപനങ്ങളെയും ജനങ്ങളില്‍നിന്ന് അകറ്റാം.

അച്ചടിമാധ്യമം ഇല്ലാത്ത രാജ്യം ഒരു ജനാധിപത്യരാജ്യമാവുകയില്ല. പ്രത്യേകിച്ചും ഇനി വരുന്ന കാലത്ത്.  കൊറോണ കാലത്ത് ഭരണകൂടങ്ങള്‍ കൈയേന്തിപ്പിടിച്ചുകഴിഞ്ഞ അമിതാധികാരങ്ങള്‍ പലതും കൊറോണ കഴിഞ്ഞാലും അവര്‍ കൈവിടാന്‍ പോകുന്നില്ല എന്നുറപ്പിക്കാം. മഹാമാരിയെക്കുറിച്ച് പറഞ്ഞ് ഭയപ്പെടുത്തിയാല്‍ പൗരന്‍ വീടിനു മുന്നിലെ റോഡിലിറങ്ങാന്‍പോലും ധൈര്യപ്പെടില്ല എന്നു ഭരണകൂടങ്ങള്‍ക്കു മനസ്സിലായിക്കഴിഞ്ഞു. ജനങ്ങള്‍ ഭരണകൂടങ്ങളെ ചോദ്യം ചെയ്യുകയില്ല. അതു ചെയ്യാന്‍ കുറച്ചെങ്കിലും കഴിയുന്ന പത്രങ്ങളും ഇല്ലാതാവുമോ?

 പാഠഭേദം 2020 മെയ്‌




Tuesday, 21 April 2020

സ്പ്രിന്‍ക്ലര്‍ സ്‌പെല്ലിങ് മിസ്റ്റേക്കുകള്‍


തുടക്കത്തിലേ ചില്ലറ സ്‌പെല്ലിങ് മിസ്റ്റേക്കുകള്‍ ഉണ്ട് ഈ സ്പ്രിന്‍ക്ലര്‍ ഏര്‍പ്പാടില്‍ എന്നു തന്നെ കരുതണം. തോട്ടത്തില്‍ വെള്ളം ചീറ്റാന്‍ ഉപയോഗിക്കുന്ന സ്പ്രന്‍ക്ലറുകളെക്കുറിച്ചേ നമ്മള്‍ സാധാരണക്കാര്‍ക്ക് കേട്ടറിവ് കാണൂ. ഇത് അതല്ല. ഒരു അക്ഷരത്തിന്റെ-E -യുടെ കുറവുണ്ട്  മലയാളി സ്റ്റാര്‍ട്ടപ്പ് മിടുക്കന്‍ റജി തോമസ്് നടത്തുന്ന സോഫ്‌റ്റ്വേര്‍ കമ്പനിയുടെ പേരിന്. -SPRINKLR. ഇങ്ങനെയൊരു വാക്ക് ഇംഗ്ലീഷില്‍ ഇല്ലെങ്കിലും ഇതൊരു മിസ്‌റ്റേക് അല്ലേയല്ല. പേരിന് അര്‍്ത്ഥമുണ്ടാകണമെന്നു നിയമമില്ല. ഇവരുമായി ബന്ധപ്പെടുത്തിയുള്ള കേരള കൊറോണ സോഫ്‌റ്റ്വേര്‍ ഇടപാടില്‍ സ്‌പെല്ലിങ്ങ് മിസ്റ്റേക്ക് ഉണ്ടോ എന്നതാണ് ചോദ്യം. അതൊരു ഭരണനിര്‍വഹണ പ്രശ്‌നമാണ്, രാഷ്ട്രീയപ്രശ്‌നവുമാണ്.  

ഇത്തരം മിക്ക വിവാദങ്ങളുടെയും കാര്യത്തിലെന്ന പോലെ, ഇവിടെയും, എല്ലാം അറിയേണ്ട പൗരന് ഇക്കാര്യത്തില്‍ വലിയ പിടിപാടൊന്നും കാണില്ല. രണ്ടു പക്ഷത്തും നിന്നുകൊണ്ട് കമ്പ്യൂട്ടര്‍ സോഫ്‌റ്റ്വേര്‍ വിദഗ്ദ്ധരെയും മാനേജ്‌മെന്റ് എക്‌സ്‌പേര്‍ട്ടുകളെയും വെല്ലുന്നു വാദങ്ങള്‍ നേതാക്കളും മാധ്യമങ്ങളും അടിച്ചുവീശും. ജനത്തിന്റെ കണ്‍ഫ്യൂഷന്‍ കൂടുകയേ ഉള്ളൂ. രണ്ടു പക്ഷക്കാര്‍ക്കും ശരിയും തെറ്റും നോക്കേണ്ട പണിയില്ല. പക്ഷം ഇല്ലാത്തവനേ ശരിയും തെറ്റും സ്വയം കണ്ടുപിടിക്കേണ്ടൂ. പാര്‍ട്ടി അനുഭാവികള്‍ എന്തു വാദിക്കണമെന്ന് പാര്‍ട്ടി പറയും, ലഘുലേഖയാക്കി പത്രത്തിലും വാട്‌സാപ്പിലുമെല്ലാം എങ്ങുമെത്തിക്കും.

കോഴ അല്ലെങ്കില്‍ കൈക്കൂലി വാങ്ങുക എന്ന ഒറ്റയിനം അഴിമതിയെക്കുറിച്ചു മാത്രം കേട്ടറിവുള്ളവരാണ് മിക്കവരും. പുത്തന്‍ കാലത്ത് പുത്തന്‍ അഴിമതികള്‍ ഉണ്ട്. ഒരു വിദേശമലയാളി ഒരു സൗജന്യസേവനം കേരളത്തിനു തരാന്‍ തയ്യാറായാല്‍പ്പിന്നെ അതിലപ്പുറം എന്തിന് നോക്കണം എന്നാവും സന്മനസ്സുള്ള ഉദ്യോഗസ്ഥ-രാഷ്ട്രീയ മേധാവികള്‍ വരെ ചിന്തിക്കുന്നത്. സൗജന്യം എന്നതു തന്നെ ഒരു തട്ടിപ്പാവാം. സൗജന്യ ഉച്ചയൂണ് എന്നൊരു ഏര്‍പ്പാടേ ഈ ആഗോളത്തട്ടിപ്പ് മുതലാളിത്തത്തിന്റെ കാലത്ത് ഇല്ല എന്നാണ് ഇന്നു തട്ടിപ്പുകാര്‍ വരെ പറയുന്നത്. നൂറു നൂലാമാലകളാണ് കമ്പ്യൂട്ടര്‍ അധിഷ്ഠിത വിവരശേഖരണ-വിശകലന രംഗത്തുള്ളത്. ഡേറ്റ എന്നൊരു ചരക്ക് വില്ക്കുകയും വാങ്ങുകയും ചെയ്താണ് ലോകത്തെ എമ്പാടും കമ്പനികള്‍ കോടികള്‍ സമ്പാദിക്കുന്നതെന്ന് നാട്ടില്‍പ്പാട്ടായത് അടുത്ത കാലത്താണ്. കമ്പനികള്‍ക്ക് അവരുടെ ഉല്പന്നം വിറ്റഴിക്കാന്‍ ഡേറ്റ വേണം. കേരളത്തില്‍ എത്ര പേര്‍ക്ക് മനോരോഗമുണ്ട്, എത്ര പേര്‍ മദ്യപാനികളാണ്, എത്രപേര്‍ ഭാര്യയെ തല്ലുന്നവരാണ് എന്നു തുടങ്ങി സര്‍വ വിവരവും വിവരക്കേടും കച്ചവടത്തിന് ആവശ്യമുള്ള ഡേറ്റ ആണ്.  അതുകൊണ്ടാണ് ഇടപാടുകളെല്ലാം പലതരം ഭൂതക്കണ്ണാടികള്‍ വെച്ചു നോക്കിയേ അംഗീകരിക്കാവൂ എന്നു അറിവുള്ളവര്‍ പറയുന്നത്.

അതിനിടെയാണ് അത്യന്തം നിഷ്‌കളങ്കനായ ഐ.എ.എസ് ഉദ്യോഗസ്ഥന്‍, അതും വിവരസാങ്കേതിക വകുപ്പിന്റെ ചുമതല വഹിക്കുന്ന  ഉദ്യോഗസ്ഥന്‍, ഇടപാടില്‍ നിയമപ്രശ്‌നമൊന്നുമില്ലെന്നുള്ളതു കൊണ്ടാണ് സ്പ്രിന്‍ക്ലര്‍ ഇടപാട് നിയമവകുപ്പിന്റെ പരിശോധനയ്ക്ക് വിടാതിരുന്നത് എന്നൊരു മഹദ്വചനം ഉരിയാടിയത്. നിയമമറിയുന്നവര്‍ നോക്കാതെ എങ്ങനെയാണ് സാര്‍ അതില്‍ നിയമപ്രശ്മുണ്ടോ എന്നറിയുക? മറ്റെല്ലാം പോകട്ടെ, സ്പ്രിന്‍ക്ലര്‍ സ്ഥാപനം നല്‍കുന്ന സേവനം സംബന്ധിച്ച് എന്ത് നിയമപ്രശ്‌നമുണ്ടായാലും അത് അമേരിക്കയിലെ കോടതിലേ കേസ്സാക്കാനാവൂ എന്ന വ്യവസ്ഥയെങ്കിലും നിയമവകുപ്പ് അറിയേണ്ടിയിരുന്നില്ലേ സാര്‍? കേരളത്തിലെ കൊറോണ സംബന്ധിച്ച ഡേറ്റ അതിവിപുലമാണ് എന്നാണ് വകുപ്പ് സിക്രട്ടറി പത്രത്തിലെഴുതിയ കുറിപ്പില്‍പറയുന്നത്. അപ്പോള്‍ അതിന്റെ മൂല്യവും അത്രക്കു വിപുലമായിരിക്കില്ലേ?

കരാര്‍ നടപ്പാക്കാന്‍ കാട്ടിയ ബദ്ധപ്പാട് കുറച്ചേറിപ്പോയി എന്ന കാര്യത്തില്‍ ആര്‍ക്കും സംശയമില്ല. ധൃതിപിടിച്ച് ചെയ്യുന്ന എന്തിലും പിഴവുകള്‍ ഏറും. പിഴവുകള്‍ ചോദ്യം ചെയ്യപ്പെടും. സത്യസന്ധത സംശയിക്കപ്പെടും. ആകെ മൊത്തം അലമ്പാവും. പ്രതിപക്ഷത്തെ ശമ്പളം കൊടുത്തും, മാധ്യമങ്ങളെ ശമ്പളം കൊടുക്കാതെയും നിര്‍ത്തിയിരിക്കുന്നത് ഈ പിഴവുകള്‍ കണ്ടെത്തുന്നതിനും ചോദ്യം ചെയ്യുന്നതിനുംതന്നെയാണ്. രാജ്യം ഒരു യുദ്ധത്തില്‍ ചെന്നുപെട്ടാല്‍ പ്രതിപക്ഷത്തിന്റെ നില പരുങ്ങലിലാവുക പതിവാണ്. കൊറോണയാവട്ടെ ആഗോള യുദ്ധമാണ്. കേന്ദ്രത്തിലും കേരളത്തിലും ഭരണമില്ലാത്തതുകൊണ്ട് ഇരിക്കാനും നില്‍ക്കാനും നടക്കാനുമൊന്നും വയ്യാത്ത വെപ്രാളത്തിലാണല്ലോ കോണ്‍ഗ്രസ്സും കൂട്ടാളികളും. അവര്‍ക്ക് ജീവന്‍വെച്ചത് സ്പ്രിന്‍ക്ലര്‍ വന്നപ്പോഴാണ്. തല കറങ്ങി വീണവന്റെ മുഖത്ത് ജീവജലം കുടയുന്ന സ്പ്രിന്‍ക്ലര്‍. സംസ്ഥാനസര്‍ക്കാറിന് അവരുടെ നന്ദി പാര്‍സലായി എത്തും.  

ഉദാരമായ കോഴ
കൊറോണക്കാലത്ത് വീട്ടിലിരിക്കുന്നവര്‍ക്ക് നേരമ്പോക്കിനു വേണ്ടി നമ്മുടെ നേതാക്കള്‍ പലതരം വിനോദങ്ങളാണ് പടച്ചുവിടുന്നത്. ഒന്നിന്റെയും സത്യാസത്യം സാധാരണക്കാരന് മനസ്സിലാവുകയേ ഇല്ല. പുതിയ കെ.എം.ഷാജി വിവാദം ഹയര്‍ സെക്കന്‍ഡറി കോഴ്‌സ് അനുവദിക്കാന്‍ കോഴ വാങ്ങിയതിനെക്കുറിച്ചാണ്. എം.എല്‍.എ.യുടെ കാര്യം അവിടെ നില്‍ക്കട്ടെ. കോഴയുടെ റെയ്റ്റ് നിങ്ങളെ അത്ഭുതപ്പെടുത്തുന്നില്ലേ? എത്ര ഉദാരം, വെറും കാല്‍ക്കോടി രൂപ! കോഴ്‌സിന് എത്ര അധ്യാപകരെ നിയമിച്ചാലും ശരി ഒരു അധ്യാപകനെ നിയമിക്കുന്നതിന് വാങ്ങുന്ന കോഴ മാത്രമേ പാര്‍ട്ടിക്കു വേണ്ടൂ. ബാക്കി മുഴുവന്‍ മാനേജ്‌മെന്റ്ിന്്.  ഇരുകൂട്ടരും അത്യുദാര മഹാത്മാക്കളത്രെ. 2014-ല്‍ അനുവദിച്ചുകിട്ടിയ കോഴ്‌സാണ്. മറ്റേതെങ്കിലും പാര്‍ട്ടിയാണെങ്കില്‍ കാശ് കിട്ടിയ ശേഷമേ കോഴ്‌സ് അനുവദിക്കു. ഇവിടെ ലീഗായതുകൊണ്ട് പ്രശ്‌നമില്ല. തീരുമാനത്തിനു ശേഷം കോഴ, അതിനു ശേഷം വിവാദം.  

ആരാണ് കോഴ വാങ്ങേണ്ടത് എന്ന കാര്യവും വളരെ ഉദാരമാണ്. മറ്റു പാര്‍ട്ടികളില്‍ ഇതു വിദ്യാഭ്യാസമന്ത്രിയോ മന്ത്രി നിയോഗിക്കുന്ന ശിങ്കിടിയോ വേണം വാങ്ങാന്‍. വിവാദകേസ്സില്‍ ഏതോ വാര്‍ഡ് കമ്മിറ്റി ഭാരവാഹിയോ മറ്റോ പോയി കാശ് ചോദിച്ചെന്നാണ് പറയുന്നത്. ലീഗല്ലേ, അതും നടക്കും. ഒടുവില്‍ എം.എല്‍.എ പോയി വാങ്ങിയത്രെ. ഇത്തരം കാശൊന്നും, ലീഗിലായാലും ഒരു എം.എല്‍.എക്കും പോക്കറ്റിലിടാന്‍ പറ്റില്ല. അത്തരം കോഴകള്‍ വേറെ ഉണ്ട്. അത് ചെല്ലേണ്ടിടത്ത് ചെല്ലും. നിയമസഭാതിരഞ്ഞെടുപ്പു കാലത്തു കാലുമാറി എം.വി. നികേഷ്‌കുമാറിന്റെ പക്ഷം ചേര്‍ന്ന ഒരു പ്രാദേശികനേതാവിനെ പുറത്താക്കിയതാണ് ഇപ്പോഴത്തെ ആരോപണത്തിനും വിവാദത്തിനും കാരണമായതെന്നാണ് ഷാജി പറയുന്നത്. എന്നിട്ടും കൊല്ലം കുറെയായല്ലോ സഖാവേ...

കോഴത്തരത്തിന്റെയും കള്ളത്തരത്തിന്റെയും കൂത്തരങ്ങാണ് സ്വകാര്യകോളേജ് അധ്യാപകനിയമനരംഗം എന്നറിയാത്ത ഒരു വിഡ്്ഢിയാനും കേരളത്തിലില്ല. സര്‍ക്കാര്‍ നിശ്ചയിച്ച നല്ല ശമ്പളവും വിരമിച്ച ശേഷം നല്ല പെന്‍ഷനും സര്‍ക്കാര്‍തന്നെ നല്‍കുന്ന ഉദ്യോഗമാണിത്. ഈ നിയമനം നല്‍കാന്‍ മാനേജ്‌മെന്റുകള്‍ വാങ്ങുന്നത് വന്‍കോഴയാണ്. അതില്‍ ആര്‍ക്കുമില്ല ആക്ഷേപം. കേരളത്തിലല്ലാതെ മറ്റെങ്ങുണ്ട് ഇത്രയും ഉദാരമായ അഴിമതിവ്യവസ്ഥ?  കോഴ കൊടുത്തെന്നോ വാങ്ങിയെന്നോ ഒരു മാനേജ്‌മെന്റും സമ്മതിക്കില്ല, ഒരു പാര്‍ട്ടിക്കാരും മിണ്ടില്ല. ഒരു കേസ്സും നിലനില്‍ക്കില്ല. കൊറോണയുടെ അതിവിരസ കാലത്ത് ചില്ലറ വിനോദത്തിനുതകും ഈ കോഴവിവാദം. കെ.എം ഷാജി കുറച്ചുകാലം കേസ്സില്‍ കുരുങ്ങി നടക്കട്ടെ.... പിണറായി വിജയനോടാണോ കളി?

മുനയമ്പ്
തനിക്കെതിരായ വിജിലന്‍സ് കേസ്സിനു പിന്നില്‍ മുഖ്യമന്ത്രിതന്നെ എന്നു കെ.എം.ഷാജി-
കേസ് വരുന്നെന്ന് അറിഞ്ഞ് ഷാജിയാണ് ആദ്യം വെടിപൊട്ടിച്ചതെന്നും കേള്‍ക്കുന്നുണ്ട്. ആവോ..

Tuesday, 14 April 2020

കൊറോണ പഴുതില്‍ ഒരു കേന്ദ്ര ഇരുട്ടടി





ബി.ജെ.പി കേന്ദ്രഭരണം നേടിയതു മുതല്‍ ഒരു ഫ്രഷ് ഐഡിയ കുറേശ്ശെയായി പ്രചരിക്കുന്നുണ്ടായിരുന്നു. എങ്കിലും, അഞ്ചു വര്‍ഷം ഒന്നും ചെയ്തില്ല. രണ്ടാം വട്ടം കൂടിയ ഭൂരിപക്ഷത്തോടെ അധികാരത്തില്‍ വന്നപ്പോഴും തെല്ല് മടിച്ചുനിന്നു എങ്കിലും, ബി.ജെ.പി എം.പിമാര്‍ സ്വകാര്യം പറയുന്നുണ്ടായിരുന്നുവത്രെ-വൈകാതെ ഞങ്ങള്‍ എം.പി വികസനഫണ്ടിന്റെ കഥകഴിക്കും! ആദ്യംകിട്ടിയ അവസരത്തില്‍തന്നെ അവര്‍  കഴിച്ചു, ആ കഥ. 

രാജ്യം കൊറോണയുടെ നീരാളിപ്പിടുത്തത്തില്‍ അമര്‍ന്നുകൊണ്ടിരിക്കുമ്പോള്‍ ഏതെങ്കിലും എം.പിയുടെ തലയില്‍, എം.പി ഫണ്ട് തങ്ങള്‍ക്ക് വേണ്ട, സര്‍ക്കാര്‍ എടുത്തോട്ടെ എന്നൊരു ചിന്ത പൊട്ടിമുളയ്ക്കുമായിരുന്നോ? ഒരിക്കലുമില്ല. അവരെല്ലാം, സംസ്ഥാനസര്‍ക്കാറുകളുടെയും ജില്ലാഭരണകൂടങ്ങളുടെയും ഒപ്പം നിന്ന് കൊറോണയെ തടയാന്‍ എന്തു സഹായം ചെയ്യാനാവും എന്ന തലപുകയ്ക്കുകയായിരുന്നു. അങ്ങനെ കക്ഷിരാഷ്ട്രീയം മറന്ന് പദ്ധതികള്‍ ആസൂത്രണം ചെയ്തുകൊണ്ടിരിക്കെ ആണ് പൊടുന്നനെ ഇടിത്തീ വീണത്. അഞ്ചു കോടിയുടെയല്ല, അഞ്ചു രൂപയുടെ പദ്ധതി പോലും ഇനി എം.പി മാര്‍ക്ക് സ്വന്തം നാട്ടുകാര്‍ക്കുവേണ്ടി നടപ്പാക്കാന്‍ കഴിയില്ല.

കേന്ദ്രസര്‍ക്കാറിന് കാശിന് ഇത്രയും ദാരിദ്ര്യമുണ്ടോ എന്നല്ല ഇപ്പോള്‍ ആളുകള്‍ ചിന്തിക്കുന്നത്. കേന്ദ്രസര്‍ക്കാറിന്റെ തലപ്പത്ത് ഇത്രയും ദുഷ്ടബുദ്ധികളുണ്ടോ എന്നാണ്. ഒരു സര്‍ക്കാര്‍ സ്വന്തം ചെലവുകള്‍ വെട്ടിക്കുറക്കുമ്പോള്‍ ആദ്യം വെട്ടുക ഉപേക്ഷിച്ചാല്‍ കുറച്ചുമാത്രം ദോഷം ചെയ്യുന്ന ചെലവുകളല്ലേ? 1993-ല്‍ ഈ പദ്ധതി വന്നതിനു ശേഷം ഏതെങ്കിലും പാര്‍ട്ടിയോ എം.പി.യോ ധനവിദഗ്ദ്ധനോ ആസൂത്രകനോ ഈ വികസനപദ്ധതി വെട്ടണമെന്ന് സര്‍ക്കാറിനോട് ആവശ്യപ്പെട്ടിരുന്നോ? ഏതെങ്കിലും വിമര്‍ശകന്‍ ഈ പദ്ധതി കൊണ്ട് ഒരു പ്രയോജവും ഇല്ല എന്നു വിമര്‍ശിച്ചിരുന്നോ? ഏതെങ്കിലും പത്രം പദ്ധതിക്കെതിരെ മുഖപ്രസംഗം എഴുതിയിരുന്നോ? ഇല്ല സാര്‍, ഒരാള്‍ പോലും അങ്ങനെ ചിന്തിച്ചിട്ടില്ല. എന്നിട്ടും സര്‍ക്കാര്‍ എന്തിന് ദുരിതകാലത്ത് ഈ കടുംവെട്ട് വെട്ടി? വെട്ടാതെ തന്നെ ഇത്രയും തുക ദുരിതാശ്വാസത്തിനു ചെലവിടാനാകുമായിരുന്നില്ലേ?

ദുരിതകാലത്താണ് കുബുദ്ധികളുടെ മസ്തിഷ്‌കം കൂടുതല്‍ സക്രിയമായിരിക്കുക. കഷ്ടപ്പെടുന്ന മനുഷ്യനെ എങ്ങനെ സഹായിക്കാം എന്നാണ് നല്ല മനുഷ്യര്‍ ആലോചിച്ചുകൊണ്ടിരിക്കുക. അവര്‍ക്കു അപ്പോള്‍ മതവും രാഷ്ട്രീയവും ഒന്നുമല്ല തലയില്‍ കത്തുക. ചിലര്‍ എങ്ങനെ ഈ തഞ്ചത്തില്‍ എതിരാളിയുടെ തലവെട്ടാം എന്നാണ് ചിന്തിക്കുക. ഭരണകക്ഷിക്കു പ്രത്യേക നേട്ടമൊന്നുമുണ്ടാക്കാത്ത പദ്ധതിയാണ് എം.പി.മാരുടെ തദ്ദേശവികസന ഫണ്ട് എന്നു ബി.ജെ.പി.യുടെ കേന്ദ്രനേതൃത്വത്തിലുള്ളവര്‍ക്ക് കുറച്ചായി തോന്നിത്തുടങ്ങിയിരുന്നത്രെ. അതില്‍ കാര്യമുണ്ട്.

ഈ ഫണ്ടില്‍ കക്ഷിഭേദമില്ല. പാര്‍ലമെന്റിലെ ജനപ്രതിനിധിക്ക് കേന്ദ്രഭരണകക്ഷിയുടെ ഓശാരമില്ലാത്ത സ്വന്തം മണ്ഡലത്തില്‍  അഞ്ചു കോടിയുടെ വികസനപദ്ധതികള്‍ നടപ്പാക്കാം. അതിനു കേന്ദ്ര ഉദ്യോഗസ്ഥരുടെയും കാലുപിടിക്കേണ്ട. 1993-ല്‍ പദ്ധതി നടപ്പാക്കിയ യു.പി.എ മന്ത്രിമാര്‍ക്ക് ഇതെല്ലാം നല്ല കാര്യങ്ങളായാണ് തോന്നിയത്. എല്ലാവര്‍ക്കും അങ്ങനെ തോന്നണമെന്നില്ലല്ലോ. 

ഇനി ഇതല്ല സംഭവിക്കാന്‍ പോകുന്നത്. എം. പി ഫണ്ട്് പദ്ധതി വേഷം മാറി, പേരു മാറി പുതിയ രൂപത്തില്‍ വരും. പ്രധാനമന്ത്രി കൊറോണ നിര്‍മാര്‍ജന്‍ പദ്ധതി എന്നോ മറ്റോ ആയിക്കൊള്ളട്ടെ പേര്. പ്രദേശത്തെ ജനങ്ങള്‍ പദ്ധതികള്‍ നിര്‍ദ്ദേശിക്കും എന്നായിരിക്കും ആദ്യം കേള്‍ക്കുക. പക്ഷേ, ഏതു വേണം ഏതു വേണ്ട എന്നു തീരുമാനിക്കുക കേന്ദ്രസര്‍ക്കാര്‍ ആയിരിക്കും. അതിനുവേണ്ടി ഒരു ഉപദേശകസമിതി ഉണ്ടാക്കാം. അതില്‍ എല്ലാ പാര്‍ട്ടിക്കാരെയും വെക്കാം. എന്നു വെച്ചാല്‍, എം.പി ആരായാലും എല്ലാ മണ്ഡലത്തിലെയും പദ്ധതി തീരുമാനിക്കുന്നത് കേന്ദ്രഭരണകക്ഷി ആയിരിക്കും എന്നര്‍ത്ഥം. മോദിവിരുദ്ധനായ എം.പി്‌യക്കും ഉപദേശകസമിതി യോഗത്തില്‍ചെന്നു വായിട്ടലക്കാം. പക്ഷേ, പാര്‍ട്ടി തീരുമാനമനുസരിച്ച് കേന്ദ്രസര്‍ക്കാര്‍ പദ്ധതി പ്രഖ്യാപിക്കും. എപ്പടി?

നമുക്ക് കാത്തിരിക്കാം. ഇനി ഏതു ചില്ലറ പദ്ധതിക്കു വേണ്ടിയും കക്ഷിഭേദമന്യേ എല്ലാ ജനപ്രതിനിധികളും കേന്ദ്രത്തിലെ ഭരണാധികാരികളുടെ മുന്നില്‍ കൈനീട്ടി നില്‍ക്കേണ്ടിവരും. എം.പി നിര്‍ദ്ദേശിക്കുന്ന പദ്ധതിയാവില്ല നടപ്പാക്കുക എന്നു മാത്രം. മുമ്പും ജനം പദ്ധതിയൊന്നും അറിയാറില്ലല്ലോ. ഇനി ജനപ്രതിനിധികളും അറിയേണ്ട. എം.പിമാര്‍ക്ക് മുഖ്യപങ്കാളിത്തമുള്ള ഈ കേന്ദ്രപദ്ധതി ഇല്ലാതാക്കിയത് എം.പി മാരോട് ഒരു അക്ഷരം ചോദിക്കാതെയാണ്. ഇതാണ് ജനപ്രാതിനിധ്യത്തിന്റെ കൊറോണ കാല അവസ്ഥ. ആരും ഒന്നും ചോദിക്കില്ല.

മുഖ്യശത്രു ആര്‍
എതിര്‍ക്കാനും വയ്യ, എതിര്‍ക്കാതിരിക്കാനും വയ്യ എന്ന ധര്‍മസങ്കടത്തിലാണ് കേന്ദ്രത്തിലെയും കേരളത്തിലെയും കോണ്‍ഗ്രസ്. കോണ്‍ഗ്രസ്സിന് രണ്ടിടത്തെയും മുഖ്യശത്രു ഒന്നല്ല, രണ്ടാണ് .ഇടതുപക്ഷത്തിന്റെയും  ദേശീയ മുഖ്യശത്രു ബി.ജെ.പി തന്നെ. അപ്പോള്‍ ഇടതുപക്ഷത്തിന്റെയും കോണ്‍ഗ്രസ്സിന്റെയും കേരളത്തിലെ മുഖ്യശത്രു ആര് എന്നു ചോദിച്ചാല്‍ ഇരുപാര്‍ട്ടികളും മറുപടി തരില്ല. അത് ആലോചിച്ചേ പറയാന്‍ പറ്റൂ. ആലോചന തുടങ്ങിയിട്ട് കാലം കുറച്ചായി.

സംസ്ഥാന ഭരണകക്ഷിയായ ഇടതുപക്ഷത്തോട് എത്രത്തോളം ശത്രുത ആവാം, എത്രത്തോളം മൈത്രി ആകാം? ഈ ചോദ്യം കോണ്‍ഗ്രസ്സിനെ ആകെ പൊല്ലാപ്പിലാക്കിയിരിക്കുന്നു. കൊറോണ ആണ് മുഖ്യശത്രു. അക്കാര്യത്തില്‍ സംശയമില്ല. കൊറോണയെ നേരിടുന്ന കാര്യത്തില്‍ ഇടതുപക്ഷ സര്‍ക്കാറിനോട് മൈത്രി വേണ്ടേ? രമേശ് ചെന്നിത്തലയ്ക്ക്് ഇത് വലിയ പ്രശ്‌നമല്ല. ഇടയ്ക്ക് പിണറായിയെ സ്തുതിക്കാനും വിരോധമില്ല. പക്ഷേ, മുല്ലപ്പള്ളിക്ക് അതു വയ്യ. കണ്ണൂരില്‍ സി.പി.എമ്മിനെ നിരന്തരം തോല്പിച്ചതാണ് പിണറായിയുടെ മുല്ലപ്പള്ളിവൈരത്തിനു കാരണം എന്നാണ് ചെന്നിത്തല ധരിച്ചിരിക്കുന്നത്. ശരിയല്ല. കഴിഞ്ഞ ജന്മത്തില്‍ത്തന്നെ പിണറായി-മുല്ലപ്പള്ളി വൈരം ഉണ്ടെന്നാണത്രെ ജാതകത്തില്‍ കാണുന്നത്. പത്തു കൊറോണ വന്നാലും അതു തീരില്ല. ആരോ ഇതിനിടയില്‍ ജാതി പറഞ്ഞു, അച്ഛനെ പറഞ്ഞു എന്നൊക്കെ പ്രചാരമുണ്ട്. ജാതിയോ അച്ഛനോ അല്ല, രാഷ്ട്രീയം തന്നെയാണ് പ്രശ്‌നം. അതു അച്ഛന്മാരുടെ കാലത്തേ ഉണ്ടെന്നു മാത്രം.

ഇതിനിടയില്‍ ബി.ജെ.പി പ്രസിഡന്റ് കെ.സുരേന്ദ്രന്‍ ഒന്നു ഡീസന്റാകാന്‍ നോക്കിയതും പൊല്ലാപ്പായി. എല്ലാ ദിവസവും രാവിലെ പത്തു മണിക്ക് പ്രസ് ക്ലബ്ബില്‍വന്ന് മുഖ്യമന്ത്രിയെ ചീത്തപറയലല്ല തന്റെ പണി എന്ന് അദ്ദേഹം നയംവ്യക്തമാക്കിയിരുന്നു. അത്, മുഖ്യമന്ത്രി സുരേന്ദ്രനോട് തിരുവനന്തപുരം യാത്ര വിവാദത്തില്‍ കാട്ടിയ സന്മനസ്സിനുള്ള പ്രതിഫലമാണെന്നു വരെ ശത്രുക്കള്‍ പറഞ്ഞുകളഞ്ഞു! ആരാണ് ശത്രക്കളെന്നോ?മുഖ്യശത്രുക്കളെ തിരയാന്‍ വേറെങ്ങും പോകേണ്ട, അവരെല്ലാം പാര്‍ട്ടിക്കകത്തുതന്നെയുണ്ട്.

മുനയമ്പ്
ദുരിതക്കയത്തില്‍ ഉഴലുന്നവര്‍ക്ക് ഭക്ഷണവും റേഷനും വിതരണം ചെയ്യുന്നത് ക്യാമറയില്‍ പകര്‍ത്തി പ്രചാരണോപാധിയാക്കുന്നതിന് എതിരെ രാജസ്ഥാന്‍ സര്‍ക്കാര്‍. ഈ സമയത്തുള്ള ഫോട്ടോഗ്രാഫി രാജസ്ഥാനിലെങ്ങും നിരോധിച്ചതായും വാര്‍ത്ത.

രാജസ്ഥാനില്‍ ഇതാവാം. കേരളത്തില്‍ ഇതു തടയാന്‍ ദുരിതാശ്വാസംതന്നെ നിരോധിക്കേണ്ടിവരും. 




Friday, 10 April 2020

വര്‍ഗീയാക്രമണങ്ങളെ മാധ്യമങ്ങള്‍ കൈകാര്യം ചെയ്ത വിധം









വര്‍ഗീയാക്രമണങ്ങള്‍ 2002-ല്‍ ഗുജറാത്തില്‍ ചോരപ്പുഴയൊഴുക്കിയപ്പോഴാണ് ആദ്യമായി ഒരു സംസ്ഥാന സര്‍ക്കാര്‍ ടെലിവിഷന്‍ റിപ്പോര്‍ട്ടിങിനു മേല്‍ നിരോധനം ഏര്‍പ്പെടുത്താന്‍ മുതിര്‍ന്നത്. അന്നു നരേന്ദ്ര മോദി ആയിരുന്നു ഗുജറാത്ത് മുഖ്യമന്ത്രി.

വര്‍ഗീയാക്രമണങ്ങള്‍ കൊടുമ്പിരി കൊള്ളുകയും അഹമ്മദാബാദില്‍ മുസ്ലിം കോളനികളില്‍ ചോരപ്പുഴയൊഴുകുകയും ചെയ്തപ്പോള്‍ സര്‍ക്കാര്‍ തിരക്കിട്ടു ചെയ്ത ഒരു കാര്യം സ്റ്റാര്‍ ന്യൂസ്, സീ ന്യൂസ്, സി.എന്‍.എന്‍, ആജ്തക് തുടങ്ങിയ ചാനലുകള്‍ വീടുകളില്‍ കാണുന്നില്ല എന്ന് ഉറപ്പുവരുത്തണമെന്ന് കേബ്ള്‍ വിതരണക്കാര്‍ക്ക് ഉത്തരവ് നല്‍കുകയായിരുന്നു. അത് ദൃശ്യമാധ്യമങ്ങള്‍ നടത്തിയ ആദ്യത്തെ വര്‍ഗീയകലാപ റിപ്പോര്‍ട്ടിങ് ആയിരുന്നു, റിപ്പോര്‍ട്ടിങ്ങിന്റെ നിരോധനവും ആയിരുന്നു. അതിന്റെ പേരില്‍ ദേശീയ ദൃശ്യമാധ്യമങ്ങള്‍ക്കു ഹിന്ദുസംഘടനകളില്‍ നിന്നുണ്ടായ അധിക്ഷേപത്തിന്റെയും ശത്രുതയുടെയും തീ ഇന്നും അണഞ്ഞിട്ടില്ല.

ഹിന്ദുത്വ സംഘടനകളുടെ അപ്രീതിക്കും ക്രോധത്തിനും മതിയായ കാരണങ്ങളുണ്ട്. മുന്‍കാല കലാപ റിപ്പോര്‍ട്ടിങ്ങുകളില്‍നിന്നുള്ള അവിശ്വസനീയമായ ഒരു വ്യതിയാനമായിരുന്നു മുകളില്‍ പേരെടുത്തു പറഞ്ഞ ദേശീയ ഇംഗ്ലീഷ് ചാനലുകളുടെ ഗുജറാത്ത് കലാപ റിപ്പോര്‍ട്ടിങ്ങ്. അതിനു മുന്‍പുള്ള കാലത്ത്, പത്രങ്ങളുടെ വര്‍ഗീയാക്രമണ റിപ്പോര്‍ട്ടിങ്ങ് അക്രമികളെ തുറന്നുകാട്ടാനോ വര്‍ഗീയഭ്രാന്തിനെതിരെ ജനവികാരമുണര്‍ത്താനോ ഒരിക്കലും പര്യാപ്തമാകാറില്ല. അതുകൊണ്ടുതന്നെ, ഭൂരിപക്ഷ മതവര്‍ഗീയവാദികള്‍ക്ക് ആ റിപ്പോര്‍ട്ടിങ്ങില്‍ ഒട്ടും അപ്രിയം ഉണ്ടാകാറുമില്ല. കാരണം,  ആക്രമിക്കപ്പെട്ടവരെയോ ആക്രമിക്കുന്നവരെയോ പത്രങ്ങള്‍ മതംതിരിച്ച് രേഖപ്പെടുത്താറില്ല. മരിച്ചവര്‍ ഏതു മതക്കാര്‍ എന്നു നോക്കാറില്ല, ഏതുവിഭാഗമാണ് കൂട്ടക്കൊലകള്‍ നടത്തിയത് എന്നു ചൂണ്ടിക്കാട്ടാറില്ല. ഇത്ര ആരാധനാലയങ്ങള്‍ കത്തിച്ചു, ഇത്രപേര്‍ കൊല്ലപ്പെട്ടു, ഇത്ര കെട്ടിടങ്ങള്‍ തകര്‍ക്കപ്പെട്ടു, ഇത്ര പേര്‍ അഭയാര്‍ത്ഥിക്യാമ്പുകളില്‍ അഭയം തേടി..... എന്നിങ്ങനെ പോയി നിഷ്പക്ഷ മുഖ്യധാരാ മാധ്യമറിപ്പോര്‍ട്ടിങ്ങ്.

വര്‍ഗീയാക്രമണങ്ങള്‍ എങ്ങനെ റിപ്പോര്‍ട്ട് ചെയ്യണം എന്ന് സര്‍ക്കാര്‍ നിര്‍ദ്ദേശിക്കാറില്ല മുമ്പും. പക്ഷേ, നിരവധി അന്വേഷണക്കമ്മീഷണുകളുടെയും കോടതികളുടെയും മറ്റും നിര്‍ദ്ദേശങ്ങള്‍ പരിഗണിച്ച് പ്രസ് കൗണ്‍സില്‍ ഓഫ് ഇന്ത്യ ഇക്കാര്യത്തില്‍ ചില മാര്‍ഗനിര്‍ദ്ദേശകതത്ത്വങ്ങള്‍ക്കു രൂപം നല്‍കിയിരുന്നു. അതനുസരിച്ച് അക്രമികളുടെയും ആക്രമണത്തിന് ഇരയായവരുടെയും മതം എടുത്തു പറയരുത് എന്നൊരു ചട്ടം പത്രങ്ങള്‍ പിന്തുടര്‍ന്നു പോന്നു. ജനവികാരം ആളിക്കത്താനും കൂടുതല്‍ അക്രമങ്ങള്‍ പൊട്ടിപ്പുറപ്പെടാനും റിപ്പോര്‍ട്ടിങ്ങ് പ്രകോപനമാകരുത് എന്ന സദുദ്ദേശമേ ഇതിനു പിന്നിലുണ്ടായിരുന്നുള്ളൂ. എങ്കിലും, അതല്ല സംഭവിച്ചത്. സ്വാതന്ത്ര്യത്തിനു ശേഷമുള്ള വര്‍ഗീയകലാപങ്ങള്‍ രണ്ടു തുല്യശക്തികള്‍ തമ്മിലുള്ള ഏറ്റുമുട്ടലായിരുന്നില്ല. ഏതാണ്ട് എല്ലാം ഭൂരിപക്ഷ വര്‍ഗീയത ന്യൂനപക്ഷങ്ങള്‍ക്കെതിരെ നടത്തിയ പകപോക്കലുകളായിരുന്നു. പലപ്പോഴും ചില്ലറ പ്രകോപനങ്ങള്‍ അവര്‍ ഇതിനായി ഉണ്ടാക്കിക്കൊടുക്കാറുണ്ടെങ്കിലും. മാധ്യമങ്ങള്‍ പൊതുവെ വര്‍ഗീയവാദികളെ പിന്താങ്ങുകയോ പ്രോത്സാഹിപ്പിക്കുകയോ ചെയ്യാറില്ലെങ്കിലും അക്രമികളെ തുറന്നുകാട്ടാറുമില്ല. സമാധാനത്തിനു വേണ്ടി മുറവിളി കൂട്ടാറുണ്ടുതാനും.

ഹിന്ദുത്വസംഘടനകള്‍ നേരിട്ട് നേതൃത്വം നല്‍കാതെതന്നെ ഹിന്ദുക്കള്‍ ന്യനപക്ഷമതക്കാര്‍ക്കെതിരെ നടത്തിയ ആദ്യത്തെയും, ഒരുപക്ഷേ അവസാനത്തെയും വര്‍ഗീയാക്രമണമാണ് 1984-ല്‍ പ്രധാനമന്ത്രി ഇന്ദിരാഗാന്ധിയുടെ വധത്തെത്തുടര്‍ന്ന് സിഖുകാര്‍ക്കെതിരെ ഡല്‍ഹിയിലും പരിസരത്തും നടന്നത്. ആയിരങ്ങളാണ് കൂട്ടക്കൊലകളില്‍ വെന്തുവെണ്ണീറായത്. ഗാന്ധിയന്മാരായ കോണ്‍ഗ്രസ്സുകാരാണ് എല്ലാറ്റിലും പ്രതികളായത്. പല നേതാക്കളും ശിക്ഷിക്കപ്പെട്ടു. വന്‍മരം നിലംപതിച്ചപ്പോള്‍ ഉണ്ടായ മണ്ണിളക്കം മാത്രമായി ഇതിനെ പ്രധാനമന്ത്രി രാജീവ് ഗാന്ധി ചുരുക്കിക്കാട്ടി. അന്ന് ചാനലുകള്‍ രംഗത്തുവന്നു തുടങ്ങിയിരുന്നു. പക്ഷേ, അവര്‍ ഇന്ദിരാഗാന്ധിയുടെ സംസ്‌കാരച്ചടങ്ങുകളുടെ റിപ്പോര്‍ട്ടിങ്ങില്‍ മാത്രമാണ് ശ്രദ്ധ കേന്ദ്രീകരിച്ചത്. കൂട്ടക്കൊലകളൊന്നും ടെലിവിഷനുകളിലൂടെ വീടുകളുടെ സ്വീകരണമുറികളിലെത്തിയില്ല. ഇന്ദിരാഗാന്ധിയുടെ കൊലപാതകം വരെ സിഖ് തീവ്രവാദികള്‍ നടത്തിപ്പോന്ന എല്ലാ അക്രമങ്ങളുടെയും കൊലകളുടെയും ശിക്ഷ നിരപരാധികളായ സാധാരണ സിഖുകാര്‍ ഏറ്റുവാങ്ങേണ്ടിവന്നു.

 കലാപ റിപ്പോര്‍ട്ടിങ് കാര്യത്തില്‍ പത്രങ്ങള്‍ സ്വീകരിച്ചുപോന്ന കീഴ്‌വഴക്കങ്ങള്‍ 2002-ല്‍ ദൃശ്യമാധ്യമങ്ങള്‍ ലംഘിച്ചു.  ഗുജറാത്തില്‍ മുസ്ലിം, ഹിന്ദു എന്നു പേരെടുത്തു പറഞ്ഞുതന്നെയാണ് കൂട്ടക്കൊലകളും തീവെപ്പുകളും ന്യൂഡല്‍ഹി ആസ്ഥാനമായുള്ള ഇംഗ്‌ളീഷ് ചാനലുകള്‍ റിപ്പോര്‍ട്ട് ചെയ്തത്. തീര്‍ത്തും നിഷ്പക്ഷമായാണ് തങ്ങള്‍ റിപ്പോര്‍ട്ട് ചെയ്തത് എന്ന് ആ ചാനലുകള്‍ അവകാശപ്പെട്ടിരുന്നു. പക്ഷേ, ഗോധ്രയ്ക്കു ശേഷമുള്ള പ്രതികാര കൂട്ടക്കൊലകളും അഗ്നിപ്രളയവും മുസ്ലിങ്ങള്‍ക്കെതിരെ ആണല്ലോ നടന്നത്. അത് അതേപടി റിപ്പോര്‍ട്ട് ചെയ്തത് ഹിന്ദുത്വസംഘടനകളില്‍ ക്രോധം വളര്‍ത്തി. കാരണം, ഗോധ്ര കൂട്ടേെക്കാലയ്ക്കുള്ള ഹിന്ദുത്വ പ്രതികാരമായിരുന്നല്ലോ മാസങ്ങളോളം നടന്ന ഗുജറാത്ത് കലാപം. വിദ്വേഷപ്രചാരണങ്ങളുടെയും വര്‍ഗീയാക്രമണ അജന്‍ഡകളുടെയും തനിസ്വഭാവം രാജ്ദീപ് സര്‍ദേശായിയെയും ബര്‍ഖ ദത്തിനെയും പോലുള്ളവര്‍ തുറന്നുകാട്ടി. ഗോധ്രയില്‍ തീവണ്ടിക്കു തീയിട്ട് ഹിന്ദുക്കളെ കൂട്ടമായി കൊന്നത് അവര്‍ ഈവിധം റിപ്പോര്‍ട്ട് ചെയ്തിരുന്നില്ല എന്നു വികാരപൂര്‍വും പ്രചരിപ്പിക്കപ്പെട്ടു. പട്ടാപ്പകല്‍ ക്യാമറകള്‍ക്കു മുന്നില്‍ നടന്ന ആക്രമണങ്ങളും ഇരുളില്‍ ആരോ തീയിട്ട് പിന്‍വലിഞ്ഞുണ്ടാക്കിയ തീവണ്ടി സ്‌ഫോടനവും ഒരു പോലെ റിപ്പോര്‍ട്ട് ചെയ്യാനാവില്ല എന്ന പരിമിതി ഉണ്ടായിട്ടും മരണമടഞ്ഞ കര്‍സേവകര്‍ക്ക് അര്‍ഹമായ പരിഗണനയും അവരെക്കുറിച്ച് മതിയായ വിവരങ്ങളും ചാനലുകള്‍ നല്‍കിയിരുന്നു എന്ന് വിശദീകരിക്കപ്പെട്ടുവെങ്കിലും അതൊന്നും വിലപ്പോയില്ല.

പത്രങ്ങള്‍ക്കു മാത്രമായി ഉള്ള സ്ഥാപനമാണ് പ്രസ് കൗണ്‍സില്‍ ഓഫ് ഇന്ത്യ. ദൃശ്യമാധ്യമങ്ങളുടെ കാര്യത്തില്‍ പ്രസ് കൗണ്‍സില്‍ ഓഫ് ഇന്ത്യ ഇടപെടാറില്ല. ദൃശ്യമാധ്യമങ്ങള്‍ക്കു മാര്‍ഗനിര്‍ദ്ദേശം നല്‍കാനോ അവയെ നിയന്ത്രിക്കാനോ സ്ഥാപനങ്ങളോ സംവിധാനമോ ഇല്ല. ചാനലുകള്‍ക്കും അച്ചടിമാധ്യമങ്ങള്‍ക്കും ഓണ്‍ലൈന്‍ മാധ്യനങ്ങള്‍ക്കും ഒരുപോലെ ബാധകമായ പൊതുനിയമമോ പെരുമാറ്റച്ചട്ടമോ വ്യവസ്ഥകളോ ആവശ്യമില്ലേ എന്ന ചോദ്യം ഉയരാറുണ്ടെങ്കിലും അഭിപ്രായസമന്വയം ഉണ്ടായിട്ടില്ല. ചാനലുകള്‍ക്കെതിരെ ഏകപക്ഷീയമായി, ഒരു വിശദീകരണം പോലും ചോദിക്കാതെ ശിക്ഷാനടപടിയെടുക്കാന്‍ 1994-ലെ ദ് കേബ്ള്‍ ടെലിവിഷന്‍ നെറ്റ് വര്‍ക്‌സ് റൂള്‍സ് അധികാരം നല്‍കുന്നതു കൊണ്ട് കേന്ദ്രസര്‍ക്കാറിനു ചാനലുകളുടെ കാര്യത്തില്‍ ഇഷ്ടം പോലെ ചെയ്യാം എന്ന നില ഉണ്ടാക്കിയിട്ടുണ്ട്. അച്ചടിമാധ്യമങ്ങളുടെ കാര്യത്തില്‍ എടുക്കാന്‍ മടിക്കുന്ന ശിക്ഷാനടപടികള്‍ ദൃശ്യമാധ്യമങ്ങള്‍ക്കെതിരെ മടി കൂടാതെ പ്രയോഗിക്കുന്നതാണ് ഏഷ്യാനെറ്റ് ന്യൂസ്, മീഡിയവണ്‍ കാര്യത്തില്‍ നാം കണ്ടത്.   .

ഗുജറാത്ത് വര്‍ഗീയാക്രമണ റിപ്പോര്‍ട്ടിങ് സംബന്ധിച്ച് സംഘപരിവാര്‍ പ്രസ്ഥാനങ്ങള്‍ക്കു ഡല്‍ഹി കേന്ദ്രമായുള്ള ദൃശ്യമാധ്യമങ്ങളെക്കുറിച്ചേ പരാതി ഉണ്ടായിരുന്നുള്ളു. ഗുജറാത്ത് പത്രങ്ങളെക്കുറിച്ച് അവര്‍ക്ക് ഒരു പരാതിയും ഉണ്ടായിരുന്നില്ല. കാരണം, അവ ഹിന്ദു പക്ഷത്ത് ഉറച്ചുനിന്നിരുന്നു. സന്ദേശ്, ഗുജറാത്ത് സമാചാര്‍ തുടങ്ങിയ പത്രങ്ങള്‍ മുസ്ലിംകൂട്ടക്കൊലകളെ പിന്തുണയ്ക്കുക തന്നെ  ചെയ്തു. വര്‍ഗീയവിദ്വേഷ പ്രചാരണത്തില്‍ അവരൊട്ടും അറച്ചുനിന്നില്ല. വ്യക്തമായ നിയമവ്യവസ്ഥകളൊക്കെ ഉണ്ടെങ്കിലും ഗുജറാത്ത് സര്‍ക്കാര്‍ അവര്‍ക്കെതിരെ ഒരു നടപടിയും സ്വീകരിച്ചില്ല എന്നു മാത്രമല്ല, അവരുടെ സേവനങ്ങളെ പ്രകീര്‍ത്തിച്ചുകൊണ്ട് ഗുജറാത്ത് മുഖ്യമന്ത്രി നരേന്ദ്ര മോദി അവയുടെ പത്രാധിപന്മാര്‍ക്ക് ഒപ്പുവെച്ച അഭിനന്ദനക്കത്തുകള്‍ അയച്ചുകൊടുക്കുകയാണ് ചെയതത്. ഹിന്ദുത്വപക്ഷത്തുനിന്ന്് കലാപത്തെ പ്രോത്സാഹിപ്പിച്ച പത്രങ്ങള്‍ക്ക് അഭിനന്ദനം, മതനിരപേക്ഷപക്ഷത്ത് നിലയിറപ്പിച്ച് കൊലയാളികളെ തുറന്നുകാട്ടിയ ചാനലുകള്‍ക്കു ശിക്ഷ!

ഭൂരിപക്ഷാധിപത്യ രാഷ്ട്രീയം എത്ര വേഗത്തിലാണ് ശക്തി പ്രാപിക്കുക എന്ന് ഗുജറാത്ത് കലാപം വ്യക്തമായി കാട്ടിത്തന്നു. കലാപം കഴിയുമ്പോഴേക്ക് ഗുജറാത്ത് സമാചാര്‍,സന്ദേശ് പത്രങ്ങളുടെ സര്‍ക്കുലേഷന്‍ കുതിച്ചുയര്‍ന്നു. ഏറ്റവും പ്രചാരമുള്ള ഈ രണ്ടു പത്രങ്ങള്‍ തമ്മില്‍ എത്രത്തോളം വര്‍ഗീയവിദ്വേഷപ്രചാരണം നടത്താം എന്ന കാര്യത്തില്‍ കടുത്ത മത്സരം തന്നെ നടക്കുകയായിരുന്നു. 'രക്തം കൊണ്ടു പ്രതികാരം ചെയ്യാന്‍' ഹിന്ദുക്കളോട് തുറന്നു ആഹ്വാനം ചെയ്ത സന്ദേശ് പത്രത്തിന്റെ പ്രചാരം ഒന്നര ലക്ഷം വര്‍ദ്ധിച്ചു. പ്രകോപനത്തിന്റെ കാര്യത്തില്‍ അല്പമൊന്നു  മടിച്ചുനിന്ന ഗുജറാത്ത് സമാചാര്‍ പത്രത്തിന്റെ പ്രചാരവര്‍ദ്ധനയും മടിച്ചുനിന്നു. തീര്‍ച്ചയായും, എഡിറ്റേഴ്‌സ് ഗില്‍ഡും പ്രസ് കൗണ്‍സിലുമെല്ലാം ഈ പത്രങ്ങളെ ശക്തമായ ഭാഷയില്‍ വിമര്‍ശിച്ചിരുന്നു. പക്ഷേ, അതൊന്നും ഈ പത്രങ്ങള്‍ ഗൗനിച്ചില്ല. അവരുടെ വായനക്കാര്‍ അത്രയും ഗൗനിച്ചുകാണില്ല.

ഈ പഴയ കാര്യങ്ങള്‍ ഇപ്പോള്‍ ഓര്‍മയില്‍ വന്നത് പൗരത്വനിയമത്തിനെതിലായി നടന്നുവന്ന പ്രക്ഷോഭത്തെ അടിച്ചമര്‍ത്താന്‍ ഡല്‍ഹിയില്‍ ഹിന്ദുത്വപക്ഷം തിരികൊളുത്തി വര്‍ഗീയകലാപത്തെത്തുടര്‍ന്നുണ്ടായ ചില മാധ്യമ ശിക്ഷാനടപടികളാണ്. അതിന്റെ വിശദാംശങ്ങളിലേക്കു കടക്കുന്നില്ല. ഏഷ്യാനെറ്റ് ന്യൂസിനും മീഡിയവണിനും എതിരെ രണ്ടു നാളത്തെ സംപ്രേഷണനിരോധനം പ്രഖ്യാപിച്ചത് ഇന്ത്യാ ഗവണ്മെന്റിന്റെ സെക്രട്ടറിയാണ്. ഒരു മാധ്യമറിപ്പോര്‍ട്ടിങ്ങ് ക്രമസമാധാനം തകര്‍ക്കുന്നതാണ് എന്നു തോന്നിയാല്‍ അതു തടയാന്‍ അധികൃതര്‍ക്ക് അധികാരം വേണം എന്ന കാര്യത്തില്‍ സംശയമില്ല. പക്ഷേ, കുറ്റം ചെയ്തതായി ആക്ഷേപിച്ച് വിശദീകരണം ചോദിച്ച ഉദ്യോഗസ്ഥന്‍ തന്നെ വിധികര്‍ത്താവായി മാധ്യമത്തെ ശിക്ഷിക്കുന്നത് കടുത്ത മാധ്യമസ്വാതന്ത്ര്യ ലംഘനമായിട്ടും അക്കാര്യം ഇന്ത്യന്‍ മാധ്യമലോകം ഗൗരവപൂര്‍വം കൈകാര്യം ചെയ്തില്ല എന്നത് ആശങ്കയുണര്‍ത്തുന്നു. ഡല്‍ഹി കലാപത്തിന്റെ റിപ്പോര്‍ട്ടിങ്ങ് നടത്തിയ അനേകമനേകം ചാനലുകളില്‍നിന്നു രണ്ടു മലയാളി ചാനലുകളെ മാത്രം ശിക്ഷിച്ചത് മലയാളമാധ്യമലോകത്തെ തെല്ലുപോലും അലോസരപ്പെടുത്തിയില്ല എന്നത് അതിലേറെ ആശങ്കാജനകമാണ്. ബി.ജെ.പി നേതൃത്വത്തിലുള്ള ഒരാളുടെ ഉടമസ്ഥതയിലുള്ള സ്ഥാപനമാണ് ഏഷ്യനെറ്റ് ന്യൂസ് എന്ന ഒറ്റക്കാരണത്താലാണ് ശിക്ഷ വഴിക്കു വെച്ച് റദ്ദാക്കപ്പെട്ടത്. ബി.ജെ.പി നേതൃത്വത്തിലുള്ള കേന്ദ്രസര്‍ക്കാര്‍ ഇക്കാര്യത്തില്‍ മാന്യമായ മാധ്യമനയം അല്ല ഇക്കാര്യത്തില്‍ തുടക്കം മുതല്‍ സ്വീകരിച്ചുപോന്നിരുന്നത് എന്ന് തല്‍ക്കാലം കെട്ടടങ്ങിയ വിവാദത്തിനിടയില്‍ നാം മറന്നുകൂടാ.

പാഠഭേദം ഏപ്രില്‍ 2020


Tuesday, 7 April 2020

പുതിയ പിണറായി അവതാരം




മുഖ്യമന്ത്രിയെ പരിഹസിക്കുകയാണ് എന്നു ധരിക്കരുത്. അതല്ല ഉദ്ദേശ്യം. കൊറോണ കൊണ്ട്  കേരളത്തിനുണ്ടായ ഉപ്രയോജനങ്ങള്‍ എന്നൊരു ഉപന്യാസം എഴുതേണ്ടി വരികയാണെങ്കില്‍ അതില്‍ പ്രാധാന്യമുള്ള സ്ഥാനത്തുണ്ടാവുക നമ്മുടെ മുഖ്യമന്ത്രി പിണറായി വിജയന് രണ്ടാഴ്ചക്കിടയില്‍ ഉണ്ടായ അവിശ്വസനീയമായ ഭാവാന്തരമാണ്. ഇതു വിജയേട്ടന്‍ തന്നെയോ എന്നു പിണറായി പ്രദേശത്തുകാര്‍പോലും ചോദിച്ചുപോകുന്ന നല്ല നടപ്പുശീലം. എന്തതിശയമേ.....

ഇപ്പോഴദ്ദേഹത്തിനു ശത്രുക്കളില്ല. മിത്രങ്ങളേ ഉള്ളൂ. എതിരാളികളില്ല,സഹായം നല്‍കേണ്ടവരേ ഉള്ളൂ. വിമര്‍ശനമില്ല,പരിഹാസമില്ല..പരിഗണനയേ ഉള്ളൂ.

കൊറോണ ഇല്ലാത്ത സമയത്ത് വേറെ എന്തെങ്കിലും കാര്യത്തിന് പ്രധാനമന്ത്രി ജനങ്ങളോട് രാത്രി തട്ടിന്‍പുറത്ത് കയറിനിന്ന് കിണ്ണം കിണ്ണത്തിന്മേല്‍ അടിച്ച് ശബ്ദമുണ്ടാക്കാനോ ഇലക്്ട്രിക് ലൈറ്റ് അണച്ച്  മണ്ണെണ്ണ വിളക്ക് തെളിയിക്കാനോ ആഹ്വാനം ചെയ്തിരുന്നുവെങ്കില്‍ എന്താകുമായിരുന്നു പിണറായിയുടെ പ്രതികരണം എന്നു സങ്കല്‍പ്പിക്കാന്‍ പ്രയാസമൊന്നുമില്ല. മോദി പ്രധാനമന്ത്രിയുടെ പണിയെടുക്കണം, തപ്പു കൊട്ടിക്കാനും വിളക്ക് കൊളുത്തിക്കാനുമൊക്കെ ഇവിടെ വേറെ ആളണ്ടെന്നെങ്കിലും മിനിമം പറയുമായിരുന്നു.  ഇപ്പോള്‍ അതൊന്നും ഉണ്ടായില്ല. വിളക്കു കൊളുത്തുന്നത് നല്ലതല്ലേ എന്നായിരുന്നു പ്രതികരണം. മുഖ്യമന്ത്രിയുടെ താമസസ്ഥലത്ത് വിളക്ക് അണക്കുകയും വിളക്ക് കത്തിക്കുകയും ചെയ്തു. ഇന്നത്തെ അവസ്ഥയ്ക്ക് നട്ടുച്ചക്ക് വിളക്കു കൊളുത്തണമെന്ന് മോദിജി പറഞ്ഞാലും പിണറായിജി മാത്രമല്ല നമ്മളും എതിരു പറയുമായിരുന്നില്ലല്ലോ.

പിണറായി വിജയന്‍ മുഖ്യമന്ത്രിയാണ്, അദ്ദേഹം പറഞ്ഞോട്ടെ, പക്ഷേ പാര്‍ട്ടി പറയാനുള്ളത് പാര്‍ട്ടി പറയേണ്ടേ എന്നു ചില സഖാക്കള്‍ ഗൗരവമായിത്തന്നെ ചോദിക്കുന്നുണ്ട്. പൊളിറ്റ് ബ്യൂറോ എന്തോ പറഞ്ഞെന്നു വരുത്തി. ഇവിടെ പാര്‍ട്ടി കാര്യമായൊന്നും പ്രതികരിച്ചതേ ഇല്ല. പത്തു വര്‍ഷം മുമ്പായിരുന്നുവെങ്കില്‍ ഇതാകുമായിരുന്നോ അവസ്ഥ. അതും പോകട്ടെ, പിണറായിയായിരുന്നു  പാര്‍ട്ടി സെക്രട്ടറി എങ്കില്‍ ഇങ്ങനെ പറയാന്‍ പാര്‍ട്ടി മുഖ്യമന്ത്രിയെ അനുവദിക്കുമായിരുന്നോ എന്നും ചോദ്യമുണ്ട്. ഉത്തരം തിരഞ്ഞ് അകലെയൊന്നും പോകേണ്ട. ഇവിടെ അങ്ങനെ പാര്‍ട്ടി സിക്രട്ടറിയും മുഖ്യമന്ത്രിയുമൊന്നും വെവ്വേറെ ഇല്ല. മുഖ്യമന്ത്രിയേ ഉള്ളൂ.....അതുതന്നെ സിക്രട്ടറിയും. 

അതു പോകട്ടെ. പിണറായിയുടെ നന്മയില്‍ ഗോപാലന്‍ പ്രവര്‍ത്തികള്‍ തുടര്‍ന്നും ആഹ്ലാദപൂര്‍വം അവലോകനം ചെയ്യാം. ശശി തരൂര്‍ ആഗോളപ്രശസ്ത എഴുത്തുകാരനും ബുദ്ധിജീവിയും തന്ത്രജ്ഞനുമൊക്കെ ആയിരുന്നെങ്കിലും പിണറായിക്കെന്നല്ല സി.പി.എമ്മിനു തന്നെ കണ്ണിന് കണ്ണ് കണ്ടുകൂടാത്ത ആളായിരുന്നു. ഐക്യരാഷ്ട്രസഭയുടെ സിക്രട്ടറി ജനറലാകാന്‍ രാജ്യം നിയോഗിച്ച ആളായിരുന്നു എന്ന് ഇന്ന് ആര്‍ ഓര്‍ക്കുന്നു. കേരളത്തിന്റെ തലസ്ഥാനമണ്ഡലത്തില്‍നിന്നു മൂന്നാം വട്ടം ഇടതുപക്ഷത്തെ മൂന്നാം സ്ഥാനത്താക്കി ലോക്‌സഭയിലേക്കു പോയ വെറുമൊരു കോണ്‍ഗ്രസ്സുകാരന്‍ മാത്രമാണിന്ന് തരൂര്‍. ആ തരൂര്‍ കേരളത്തിലെ കൊറോണ പ്രതിരോധത്തിന് ശ്രദ്ധേയമായ സഹായങ്ങള്‍ ചെയ്തപ്പോള്‍ പിണറായി പ്രശംസയില്‍ ഒട്ടും പിശുക്കു കാട്ടിയില്ല.

അതും പോകട്ടെ, ബി.ജെ.പിയുടെ സംസ്ഥാന പ്രസിഡന്റിനെ ഒരു വിവാദക്കുരുക്കില്‍ പെടുത്താന്‍ കിട്ടുന്ന ചാന്‍സ് മഹാത്മാഗാന്ധിയായാലും പാഴാക്കുമായിരുന്നില്ല. കോഴിക്കോട്ടു നിന്നു ഡി.ജി.പിയുടെ അനുമതി വാങ്ങി തിരുവനന്തപുരത്തേക്ക് വെച്ചടിച്ച കെ.സൂരേന്ദ്രനെ ചാനലുകള്‍ വളഞ്ഞിട്ട് പിടിച്ചപ്പോഴും പിണറായി പ്രതികരിച്ചില്ല. എല്ലാവരും നിന്നേടത്ത് നില്‍ക്കണം എന്ന പ്രധാനമന്ത്രിയുടെ ആഹ്വാനമാണല്ലോ സുരേന്ദ്രന്‍ ലംഘിച്ചത്. ഡി.ജി.പി അനുമതി കൊടുത്തത് മുഖ്യമന്ത്രിയുടെ അറിവോടെയായിരിക്കും എന്നാര്‍ക്കാണ് ഊഹിക്കാന്‍ പറ്റാത്തത്. എന്തിന് സുരേന്ദ്രന്‍ തിരുവനന്തപുരത്തേക്ക് പറന്നു എന്നൊരുപക്ഷേ പിണറായിക്കും അറിയുമായിരിക്കാം. അത്യടിയന്തരം തന്നെയാവും. ഇനി ആവശ്യം വരുമ്പോള്‍ പിണറായി അതു പുറത്തെടുക്കുമായിരിക്കും. എന്തോ...നാളത്തെ കാര്യം ആര്‍ക്കറിയാം.

ഇങ്ങനെ ഇനിയും പലതു തപ്പിയെടുക്കാം. പക്ഷേ, രണ്ടു കുത്തുവാക്ക് പ്രധാനമന്ത്രി ശരിക്കും അര്‍ഹിക്കുന്ന ഒരു കേസ് ഇടയ്ക്ക് ഉണ്ടായപ്പോഴും പിണറായി അതിവിദഗ്ദ്ധമായി ഒഴിഞ്ഞുമാറിയത്  ഇവിടെ ആര്‍ക്കും അത്ര പിടിച്ചിട്ടില്ല കേട്ടോ. രണ്ടു വര്‍ഷം മുന്‍പ് കടുത്ത പ്രളയത്തില്‍ വശംകെട്ട കേരളത്തിനു വിദേശത്തുനിന്നു ലഭിക്കുമായിരുന്നു വിദേശസഹായം ക്രൂരമായി നിഷേധിക്കപ്പെട്ടിരുന്നു. യു.എ. ഇ തരാമെന്നു പറഞ്ഞ് 700 കോടി രൂപയാണ് നമുക്ക് നഷ്ടപ്പെട്ടത്. ഇവിടെ പണത്തിന് ഒരു പഞ്ഞവുമില്ല, വിദേശികളുടെ മുന്നില്‍ ചെന്നു പിച്ചച്ചട്ടി നീട്ടി രാജ്യത്തിന് അപമാനമുണ്ടാക്കുകയാണ് കേരളം എന്ന ഭാവത്തിലാണ് കേന്ദ്രം അതു നിഷേധിച്ചത്. ഇപ്പോഴിതാ കൊറോണ വന്നപ്പോള്‍ നയം മാറിയിരിക്കുന്നു. കേന്ദ്രസര്‍ക്കാര്‍തന്നെ വിദേശസഹായം തേടാന്‍ ഒരുങ്ങുന്നു. പിണറായിക്ക് അതിലും മോദിയോട് അപ്രിയമില്ല. ഒരു കുത്തുവാക്കു പോലും അദ്ദേഹത്തിന്റെ കൈയില്‍ സ്റ്റോക്കില്ലാതായിപ്പോയി.

ഇതിനെല്ലാം അപ്പുറമാണ് മുഖ്യമന്ത്രിയുടെ വിനയം. മറ്റേതൊരു സംസ്ഥാനത്തേക്കാള്‍ മികച്ച രീതിയില്‍ കേരളം കൊറാളയെ കൂട്ടായ കൈകാര്യം ചെയ്യുന്നുണ്ട്്. അതിനെക്കുറിച്ച് മുഖ്യമന്ത്രി വലിയ അവകാശവാദങ്ങള്‍ ഒന്നും ഉയര്‍ത്തുന്നില്ല. പ്രധാനമന്ത്രിയില്‍ നിന്ന് ഒരു പരിഗണനയും-വാക്കായോ കാശായോ- കിട്ടുന്നില്ല എന്നതില്‍ ഒട്ടു പരിഭവിക്കുന്നുമില്ല. 
കൊറോണക്കാലം ഇനി അധികം നീളാതിരിക്കട്ടെ. നീണ്ടാല്‍ സഖാവ് പിണറായി വിജയന്‍ നിഷ്‌കാമ കര്‍മയോഗി പുരസ്‌കാരം വാങ്ങി, സന്ന്യാസിവേഷത്തില്‍ വീട്ടിലിരിക്കുന്നത് കാണേണ്ടി വന്നേക്കുമോ എന്നൊരു ആശങ്ക. വേറെ പ്രശ്‌നമൊന്നുമില്ല.   

കാസറഗോഡിന്റെ വിധി
പൗരന്മാര്‍ പകല്‍ എന്തുചെയ്യുന്നു എന്നറിയാന്‍ പൊലീസ് ഉടനീളം ഡ്രോണുകള്‍ പറപ്പിച്ച് പരിശോധന നടത്താറുണ്ട് എന്ന് ഏതെങ്കിലും ഏകാധിപത്യ രാജ്യത്തെക്കുറിച്ച് ആരെങ്കിലും എഴുതിയിരുന്നെങ്കില്‍ നമ്മളാരും അതൊട്ടും വിശ്വസിക്കുമായിരുന്നില്ല. ഇന്ന് വീട്ടിനു പുറത്തിറങ്ങിയവര്‍ ഡ്രോണിന്റെ മുഴക്കം കേട്ട് മുണ്ടൂരി മുഖംമറച്ച് പാഞ്ഞ് രക്ഷപ്പെടുകയാണ് ഈ കേരളത്തില്‍. വരുംതലമുറയും തെളിവു കാട്ടിക്കൊടുക്കാതെ ഇതു വിശ്വസിച്ചേക്കില്ല. അതാണ് കൊറോണക്കാലം. പൗരാവകാശമെന്നത് പേരിനു പോലുമില്ല. അങ്ങാടിയില്‍ പോയവരെ പിടിച്ചുനിര്‍ത്തി ഏത്തമിടീക്കാന്‍ പൊലീസ് ഏമാനു ധൈര്യമുണ്ടായി ഈ കേരളത്തില്‍.

എന്നിട്ടാണ് നമ്മള്‍ അയല്‍സംസ്ഥാനത്തെക്കുറിച്ച് പരാതിയുമായി ജുഡീഷ്യറിയെ സമീപിച്ചത്.  കര്‍ണാടക എന്ന അയല്‍ സംസ്ഥാനത്തിലേക്ക് കടക്കാന്‍ കാസറഗോഡുകാര്‍ക്ക് അനുമതിയില്ല. കര്‍ണാടയുടെ നടപടി ഭരണഘടനാവിരുദ്ധമാണെന്നു കോടതി വിധിച്ചിട്ടും കര്‍ണാടകം അത് മൈന്‍ഡ് ചെയ്തിട്ടില്ല. മനുഷ്യര്‍ റോഡിലിറങ്ങാതെ വീട്ടിലിക്കണമെന്നു വ്യവസ്ഥയുള്ള കേരളത്തിന് എങ്ങനെ കര്‍ണാടകയെ ചോദ്യം ചെയ്യാനാവും?  കൊറോണയില്‍ നിന്ന് ജനങ്ങളെ രക്ഷിക്കുന്നതിനു തന്നെയാണ് രണ്ടു സംസ്ഥാനങ്ങളും ഭരണഘടനാവിരുദ്ധ നടപടികള്‍  സ്വീകരിക്കുന്നത്. പറഞ്ഞിട്ട് കാര്യമില്ല. കാസറഗോഡ് എന്ന പേരുതന്നെ കന്നടഭാഷയില്‍ നിന്ന് ഉല്‍ഭവിച്ചതാണെന്നും സംസ്ഥാനരൂപവല്‍ക്കരണം വരെ കാസറഗോഡ് കന്നടയുടെ ഭാഗമായിരുന്നെന്നും കാസറഗോഡിനെ കര്‍ണാടക സംസ്ഥാനത്തിന്റെ ഭാഗമാക്കണമെന്ന ആവശ്യത്തെച്ചൊല്ലി ഏറെ സംഘര്‍ഷങ്ങള്‍ ഉണ്ടായിരുന്നു എന്നുമൊക്കെ ഇന്ന് ആരോര്‍ക്കുന്നു.

എട്ടു വര്‍ഷം മുമ്പ് തുടങ്ങിയ കാസര്‍ഗോഡ് മെഡിക്കല്‍ കോളേജ് നിര്‍മാണം പൂര്‍ത്തിയാകാത്തതല്ലേ കാസര്‍ഗോഡുകാരെ കുഴക്കുന്നതെന്നും അധികമാരുമോര്‍ക്കുന്നില്ല. കാസര്‍ഗോഡ് കേരളത്തിലെ ഏറ്റവും അവഗണിക്കപ്പെട്ട പ്രദേശമാണ്. കര്‍ണാടകത്തിന്റെ ഭാഗമാകാത്തതില്‍ അവര്‍ ഇപ്പോഴും സങ്കടപ്പെടുന്നുണ്ടാവും. അതിനുത്തരം പറയേണ്ടത് കേരളമാണ്, കര്‍ണാടകമല്ല.
(published in Suprabhaatham daily dt 7Apr20)

Tuesday, 31 March 2020

സര്‍ക്കാറിന്റെ മദ്യാസക്തി




മദ്യ ഉപയോക്താക്കളെ കുടിയന്മാര്‍ എന്നു വിളിക്കുകയാണ് നമ്മുടെ പൊതുരീതി. സംസ്ഥാനഭരണകൂടത്തെ പൊതുവെയും ധനവകുപ്പിനെ പ്രത്യേകിച്ചും താങ്ങിനിര്‍ത്തുന്ന ഈ കൂട്ടരെ അവഹേളിക്കാന്‍ പാടില്ല. മദ്യ ഉപയോക്താവ് എന്നേ വിളിക്കാവൂ. മാന്യ മദ്യ ഉപയോക്താവ് എന്നായാലും വിരോധമില്ല. എന്തായാലും, കൊറോണ ബാധിതരോടുള്ള കരുണയേക്കാള്‍ കൂടുമോ മാന്യ മദ്യ ഉപയോക്താക്കളോടുള്ള സംസ്ഥാന സര്‍ക്കാരിന്റെ  കരുണ എന്നൊരു സംശയം പലര്‍ക്കുമുണ്ട്. ഒരു ഘട്ടത്തില്‍. സംസ്ഥാനത്തെ മിക്കവാറുമെല്ലാ അവശ്യ ഏര്‍പ്പാടുകളും നിര്‍ത്തിവെക്കാന്‍ തീരുമാനിച്ചപ്പോഴും ബാറുകളും ബെവറേജസ് കടകളും അടക്കാന്‍ സര്‍ക്കാര്‍ കൂട്ടാക്കുകയുണ്ടായില്ല. മദ്യ ഉപയോക്താക്കളോട് ജന്മവിരോധം കൊണ്ടുനടക്കുന്ന മദ്യവിരുദ്ധസംഘടനക്കാരും വേറെ ചില കൂട്ടരും മദ്യക്കടയടപ്പിക്കണം എന്ന് രാപകല്‍ ആവശ്യപ്പെട്ടിരുന്നു. കൊറോണയ്ക്ക് തെല്ലെങ്കിലും പേടിയുള്ള ഒരു സാധനം ആല്‍ക്കഹോള്‍ ആണെന്ന് മദ്യവിരുദ്ധര്‍ അറിയേണ്ട കാര്യമില്ലല്ലോ....

ഷട്ഡൗണ്‍ ലോക്ക്ഡൗണ്‍ തുടങ്ങിയ നല്ല വാക്കുകളിലൂടെ വിശേഷിപ്പിക്കപ്പെടുന്ന അടച്ചിടല്‍ ആരംഭിച്ചപ്പോള്‍ മദ്യശാലകളെ അതില്‍ പെടുത്തിയിരുന്നില്ല. ഇക്കാര്യം വിശദീകരിക്കാന്‍ മുഖ്യമന്ത്രി വിളിച്ചുചേര്‍ത്ത പത്രസമ്മേളനത്തില്‍ മാധ്യമലേഖകര്‍ സ്വാഭാവികമായും ഇക്കാര്യം ചോദിച്ചു. ചോദിക്കും എന്നറിയാവുന്ന  മുഖ്യമന്ത്രി അതിനു വായടപ്പന്‍ മറുപടി കൊടുക്കാനുള്ള ആധികാരികരേഖകളുമായാണ് വന്നത്. എന്തു കൊണ്ട് ബെവറേജസ് കടകള്‍ അടക്കുന്നില്ല എന്നു വിശദീകരിക്കാന്‍ അദ്ദേഹം ഒരു കേന്ദ്ര ഉത്തരവ് ഇംഗ്ലീഷില്‍ തന്നെയുള്ളത് പത്രക്കാര്‍ക്ക് വായിച്ചു കേള്‍പ്പിച്ചു. അതില്‍ അടച്ചിടലില്‍ നിന്നു ഒഴിവാക്കപ്പെടേണ്ട ഭക്ഷണ, ദ്രാവക വില്പനശാലകളുടെ കൂട്ടത്തില്‍ ബെവ്‌റേജസ് എന്നു കൂടി ചേര്‍ത്തിരുന്നത് വായിച്ചുകേള്‍പ്പിച്ചു. രാജ്യത്തിന്റെ സ്ഥിതി ഇതാണ് എന്നദ്ദേഹം അല്പം പരിഹാസത്തോടെ കൂട്ടിച്ചേര്‍ക്കുകയും ചെയ്തിരുന്നു. ഇംഗ്ലീഷ് നിഘണ്ടു പ്രകാരം 'വെള്ളം ഒഴികെയുള്ള കുടിക്കാവുന്ന എന്തു ദ്രാവകവും' ബെവ്‌റേജസ് ആണ്. ചായയും കാപ്പിയുമെല്ലാം ബെവ്‌റേജസ്സില്‍ പെടും. മലയാളത്തില്‍ പക്ഷേ, ഇതങ്ങനെയല്ലല്ലോ. ഇവിടെ ബെവ്‌റേജസ് എന്ന വാക്കിനു മദ്യം എന്നേ അര്‍ത്ഥമുള്ളൂ. പത്രസമ്മേളനത്തില്‍ ആരും മുഖ്യമന്ത്രിയോട് ഒന്നും ചോദിച്ചില്ല. ആത്മരക്ഷാര്‍ത്ഥം മൗനം പാലിച്ചതായിരിക്കാം.

പക്ഷേ, ഒടുവില്‍ മദ്യക്കടകള്‍ അടക്കേണ്ടിവന്നു. അവശ്യവസ്തുക്കള്‍ സംഭരിക്കാന്‍ സമയം നല്‍കാതെയാണല്ലോ ലോക്ക്ഡൗണ്‍ ഉണ്ടായത്്.  അതിബുദ്ധിമാന്മാര്‍ കുറച്ചെല്ലാം മുന്‍കരുതല്‍ ശേഖരം സജ്ജമാക്കിയിരിക്കാം. സര്‍ക്കാരില്‍ നല്ല വിശ്വാസമുള്ള ചില മദ്യഉപയോക്താക്കാളാണ് കുടുങ്ങിപ്പോയത്. ആരു ചതിച്ചാലും കേരള ഗവണ്‍മെന്റ് ചതിക്കില്ലെന്നും ബാര്‍ പൂട്ടിയാലും ബെവ്‌റേജസ് പൂട്ടില്ലെന്നും അവര്‍ ദുസ്വപ്‌നങ്ങള്‍ക്കിടയിലും പ്രതീക്ഷ പുലര്‍ത്തിയിരുന്നു. പക്ഷേ, എല്ലാം പൂട്ടി. എങ്കിലും മദ്യഉപയോക്താക്കളെ കൈയൊഴിയാന്‍ സര്‍ക്കാറിന്റെ സന്മനസ്സ് സമ്മതിച്ചില്ല. അവര്‍ പോംവഴികളെക്കുറിച്ച് നിരന്തരം ആലോചിച്ചു. മദ്യം ബാറുകളിലൂടെ വിതരണം ചെയ്യാം, അവിടെയിരുന്നു കുടിക്കാന്‍ പാടില്ലെന്നു മാത്രം എന്നൊരു നിര്‍ദ്ദേശം വന്നു. ഹോട്ടലുകളില്‍നിന്നു ഭക്ഷണം പൊതിഞ്ഞുവാങ്ങാം, ഇരുന്നു കഴിക്കരുത് എന്നു പറയുംപോലെയേ ഇതുള്ളൂ എന്നവര്‍ വാദിക്കുകയും ചെയ്തു. ആളുകള്‍ പൊതിഞ്ഞു വീട്ടില്‍ കൊണ്ടുപോയി കഴിക്കുമെന്ന ഒരു തടസ്സവാദം ഉയര്‍ത്തപ്പെട്ടു. കൊറോണയ്ക്ക് ഇങ്ങനെയൊരു സൈഡ് ഇഫക്റ്റ് ആരും പ്രതീക്ഷിച്ചതല്ലല്ലോ. അതും നടന്നില്ല.

മദ്യമില്ലാത്ത അവസ്ഥ കേരളത്തെ സംബന്ധിച്ചിടത്തോളം കൊറോണയെക്കാള്‍ അപായകരമായി എന്നാണ് ഇപ്പോള്‍ തോന്നുന്നത്. കൊറോണ കൊണ്ട് ഒരാളേ മരിച്ചുള്ളൂ. മദ്യമില്ലാത്തതുകൊണ്ട് നാലഞ്ചാളുകള്‍ മരിച്ചതായി വാര്‍ത്തയുണ്ട്. കുടിക്കാന്‍ കിട്ടിയില്ലെങ്കില്‍ ജീവന്‍ വെടിഞ്ഞേക്കാന്‍ മാത്രം മദ്യാസക്തിയുള്ളവര്‍ക്ക് ഡോക്റ്ററുടെ കുറിപ്പടിയോടെ മദ്യം നല്‍കാന്‍ പ്രത്യേക സംവിധാനം ഏര്‍പ്പെടുത്തുന്നതിനെക്കുറിച്ചും സര്‍ക്കാര്‍ ആലോചിച്ചതാണ്. ഡോക്റ്റര്‍മാരുടെ സംഘടനയ്ക്ക് അത് അത്ര പിടിച്ചില്ലെന്നു തോന്നുന്നു. മദ്യം കഴിക്കാഞ്ഞാല്‍ മരിക്കും എന്ന അവസ്ഥയിലുള്ള ആളെ ചികിത്സിക്കാന്‍ ക്ലിനിക്കില്‍ പ്രവേശിപ്പിക്കുകയാണത്രെ വേണ്ടത്!  അല്ലാതെ, മരുന്നു കുറിപ്പടിയില്‍ 'ബ്രാന്‍ഡി രണ്ട് പെഗ് മൂന്നുനേരം ഭക്ഷണത്തിന് അര മണിക്കൂര്‍ മുമ്പ്' എന്നെഴുതുകയല്ലത്രെ വേണ്ടത്.

പ്രതീക്ഷ വെടിയരുതാരും. സര്‍ക്കാര്‍ ഒപ്പമല്ല, കൂടെത്തന്നെയുണ്ട്. എന്തെങ്കിലും ഒരു വഴി കണ്ടെത്താതിരിക്കില്ല.

റോഡില്‍ ഏത്തം
കണ്ണൂരില്‍ റോഡില്‍ കൂടിനിന്ന മൂന്നു പേരെ പിടികൂടി ജില്ലാ പൊലീസ് മേധാവി ഏത്തമിടീച്ചതും മേധാവിയെ മുഖ്യമന്ത്രി ശാസിച്ചതും ചര്‍ച്ചാവിഷയമായിരുന്നു. അമ്മയെ തല്ലിയാലും രണ്ടുണ്ടു പക്ഷം എന്നു ചൊല്ലുണ്ടാക്കിയ കേരളീയര്‍ക്ക് ഇക്കാര്യത്തില്‍ മൂന്നു പക്ഷം തന്നെ ഉണ്ടായേക്കാം. പൊലീസ് മേധാവികള്‍ക്കു മാത്രമല്ല, ജഡ്ജിമാര്‍ക്കുപോലും ചില ഘട്ടങ്ങളില്‍ തങ്ങളെ ഏല്പിച്ച പണി എന്ത് എന്നു മറന്നുപോകാറുണ്ട്. ഈയിടെയായി ഈ അസുഖം കൂടിവരുന്നുണ്ട്. 

പൗരന്മാര്‍ റോഡിലിറങ്ങരുത് എന്നു അനുശാസിക്കുന്ന നിയമമൊന്നും ഇന്ത്യയിലിതുവരെ ഉണ്ടായിട്ടില്ല. പച്ചക്കറി വാങ്ങാന്‍ കടയില്‍ പോകാം. മടങ്ങിവരുമ്പോള്‍ സുഹൃത്തിനെ കണ്ടാല്‍ നിന്നു സംസാരിക്കാം. അത്യാവശ്യത്തിനേ റോഡിലിറങ്ങാവൂ. കൂട്ടംകൂടി നില്‍ക്കരുത്. ഇത് ഒരു പൊതുനന്മയ്ക്കു വേണ്ടി ജനങ്ങള്‍ ചെയ്യുന്ന സേവനമാണ്. ഒരു പൊതു ബോധവുമില്ലാതെ ഇതു ലംഘിക്കുകയും റോഡില്‍ കൂട്ടംകൂടി നില്‍ക്കുകയും ചെയ്യുന്നവരെ ഏത്തമിടീക്കുന്നതില്‍ എന്താണ് തെറ്റ് എന്നു ചോദിക്കുന്നവരുടെ സന്മനസ്സിനു നല്ല നമസ്‌കാരം. പക്ഷേ, ഒരു പൗരന്‍ പൊതുനിരത്തില്‍ സര്‍ക്കാര്‍ നിര്‍ദ്ദേശം ലംഘിക്കുന്നതിനേക്കാള്‍ കുറ്റകരമാണ് നിയമം പാലിക്കേണ്ട ഒരു പൊലീസ് ഓഫീസര്‍ പൊതുറോഡില്‍ നിന്നുകൊണ്ട് നിയമം ലംഘിക്കുന്നതും പൗരനെ അപമാനിക്കുന്നതും. കുറ്റം ചെയ്തവനെ പൊലീസ് മേധാവിക്ക് കസ്റ്റഡിയിലെടുക്കാം. കേസ്സെടുക്കുകയും ചെയ്യാം. പക്ഷേ, ശിക്ഷിക്കാന്‍ ഒരുമ്പെടരുത്. അത് അയാളെ ഏല്പിച്ച പണിയല്ല.

നിയമാനുസൃതമായ അധികാരമേ ആര്‍ക്കും ഉള്ളൂ. പണ്ടത്തെ ജന്മിയുടെ അധികാരമുള്ള ആളാണ് താനെന്നു പൊലീസ് ഉദ്യോഗസ്ഥന്് തോന്നിത്തിടങ്ങിയാല്‍ അത് കൊറോണയേക്കാള്‍ ദ്രോഹം ചെയ്യുന്ന രോഗമാണ്. ഉത്തരേന്ത്യയില്‍ ഇപ്പോഴും ജന്മിമാരും ജന്മിമനസ്സുള്ള പൊലീസുകാരും ഉണ്ടാവാം. കേരളം അതല്ല നാട് എന്ന് യതീഷ് ചന്ദ്രമാര്‍  ഇനിയെങ്കിലും പഠിക്കട്ടെ. 

മുനയമ്പ്
ആയിരക്കണക്കിന് ഇതരസംസ്ഥാന തൊഴിലാളികള്‍ പ്രതിഷേധവുമായ കോട്ടയത്തു ചട്ടം ലംഘിച്ച് തെരുവിലിറങ്ങി ബഹളം കൂട്ടി-വാര്‍ത്ത.
ഒരൊറ്റ യതീഷ് ചന്ദ്രയെയും അവിടെയെങ്ങും അവസാനം വരെ കണ്ടതേയില്ല.