പോസ്റ്റുകള്‍

ഡിസംബർ, 2021 തൊട്ടുള്ള പോസ്റ്റുകൾ കാണിക്കുന്നു

പ്രകാശം ചൊരിഞ്ഞ വഴിവിളക്കുകള്‍

ഇമേജ്
 പ്രകാശം ചൊരിഞ്ഞ വഴിവിളക്കുകള്‍ ജീവിതവഴിയിൽ ഉപദേശവും നിർദേശവും അനുഭവവും സ്നേഹവും കരുതലും നൽകിയ മഹാത്മാക്കളും ഗുരുക്കന്മാരും സഹപാഠികളും ഇവിടെ പലരെക്കുറിച്ചും അന്നുതന്നെ അനുസ്മരണങ്ങളിലൂടെ ആദരാജ്ഞലികൾ അർപ്പിച്ചു . എല്ലാം ഇവിടെ സമാഹരിക്കുകയാണ് . ഇരുപതു കുറിപ്പുകൾ ... എം . പി വീരേന്ദ്രകുമാറും പോത്തൻ ജോസഫും ബി . ജി വർഗീസും എം . ആർ നായരും ഉൾപ്പെടുന്ന മഹാപ്രതിഭകൾ .... വി . എം കൊറാത്തും ടി . വേണുഗോപാലനും വി . എം ബാലചന്ദ്രനും ഉൾപ്പെടുന്ന മാധ്യമ ഗുരുക്കൾ . പിന്നെ കെ . ജയചന്ദ്രനും വി . രാജഗോപാലും ഐ . വി ബാബുവും .. പിന്നെ കെ . എം റോയിയും മലപ്പുറം പി മൂസ്സയും . ഇരുപത് ഓർമക്കുറിപ്പുകൾ .. Please click the link to buy the book https://www.amazon.in/dp/B09L4SVL48/ref=cm_sw_em_r_mt_dp_9NTA13PXYYJPPH8GGB7G  

സ്വാതന്ത്ര്യം കവരാന്‍ ഇനി 'വസ്തുക്കളുടെ ഇന്റര്‍നെറ്റും'?

നോബല്‍ സമ്മാനം ഇത്തവണ ലഭിച്ചവരില്‍ രണ്ടുപേര്‍ മാധ്യമപ്രവര്‍ത്തകരാണ് എന്നത് സ്വാഭാവികമായും മാധ്യമസ്വാതന്ത്ര്യത്തില്‍ വിശ്വസിക്കുന്ന ലോകജനതയെ സന്തോഷിപ്പിക്കുകയും ആവേശം കൊള്ളിക്കുകയും ചെയ്തിരുന്നു. മരിയ റെസ്സയും ദമിത്ര അന്‍ദ്രയേവിച്ച് മുറാടോവും മാത്രമല്ല, ലോകത്തെങ്ങുമുള്ള മാധ്യമപ്രവര്‍ത്തകരാണ് ഇതിലൂടെ ആദരിക്കപ്പെട്ടതെന്നുമുള്ള സത്യമായ പ്രകീര്‍ത്തനങ്ങള്‍ എങ്ങും ഉയര്‍ന്നു വരികയും ചെയ്തു. ഒപ്പം, ഒരു യാഥാര്‍ത്ഥ്യം കൂടി നിരീക്ഷകര്‍ ചൂണ്ടിക്കാട്ടി. ലോകത്തു പത്രസ്വാതന്ത്ര്യം ഉയരങ്ങളില്‍നിന്ന്്് ഉയരങ്ങളിലേക്ക്  മുന്നേറുന്നതുകൊണ്ടല്ല ഇത്തവണ ഈ അഭൂതപൂര്‍വമായ അംഗീകാരം ലഭിച്ചിട്ടുള്ളത്. അന്ത്യശ്വാസം വലിക്കാന്‍ തുടങ്ങിയ ചില മഹാത്മാക്കളെ അവസാനമായി ഒന്ന് ആദരിക്കുന്നതുപോലെ, അന്ത്യശ്വാസം വലിച്ചുതുടങ്ങിയ മാധ്യമസ്വാതന്ത്ര്യത്തിനു നല്‍കപ്പെടുന്ന അവസാന ആദരവാണോ ഇതെന്ന ചോദ്യം ഉയര്‍ന്നു വരികയും ചെയ്തിട്ടുണ്ട്.  മീഡിയബൈറ്റ്‌സ്  എന്‍.പി രാജേന്ദ്രന് 2020-ല്‍, മാധ്യമപ്രവര്‍ത്തകര്‍ക്കു നേരെ സംഘടിത ശക്തികളും ആള്‍ക്കൂട്ടങ്ങളും ഭരണകൂടങ്ങളും നടത്തുന്ന ആക്രമണങ്ങളും ഉയര്‍ത്തുന്ന ഭീഷണികളും എന്നത്തേക്കാള്‍ കൂടതലായിരുന്നു എന്ന